1 Samueli 22:20 - U TIENU MAAMA TILI 2013

²⁰ Ama Ahitubi bijua Ahimeleki bila siiga yendo den sani ki cia. O den yi Abiatari. O den sani ki ŋoadi Davidi,

Gourmanchéma Bible

²⁰ Ama Ahitubi bijua Ahimeleki bila siiga yendo den sani ki ciadi. O den yi Abiata. O den sani ki ŋoadi Dafidi,

1 Samueli 22:20 ပူးပေါင်းရင်းမြစ်များ

2 Samueli 15:24

Sadoki den ye likani, wani leni yaa Levi buolu n bugi U Tienu ŋantaadikpaku. Bi den bili U Tienu kpaku yeni. Abiatari den padi a pada hali yaa niba n den ñani u dogu nni kuli n do ki gbeni.

2 Samueli 20:25

Seya den kubi a tila tuonli. Sadoki leni Abiatari den tie kopadicianba.

1 Bi Badiba 1:7

O den juogi leni Tiseruya bijua Joabi, bi toatieba yudaano leni o kopadiciamo Abiatari ke bi ŋoadi o puoli.

1 Bi Badiba Jama 15:11

Davidi den yini bi kopadicianba Sadoki, Abiatari leni Levi buolu yaaba, Urieli, Asaya, Joeli, Semaya, Elieli leni Aminadabi.

1 Bi Badiba Jama 18:16

Ahitubi bijua Sadoki leni Abiatari bijua Abimeleki n den tie bi kopadicianba. Safoa n den tie o tidianlo.

Jobi 1:19

ke ku tafaaciangu ñani mi fanpienma kalu po, ki pua ki guli li dieli goannaada kuli. Li dieli ŋmadi ki baa bi nipanba yeni po, ke bi kpe. Mini nbebe n sani ki cia ki cua ki baa pa ŋa laabaali.»

1 Samueli 14:3

Ahitubi bijua Ahiya moko den ye leni o. Ahitubi yeni den tie Ikabodi kpelo, ki go tie Fineya bijua. Fineya mo den tie Eli bijua, yua n den tie U Tienu kopadiciamo Silo dogu nni. Ahiya den la bi kopadicianba bado n yen la yaa liadibiga. Bi toatieba naa den bani ke Jonatan fii ki gedi.

1 Samueli 2:33

Die n baa cedi a buolu yua n yaa taabi n padibinbinli kani, lan yaa koani a nuni, ki ñundi a li mutuoli. A diegu niba yaaba n sieni mo baa yaa tuadi ki baali bi panma siiga.

1 Samueli 22:21

ki waani o ke Sayuli kpa o Diedo kopadicianba.

1 Samueli 23:6

Li den sua ke Ahimeleki bijua Abiatari n den sani ki gedi Davidi kani Keyila po yeni, o den kubi ki kopadician-liadibiga yaaga n tie bencabili yeni.

1 Samueli 23:9

Davidi n den bandi Sayuli n jagi o po yaa jagibiadili, o den teni ke o kopadiciamo Abiatari cuani li cabilakaali yeni,

1 Samueli 30:7

Davidi den yedi o kopadiciamo Ahimeleki bijua Abiatari: «Taa o kopadiciamo cabilakaali ki cuani ne.» Abiatari den taa li cabilakaali yeni ki cuani Davidi kani.

1 Samueli 4:12

Landaali Benjamen buolu jayendo den ñani bu toabu po ki sani ki pundi hali Silo. O pabiidili po, o den padi o tiadi ki wuli o yuli po mi tama.