1 Samueli 2:30 - U TIENU MAAMA TILI 2013

³⁰ Lani yaa po, mini o Diedo Isidayeli Tienu yedi: ‹N den bili ke a diegu leni a baadiegu baa yaa tuuni li kopadiciantuonli n nintuali hali yaa yogunu kuli. Ama dinla n kadi ki waani ke li kan go tua yeni. N baa kpiagi yua n kpiagi nni, ama yaaba n fali nni, n baa fali ba.

Gourmanchéma Bible

³⁰ Lani yaa po mini Li Miali Diedo Isalele yaaba Tienu yedi mine: ‹N den bili ke a diegu leni a baadiegu baa yaa tuuni li kopadician-tuonli n nintuali hali yaa yogunu kuli. Ama dinla n kadi ki waani ke li kan go tua yeni. Kelima n baa kpiagi yua n kpiagi nni, ama yaaba n fali nni n baa fali ba.

1 Samueli 2:30 ပူးပေါင်းရင်းမြစ်များ

1 Bi Badiba 11:11

Lane o Diedo den yedi o: «Ŋan tieni maama ne, kaa kubi n ŋantaado leni min den bili a po yaa bali maama, n baa fie a kani mi diema, ki boagidi ki teni a naacenba siiga yendo.

1 Bi Badiba 2:27

Li tie yene ke Salomon den ñani Abiatari li kopadiciantuonli nni. Lani kuli den tieni ke o Diedo n den bili yaa ñoamabonli Elia diegu po Silo po n tieni.

1 Bi Badiba Jama 17:18

Mini Davidi mo nan baa fidi ki go yedi a be leni ŋan puni a naacemo yaa kpiagidi po? Fini a baa, a bani a naacemo.

2 Bi Badiba Jama 15:2

ke o ñani ki ban tuogi Asa ki yedi o: «Cengi mani nni, Asa, yinba Juda buolu leni Benjamen buolu kuli! O Diedo ye leni yi, li yaa tie ke yimo ye leni o. Yi yaa lingi o, o baa cedi yin le o. Ama yi yaa ŋaa o, omoko baa ŋaa yi.

2 Bi Badiba Jama 26:18

ki yie o po ki yedi o: «Laa tie fini Osiasi ka baa juu o Diedo po tulale. Ama li tie ban den gagidi yaa kopadicianba, ke bi tie Alono puoliŋuani yeni n baa yaa juugi. Ña U Tienu diegu nni, kelima ŋaa tiegi. Lani, kan tua a po kpiagidi o Diedo U Tienu nintuali.»

Pisomi 18:20

O den ñani nni ki mabinga nni, Ki teni ke n diedi n yuli. O den faabi nni kelima o bua nni.

Pisomi 18:26

A tiegi yua n tiegi po. A tie papiendaano yua yaa pali n pieni po.

Pisomi 50:23

Yua yaa padili n tie ti pagidi, Wani n kpiagidi nni. Yua n kubi o sanu ke u tiegi, N baa teni wan le U Tienu faabima.

Pisomi 73:20

Nani o nilo n yen fundi Ki fali o dangidi maama, O Diedo, a baa fii ki fali bi jinjindi yene.

Pisomi 91:14

O Diedo yedi: «Nani wan sani ki baa n po yeni, N baa teni wan cia. N baa kubi o kelima o bani min tie yua.

Pisomi 91:15

O yaa jaandi ki mia nni, N baa gaa o jaandi! Mini n ba n baa yaa ye leni o o fala nni, Ki faabi o ki go kpiagi o.

Mi Ñama 28:43

Alono leni o bijaba baa yie laa tiade ki kua u Kadikaanu Gbandieli nni, bi ki pundi li padibinbinli kani u kaangagidiŋamu nni, bi yaa baa padi li padili yaa yogunu. Yeni, bi kan kpe, kelima baa se n nintuali mubima. Laa bali maama baa waagi ki ye Alono leni o puoliŋuani kuli po, hali yaa yogunu kuli.

Mi Ñama 29:9

Ŋan ñagini ba bi gbanñagiditi, ki fini ba bi finfinjuadi. Li yaa puoli, bi baa yaa tie n kopadicianba yaa yogu n tuu yaa yogu. Ŋan baa tieni maama n yeni ki kuani Alono leni o bijaba bi tuonli nni.

Mi Kpanjama 12:8

O nilo yama n baa teni ban pagi o, Ama bi fali o yanpiidaano wani.

Mi Kpanjama 4:8

Bua mi yanfuoma bonŋanla, Mi baa duoni a bali. A yaa jigini ma, mi baa teni ŋan baa ti kpiagidi.

Mi Kpanjama 8:17

Mini wani, n bua yaaba n bua nni, Yaaba n lingi nni mo baa le nni.

Esayi 29:13

O Diedo yedi: «A laa u naa nibuolu yen cua n kani, Ki yaa kpiagidi nni leni u ñoacuuna, Ama u pali foagi leni nni. Wun pia n po yaa fangili mo tie maasuagu bebe.

Jeremi 29:32

o Diedo n yedi yaama nne: «N baa fii ki sedi Semaya Nehelam yua po leni o puoliŋuani kuli po. Bi siiga oba kuli kan yaa ye bi naa niba nni, oba kuli kan le min baa tieni n niba po yaa ŋanma, kelima o maama tie mi yiema o Diedo po. O Diedo n yedi yeni.»

Jeremi 49:15

N teni ke a wa i nibuoli kuli siiga, Ke bi niba fali a boncianla.

Esekieli 34:10

Mini o Diedo U Tienu yedi mi naa maama: N baa fii ki sedi Isidayeli yankpaaba yeni po. N baa buali ba ban den kubi n yandi yaadi yeni po. N kan go cedi ban yaa kpaa n yandi. Lani, bi yankpaaba yeni kan go yaa nua bi yucela ŋamu bebe. N baa fie n pe, ki babidi ba bi ñoana nni, ke ban go da tua bi jiema.»

Danieli 4:34

Moala mini Nebukanesa, n pagi ki go kpiagi tanpolijoma Tienu ki jigini o yeli. O tuona kuli tiegi moamoani, O bontienkaala kuli dagidi. O fidi ki jiini yaaba n cuoni leni ti japaadi.»

Malaki 1:6

Li Miali Diedo U Paaciamu Kuli Daano yedi: «Ki biga jigindi o baa, O naacemo mo kpiagidi o canbaa. N yaa tie yi Baa, min pundi ki baa yaa jigidi yeni ye le? N yaa tie yi Canbaa, min pundi ki baa yaa kpiagidi yeni ye le? Yinba bi kopadicianba n fali n yeli ki nan tua: ‹Ti fali a yeli lede?›

Malaki 2:3

N baa waani yi puoliŋuani fala. N baa taa yin padi yaa yandi mi jaanma yogunu pobindi, ki madi yi nunmu nni. Bi baa taani ki tugi yinba leni tini kuli.

Mi Coadima 11:20

Ama yi baa ŋmani ti ŋmamunli, ki guo hali tin yaa ña yi miani nni, hali yi yama n ña ti niinni. Li baa soani yeni, kelima yi fali o Diedo yua n ye yi siiga, ki buudi o nintuali ki tua: ‹Be yaa po yo, ke ti den ñani Ejipiti po?› »

Mi Coadima 35:34

Yi kan joagini mi diema yin baa gedi ki yaa ban ye naankani yeni, mini n ba mo baa yaa ye mi diema nni, kelima n tie Li Miali Diedo yua n ye Isidayeli yaaba siiga.»

Jan n diani U Tienu Laabaaliŋamo maama 12:26

O nilo yaa tuuni n po, wan yaa ŋua nni. Min baa yaa ye naani, wani n naacemo mo baa yaa ye lankane. Yua n tuuni n po kuli, n Baa baa jigini o.

Jan n diani U Tienu Laabaaliŋamo maama 5:23

Lani, ke bi niba kuli n yaa jigindi Bijua nani ban jigindi Baa maama yeni. Yua n kaa jigindi Bijua kuli, waa jigindi Baa yua n den soani o.

Jan n diani U Tienu Laabaaliŋamo maama 5:44

Yi tuo ki baadi ti kpiagidi yiyaba kani, ama yii lingi yaa kpiagidi n ñani U Tienu yua n ki pia lielo kani. Yin tiendi maama yeni, yi baa gaa lede ki dugi n po?

Jan n diani U Tienu Laabaaliŋamo maama 8:49

Jesu den guani ki yedi ba: «Mii pia cicibiadiga ka. N jigindi n Baa yo, ama yinba, yi jigidi nni.

1 Korenti 4:5

Lani yaa po, yin da ja ti buudi liba kuli po, hali ke li yogunu daa pundi. Yaa guu mani o Diedo cuama, wani yua n baa yendi yaala n wuo li biigili nni, ki go doagidi yaala n den wuo a pala nni. Lanyogunu, nilo kuli baa baa U Tienu kani lan pundi wan baa yaa pagidi.

1 Pieri 1:7

Laa bonla cua ki baa doagidi yi dandanli n moani maama. Wula, ba ke o tie bonmoanla, baa fidi ki biidi. Ama bi yen biigi o leni u mu. Li tie yenma leni yi dandanli, yaala n tie bonmoanla ki cie wula, ban baa biigi yaali ki bandi lin moani maama. Lani n tie yin baa ti pagidi, ti kpiagidi leni ti jigidi Jesu Kilisiti n baa doagidi yaa yogunu.

Bi Bujiaba 9:10

Lani, i tiidi den yedi bu kankanbu: ‹Fini, cua ki tugi ti yuli.›