1 Samueli 2:2 - U TIENU MAAMA TILI 2013

² Yua n Gagidi ki ŋani nani fini o Diedo kuli naa ye. Toa kuli ki ye ke laa tie fini. Oba ki guu ti nani fini U Tienu ti Tanciangu.

Gourmanchéma Bible

² Yua n Gagidi ki ŋani nani fini Li Miali Diedo kuli naa ye. Oba ki ye ki cie ŋa. Oba ki guu nani fini ti Tienu.

1 Samueli 2:2 ပူးပေါင်းရင်းမြစ်များ

2 Samueli 22:3

U Tienu tie n tangu, Min sani ki baa yua yaa po, N gbankoandigu leni yaa fidu n gaani nni, N gaakaanmoanu, n kaanpaalu, N Candaano, a gaa nni bi nibiadiba nuu nni.

2 Samueli 22:32

Ŋme n tie U Tienu, li yàá tie Li Miali Diedo yaa ka? Ŋme n tie ti tanciangu, li yàá tie ti Tienu yaa ka?

2 Samueli 7:22

A kpiagi hali moamoani, o Diedo U Tienu pia ti kpiagidi hali boncianla, oba kuli ki naani leni a. Nani tin ko li gba maama, tientoa kuli ki ye, se fini.

1 Bi Badiba 8:23

«Li Miali Diedo, Isidayeli Tienu, tientoa kuli ki ye ki naani leni a, tanpoli po leni ki tinga nni kuli. Fini n kubi ŋan den kuani yaa ŋantaado leni a naacenba, ki go gba bi po mi ninñima bani yaaba n cuoni a nintuali leni bi pala kuli.

Pisomi 111:9

O den soani mi faabima o niba po, Wan kuani leni yaaba yaa ŋantaado n ki pia fidima. O yeli gagidi ki ŋani ki go pia i jeje.

Pisomi 18:2

O den yedi: «N bua ŋa o Diedo, Fini n tie n paalu.

Pisomi 18:31

U Tienu sani ŋani ki dagidi cain. O Diedo maama mo tie moamoani. O tie gbankoandigu yaaba n sani Ki baa o po kuli po.

Pisomi 71:19

U Tienu, a teginma kpedi hali boncianla, Kelima a tieni yaa bonla n yabi. U Tienu, ŋme n naani leni a?

Pisomi 71:3

Tua n po min baa fidi Ki wuoni yaa tangu kani. Ŋan teni min yaa kpendi yogunu kuli, Ki baa ki faabi, Kelima a tie n tangu leni n kaanpaalu.

Pisomi 73:25

N nan go pia ŋme yo tanpoli po Ke laa tie fini? Ki tinga nni mo, liba kuli ki mangidi N pali kaa tie fini.

Pisomi 86:8

O Diedo, i tieni siiga oba kuli ki da leni a! Tuonliba kuli ki naani leni a yaa tuona!

Pisomi 89:6

O Diedo, tanpoli n yaa pagi a Bancianma leni a moamoani, Bi nigagidiŋanba siiga!

Pisomi 89:8

U Tienu, a pia i jeje hali boncianla, A malekinba taancianli nni, Ki go pia i jejeciami yaaba n gaani Ki lindi a kuli po.

Pisomi 99:3

Ban pagi a kelima a yeli yabi, Ki go pia i jeje, A gagidi ki ŋani mo.

Pisomi 99:5

Pagi mani o Diedo ti Tienu, Gbaani mani o taaŋmaakaanu kani, Ki pugi o kelima o gagidi ki ŋani!

Pisomi 99:9

Pagi mani o Diedo ti Tienu! Gbaani mani o joagagidikaali po, Kelima o Diedo ti Tienu ŋani.

Mi Ñama 15:11

Li Miali Diedo, i tieni kuli siiga, Ŋme n baa fidi ki niagi leni a? Ŋme ye ki naani leni fini yua yaa gagidiŋanma n ki pia lie? Li pundi ban jie ŋa, ki go pagi fini yua n tiendi mi bancianma.

Esayi 40:18

Yi bua ki boagini U Tienu leni ŋme yo? Yi baa nandi o leni be?

Esayi 44:6

O Diedo Isidayeli bado, Wani Li Miali Diedo U Paaciamu Kuli Daano Yua n daa ki faabi ba, Yedi yaa maama n tie ne: «N tie o kpialo leni o juodika Mini yaa ka, toa ki ye.

Esayi 44:8

Da jie mani, da digibi mani, Mii den teni ke yi gbadi Ke n go waani yi la hali yogu te? Yinba n tie n siedinba: Naani toa go ye ke laa tie mini? Tanciantoagu kuli ki ye Min ki bani yaagu yaa po.»

Esayi 57:15

Yua n ye hali tanpolijoma, Wani yua n ye hali yaa yogunu kuli, Ke o yeli mo gagidi ki ŋani yedi: «N ye mi gagidiŋanma nni Leni yaa kaanu n kpedi ki cie I kaani kuli nni. Ama n go ye leni ban mabindi yua Leni yua n ye leni li pabiidili. Yeni n baa fidi ki baagi yaaba N ye li pabiidili nni, Ki go faabi yaaba n laadi fala bi pala nni.

Esayi 6:3

Bi den kpaani ki tua biyaba: «O gagidi ki ŋani! O gagidi ki ŋani! Li Miali Diedo U Paaciamu Kuli Daano Gagidi ki ŋani. Ki tinga kuli gbie leni o kpiagidi.»

Jeremi 10:6

Oba kuli ki naani leni a, o Diedo A yabi, a yeli moko yabi ki go pia u paalu.

Levi 11:44

N tie Li Miali Diedo yi Tienu, yi baa gagidi ki ŋanbidi yi yula, ki yaa ŋani cain, kelima n gagidi ki ŋani cain. Yin da joagini yi baa leni yaa bonfuoda n balini tiipo yeni.

Levi 11:45

N tie Li Miali Diedo yua n den teni ke yi ñani Ejipiti diema nni, ke min yaa tie yi Tienu. Yi baa gagidi ki ŋanbidi yi yula, kelima n gagidi ki ŋani.»

Levi 19:2

«Maadi leni Isidayeli yaaba nitaanli kuli ki yedi ba: Yi baa gagidi ki yaa ŋani kelima mini Li Miali Diedo yi Tienu, gagidi ki ŋani.

LOMA YAABA 15:4

Yaala n den kpa diani kuli den diani ke lan bangi ti, ke i Diani n puuni yaa juunli leni yaa baagi po, tin fidi ki baa mi suginma.

LOMA YAABA 4:8

Li pamanli ye leni o Diedo n kan go tiadi Yaa nilo tuonbiadi po.

Mi Tiadima 3:24

«O Diedo U Tienu, a cili ki waani a naacemo a nuu paalu leni ŋan yabi maama, kelima u laa tienu n ye tanpoli leni ki tinga nni, ki baa fidi ki togidi ŋan tieni yaa tuona leni a bancianma?

Mi Tiadima 32:20

O den yedi: «N baa buli ba n nunga, Ki le bi juodima n baa tua maama, Kelima bi tie yaa nibuolu yaa maama n kan sedi kaanyendu, Bi tie nilo n kan fidi ki dugi yaaba yaa po.

Mi Tiadima 32:39

Lanwani, moala, diidi mani ki bandi Ke mini bebe n tie U Tienu. Mini yaa ka mo, tientoa ki ye. Mini n puuni li miali, mini n go kpaani. Mini n poagiliti, mini n go buu. Niloba mo kan fidi ki lobidi la n nuu nni.

Mi Tiadima 32:4

O tie Tanciangu yo, o tuonli mo ŋani cain Kelima o sani kuli tiegi. O tie ti dugidi Tienu, waa go pia tagiliba, Wani n tiegi ki go ŋani mo.

Mi Tiadima 4:35

Yinba wani baa li yumanli ki bandi laa bonla kuli. O Diedo tieni yi po yeni, ki bua yin bandi ke Li Miali Diedo tie U Tienu, ke tiento ki ye kali wani.

Mi Tiadima 4:39

Lanwani, dinla, yin bandi ki go kubi yi pala nni, ke Li Miali Diedo n tie U Tienu tanpoli po leni ki tinga po, ke tiento kuli ki ye.

1 Pieri 1:16

Li diani ki yedi: «Yin gagidi ki yaa ŋani, kelima mini, n gagidi ki ŋani.»