1 Samueli 2:10 - U TIENU MAAMA TILI 2013

¹⁰ O Diedo yibalinba baa midi. O baa teni i tatantani n tiani hali tanpoli ki pundi bi kani. O Diedo baa jia ti buudi leni ki tinga niba kuli. O baa pa o bado u paalu, O baa pugini wan gagidi ki dini yua li bali li bali paalu.»

Gourmanchéma Bible

¹⁰ Li Miali Diedo yibalinba baa midi. O baa teni i tatantani n tiani hali tanpoli ki pundi bi kani. Li Miali Diedo baa jia ti buudi leni yaaba n ye hali ki tinga banlu. O baa pa o bado u paaciamu, O baa pugini wan gandi ki gagidi ki dini yua li bali li bali paalu.»

1 Samueli 2:10 ပူးပေါင်းရင်းမြစ်များ

2 Samueli 22:14

O Diedo den tiani hali tanpoli po, Wani tanpoli badiciamo den kpedi o nialu.

2 Samueli 7:13

Wani n baa ti maa ku diegu n yeli nni. N baa pugini o bali paalu mo hali yaa yogunu kuli po.

2 Samueli 7:8

Lanwani, moala ŋan yedi n naacemo Davidi: ‹Li Miali Diedo U Paaciamu Kuli Daano yedi mine: N den ñani a u yankpaakaanu kani ŋan den kpaa i pe naani, ki teni ke a tua n niba Isidayeli yaaba yudaano.

Jobi 40:9

Naani a paalu pundi n yaa yuu? Naani a pia yaa nialu n duni Nani n yaa yuu yeni?

Pisomi 132:17

Lankane n baa pugini Davidi paalu, Ki go bogini yua n baa gaa Min gagidi yaa bado yeni kaanu.

Pisomi 148:14

O pugini o niba paalu leni bi jigidi, Li tie kpiagidi bonla yo o nidugikaaba po, Isidayeli yaaba, bani yaa niba N nagi leni o bonŋanla yeni po. Pagi mani o Diedo!

Pisomi 2:2

Ki tinga badiba kuli fii ki sedi. Bi badijaba mo taani ki tuu ñoayenbu, Ki fii ki sedi o Diedo, Leni wan gandi yua yaa po ki tua:

Pisomi 2:6

«Mini n gagidi n bado ki kaani o Siyon, n joagagidikaali yuli po.»

Pisomi 2:9

A baa mudi ba leni ti kudi gbiamu, A baa mudi ba yomi yomi, Nani o maado bobili yeni.»

Pisomi 20:6

Ti baa yigini leni li pamanli, Kelima a faabima po. Ti baa yugidi ti jakoandicabili ti Tienu yeli nni. O Diedo n tieni a po ŋan mia o yaala kuli.

Pisomi 20:7

Moala wani n bani ke o Diedo Baa todi wan gandi yua. Hali wan ye naankani tanpoli po, O baa gaa o miabu. O nujienu baa tieni mi banma ki faabi o.

Pisomi 21:1

Bi yanyinba yudaano yani siiga yanbu. Davidi yanbu.

Pisomi 28:8

O Diedo n tie o niba fidu, Ki go tie yaa kaanpaalu n baa tua faabima, Wan gandi yua po.

Pisomi 45:7

U Tienu, a bali kalikaanu ye Hali yaa yogunu kuli. A badigbiamu mo tie mi teginma gbiamu.

Pisomi 89:17

A yeli teni ke bi ye leni Li pamancianli daali kuli, Ki jigini bi yula kelima a teginma po.

Pisomi 89:24

N baa midi o yibalinba o nintuali, Ki faligi yaaba n nani o.

Pisomi 89:25

N moamoani leni n ŋanbili Baa yaa ye leni o, N yeli mo baa teni o bali n do.

Pisomi 96:13

Leni li pamanli o Diedo nintuali, Kelima o kpendi. O kpendi ki baa jia ti buudi ki tinga nni. O baa jia li ŋandunli buudi leni mi teginma, Ki jia i nilanbuoli buudi mo leni i moamoani.

Pisomi 98:9

Leni li pamanli o Diedo nintuali, Kelima o kpendi ki baa jia ki tinga buudi, O baa jia ŋanduna buudi leni mi teginma, Ki jia i nibuoli buudi mo ke li tiegi.

Mi Ñama 15:6

O Diedo, a nujienu paalu ki pia lie, O Diedo, a jienu mudi a yibalinba cain.

O Yanfuodaano 11:9

Fini o jawaalo, ŋan mangi a pali a jawaama yogunu. Ŋan yaa ye mi yemanma nni a panma dana nni. Ŋan tieni a pali n bua yaala kuli, yaala n mani a kuli, ŋan tieni la. Ama ŋan yaa bani ke U Tienu baa ti bu leni a bontienkaala kuli po.

O Yanfuodaano 12:14

U Tienu baa jia ti bontienkaala kuli buudi, ba yaala n wuo, li yaa ŋani leni li yaa bia kuli.

Esayi 29:6

Li Miali Diedo U Paaciamu Kuli Daano Baa cua ki goandi a leni i tatantani, Mi tindigibima leni yaa fuugu n yabi hali boncianla. O baa goandi a leni ki tacianga, ku tafaagu Leni yaa mu n co ki buondi.

Esayi 32:1

Li baa baa yaa bado n baa gobidi mi diema Leni mi teginma, Bi badijaba mo n gobidi Nani lan pundinni maama.

Esayi 45:24

Lanbu mo kuli baa yedi: «Mi teginma leni u fidu ye mini O Diedo bebe yaa kane.» Yaaba n den bieni bi pala o po kuli, Bi baa cua o kani ki yaa ye leni i fe.

Esekieli 29:21

Lanyogunu n baa pugini Isidayeli yaaba u fidu. N baa yaadi a ñoabu ki teni ŋan fidi ki maadi bi siiga. Lani, bi baa bandi ke n tie Li Miali Diedo.»

Matie 25:34

Lani, o bado baa yedi yaaba n ye o jienu: ‹Cua mani na, yinba n Baa n seligi yaaba! Gaa mani wan den ŋanbi yi po yaa diema hali ŋanduna cilima!

Matie 28:18

Jesu den nagini ki yedi ba: «U Tienu puni nni u paalu kuli, tanpoli leni ki tinga po kuli.

Luki 1:69

O fiini ti po o naacemo Davidi diegu nni Yaa Candaano n pa.

Luki 19:27

N yibalinba mo, bani yaaba n kaa den bua nni leni li bali yeni, cuani ba mani ki kpa ba n nintuali.› »

Jesu Tondiba Tuona 10:38

Yi go bani U Tienu n den teni ke o Fuoma Yua jiidi Jesu Nasareti yua po, ki gbie o niinni, ki puni o u paalu maama. Yi go bani ke o den caa i kaani kuli ki ŋanbidi bi niba po, ki faabidi Sutaani n den miabi yaaba kuli, ki paagidi ba kelima U Tienu den ye leni o.

Jesu Tondiba Tuona 4:27

Moamoani o bado Herodi leni guveneeri Ponsi Pilati den taani yanyenma leni yaaba n kaa tie Isidayeli yaaba leni Isidayeli yaaba kuli u naa dogu nni, ki juogi ban baa tieni maama ki cuo fini U Tienu naacen-gagidiŋamo Jesu, ŋan Gandi Yua.

2 Korenti 5:10

Li tie tiladi ke tikuli n sedi Kilisiti bujiali kaanu kani, ke yuakuli n gaa wan den ye o gbanandi nni ki tiendi yaala yaa panpaani, lan tie yaala n ŋani bi yaala n bia.

Bi Bujiaba 5:31

O Diedo, a yibalinba n bodi yeni! Ama yaaba n bua ŋa, ban yaa tie nani u yienu yeni, Wun kpadi yaa yogunu.» Mi yanduanma den tieni mi diema nni, hali bina piinaa.

1 Samueli 12:13

Moala, yi bado nne, yin den gandi yua. Yi den mia o bado ke o Diedo puni yi o.

1 Samueli 12:17

Tii ye ŋalikama ceyogunu ka? Ki taaga n ki go mi yaa yogunu. N baa jaandi ki mia o Diedo, o baa soani ki taaga leni i tatantani. Lani, yi baa bandi ke yi tudi boncianla o Diedo nintuali leni yin mia ban dini yi po o bado.»

1 Samueli 12:18

Lanwani, Samueli den jaandi ki mia o Diedo ke o soani ki taaga leni i tatantani landaali. Bi niba kuli den jie o Diedo leni Samueli hali boncianla.

1 Samueli 12:3

To, mini nna. Yin doagidi mani ki waani o Diedo leni wan gandi yaa bado nintuali min tieni yaa tagili. N fie ŋme yaa naatonle? N fie ŋme yaa ŋunbo yo? N boandi ŋme? N mabini ŋme? N gaa ŋme yaa kane li suuli ki pii n nuni ke min da le o tagili? Waani nni mani, n baa guani yi la.»

1 Samueli 15:28

Lani, Samueli den yedi o: «Dinla o Diedo moko dadi ki cie Isidayeli diema bali a kani, ki baa teni li nitoa yua n ŋani ki cie ŋa.

1 Samueli 16:1

O Diedo den yedi Samueli: «A baa yaa yagini a yama Sayuli po ki pundi u laa yogunu? N yie o, o kan go yaa tie Isidayeli bado. Lani, ŋan gbieni a yinli mi kpama ki fii. N baa soani a Betelemi yua Isayi kani, kelima n laa o bila siiga yua n dagidi n po, ke n baa dini o li bali.»

1 Samueli 7:10

Samueli n da den padi li padijuukaali yaa yogunu, Filisiti yaaba den nagidi ki baa baa Isidayeli yaaba. O Diedo den teni ke i tatantani tieni ke Filisiti yaaba jie hali boncianla ki sani. Isidayeli yaaba den paadi ba.