1 Samueli 18:27 - U TIENU MAAMA TILI 2013

²⁷ Davidi den fii leni o toatieba ki gedi ki kpa Filisiti yaaba kobilie, ki jia bi punjuodi ki cuani ki teni o bado, ke wan tua o cuado. Lanwani, Sayuli den teni o o bisalo Mikali ke o tua o pua.

Gourmanchéma Bible

²⁷ Dafidi den fii leni o toatieba ki gedi ki ku Filisiti yaaba kobilie, ki jia bi punjuodi ki cuani ki teni o bado ke wan tua o cuado. Lanwani Sayula den teni o o bisalo Mikali ke o tua o pua.

1 Samueli 18:27 ပူးပေါင်းရင်းမြစ်များ

2 Samueli 3:13

Davidi den guani ki yedi: «To, n tuo tin juogi. Ama bonyenla bebe, ŋan da ŋmaa n kani ke n pua Mikali, Sayuli bisalo, ki ye a liiga.»

2 Samueli 3:14

Davidi den soani a tonda Sayuli bijua Isi-Boseti kani, ki yedi o: «Teni nni n pua Mikali, min den pani yua yaa po Filisiti yaaba punjuodi kobiga ki taa o yeni.»

Bi Bujiaba 14:19

O Diedo Fuoma den kua Samison niinni, ke o gedi Filisiti yaaba dogu, yuu n yi Asikalon po. O den kpa likani jaba piitaa, ki taa bi tiadi ki teni yaaba n den bundi u telimu bi baditiadi. O pali den beni boncianla ke o lebidi ki kuni o baa denpo.

1 Samueli 14:49

Sayuli bijaba den tie Jonatan, Jisifi leni Malikisua. O den pia bisiabilie: o bisakpelo den yi Melabi, o lielo mo Mikali.

1 Samueli 18:13

Lanwani, Sayuli den ñani o o kani, ki teni ke o tua toatieba tudili yudaano. Davidi den tugi bi yuli bi ñama leni bi guanma kuli.

1 Samueli 18:17

Lanwani, Sayuli den yedi Davidi: «A yaa tuuni n po leni li papaali ki tiendi o Diedo toabu, n baa pa ŋa n bisakpelo Melabi, wan tua a pua.» Ama Sayuli den bungi o pali nni ki yedi: «Mii bua ki maani o po n nuu, ama Filisiti yaabe n maani o po bi nii.»

1 Samueli 18:28

Sayuli n den laa ki bandi ke o Diedo ye leni Davidi, ke o bisalo Mikali mo bua o,

1 Samueli 25:44

Sayuli den taa o bisalo Mikali, Davidi pua, ki teni Galimi dogu yua Layisi bijua, Paliti.