1 Samueli 18:17 - U TIENU MAAMA TILI 2013

¹⁷ Lanwani, Sayuli den yedi Davidi: «A yaa tuuni n po leni li papaali ki tiendi o Diedo toabu, n baa pa ŋa n bisakpelo Melabi, wan tua a pua.» Ama Sayuli den bungi o pali nni ki yedi: «Mii bua ki maani o po n nuu, ama Filisiti yaabe n maani o po bi nii.»

Gourmanchéma Bible

¹⁷ Lanwani Sayula den yedi Dafidi: «A yaa tuuni npo leni li papaali ki tiendi Li Miali Diedo toabu, n baa pa ŋa n bisakpelo Melabi, wan tua a pua.» Ama Sayula den bungi o pali nni ki yedi: «Mii bua ki maani opo n nuu, ama Filisiti yaabe n maani opo bi nii.»

1 Samueli 18:17 ပူးပေါင်းရင်းမြစ်များ

2 Samueli 11:15

O den diani laa tili nni ki yedi: «Yin gedini Uri bu toabu n bia naankani ki cie, ki fuadi ki ŋaa o ban pua o wan kpe.»

2 Samueli 12:9

Lanwani, be teni ke a fali mini o Diedo maama, ki tieni yaala n joagini n nintuali? A pedi ki kpa Hititi buolu yua Uri leni ki jugisiega. Yeni de! A teni ke Anmoni yaaba kpa o leni mu jugisiemu, ki taa o pua mo ke o tua a yaa pua.

2 Samueli 6:16

O Diedo kpaku n den cuubi ki baa kua Davidi kaanciamu nni yaa yogunu, Davidi pua Mikali, Sayuli bisalo den diegi li diebonli kani ki nuali. Wan den laa ke o bado Davidi yugi ki ciini, ki jeli o Diedo nintuali, o den fali o o pali nni.

Pisomi 12:2

O Diedo, gaa ti, Kelima bi niteginkaaba ki go ye. Bi papiendanba bodi bi nisaaliba siiga.

Pisomi 55:21

Laa joa fii ki pua o danlinba, Waa kubi wan bili yaa ŋantaado.

Mi Kpanjama 26:24

Yaa nilo n ye leni ki nanga, Yen maadi ke baa faami o po, Ke o nan bogidi i janbi.

Mi Kpanjama 26:25

O yaa maadi leni mi buama ŋan da daani o, Kelima o pali nni jaga joagini hali boncianla.

Mi Kpanjama 26:26

Bu nunfanbu baa fidi ki wuoni ki nanga, Ama li biadima baa faa ki doagidi bi niba kuli po.

Mi Coadima 21:14

Li tie lani yaa po yo, ke o Diedo Toabu tili nni, li yedi: «Yaa dogu n yi Wahebi ki ye Sufa leni li kpentaana, Arinoni kpenu

Mi Coadima 32:20

Musa den yedi ba: «Yi yaa tieni yin yedi yaala, ki taa yi jatiadi ki ban tieni bu toabu o Diedo nintuali,

Mi Coadima 32:27

Tinba a naacenba yaaba n kubi ti jatiadi bu toabu po mo, baa gedi ki ban koani o Diedo nintuali, nani fini ti daano n yedi maama.»

Mi Coadima 32:29

Musa den yedi ba: «Gadi leni Rubeni buoli yaa yegi leni yi ki duodi Jurden ki kubi bi jatiadi, ki ban koani o Diedo nintuali ke yi paadi mi diema, yin teni ba Galaadi diema, man tua bi tinbiini.

Mi Tiadima 17:7

Siedinba yeni, n baa kpa lugidi o a tana, lani yaa puoli yaa niba n sieni mo kuli, n taani ki lugidi o a tana hali wan kpe. Yi baa tieni yeni ki ñani li bonbiadila yi siiga.»

1 Samueli 14:49

Sayuli bijaba den tie Jonatan, Jisifi leni Malikisua. O den pia bisiabilie: o bisakpelo den yi Melabi, o lielo mo Mikali.

1 Samueli 17:25

Isidayeli toatieba den tua: «Yi nua yaa joa n nagidi ne bi? I moamoani o cidi tinba Isidayeli yaaba li koanli. Yua n kpa o kuli, o bado baa guoni o o ŋalimano, ki pa o o bisalo, ki faabi o baadiegu leni li badituonli mo Isidayeli diema nni.»

1 Samueli 17:36

Mini a naacemo den tieni yene ki kpa i yangbanli leni fuayanbiaditoamu kuli, lanwani laa jifolo, Filisiti yua yeni, n baa soani o yene, kelima o sugi U Tienu yua n fo toagoli.»

1 Samueli 17:47

Yaa niligu n ye ne kuli mo baa bandi ke wani o Diedo ki koani leni ki jugisiega leni li kpaanli ka, ki gaani o niba. O Diedo n tie bu toabu daano. Wani n baa taa yi ki tieni ti nuu nni.»

1 Samueli 18:21

O den bungi ki yedi: «N baa taa o ki teni o wan tua o po diagu ke Filisiti yaaba n maani o po bi nii.» Lanwani, Sayuli den yedi Davidi miliema: «A baa tua n cuado dinla.»

1 Samueli 18:25

Sayuli den yedi: «Yin go yedi Davidi: ‹O bado naa bua cuadili. Wan bua yaala bebe tie Filisiti yaaba punjuodi bondi kobiga, ke wan fidi ki guani bani o yibalinba bi panpaani.› » Sayuli n den jagi yaala den tie ke o bua Davidi n baa Filisiti yaaba nuu nni ban kpa o.

1 Samueli 18:27

Davidi den fii leni o toatieba ki gedi ki kpa Filisiti yaaba kobilie, ki jia bi punjuodi ki cuani ki teni o bado, ke wan tua o cuado. Lanwani, Sayuli den teni o o bisalo Mikali ke o tua o pua.

1 Samueli 25:28

N mia ŋa ŋan tieni mini a puotuado tagili po sugili. O Diedo baa ti bili fini n daano buolu wun yaa ye, kelima a kubi o Diedo toabu, ban da le a kani bonbiadiliba kuli mo hali a miali banlu.

1 Samueli 30:26

Davidi n den guani Tisikilagi, o den boagidi o fagidi niinni ki soani ke bi ban puni o danlinba Juda nikpela, ki yedi ba: «Diidi ki le min ñani yi po yaa paabu tin fie o Diedo yibalinba kani yaala yaa niinni.»