1 Samueli 17:36 - U TIENU MAAMA TILI 2013

³⁶ Mini a naacemo den tieni yene ki kpa i yangbanli leni fuayanbiaditoamu kuli, lanwani laa jifolo, Filisiti yua yeni, n baa soani o yene, kelima o sugi U Tienu yua n fo toagoli.»

Gourmanchéma Bible

³⁶ Mini a naacemo guli ki kpa i yangbanli leni fuayanbiaditoamu kuli, lanwani laa jifolo, Filisiti yua yeni, n baa soani o yene, kelima o sugi U Tienu yua n fo toagoli.»

1 Samueli 17:36 ပူးပေါင်းရင်းမြစ်များ

2 Bi Badiba Jama 32:17

Asiiri bado Senakeribi go den diani li tili ki sugi Li Miali Diedo Isidayeli Tienu, ki yedi o po mine: «Nani dietoama tieni n ki fidi ki faabi bi niba n nuu nni maama yeni, Esekiasi Tienu moko kan fidi ki faabi o niba n nuu nni yene.»

Esayi 10:15

Naani li yali baa jigini li yuli Yua kubi li ki tuuni kani? Naani ku sasaagu baa yaa pia, Kafaama leni yua n tuuni leni ku? Naani u gbiamu n baa mubini, Ki yoagi yua n yugidi u? Naani li gbadunduli n baa Yugidi yua n muubi li?

Esayi 36:15

Yin da tuo Esekiasi n teni yin dugi Li Miali Diedo po, ke wani Li Miali Diedo baa gaa yi, ki go teni ke yaa dogu n tie ne kan baa wani Asiiri bado nuu nni.

Esayi 36:18

Yin da cengi mani Esekiasi maama, kelima o fidi ki boandi yi, ki yedi ke Li Miali Diedo baa gaa yi. Naani yaa nibuoli n sieni tieni fidi ki teni ke Asiiri bado ki diedi bi diema?

Esekieli 28:10

Bi nilanba yeni nuu nni, A baa kpe nani a jifola yeni, Kelima mini n maadi. Mini o Diedo, U Tienu n yedi yeni.»

Esekieli 32:19

Yi tama ke yi ŋani ki cie ŋme? Jiidi mani li takuli nni leni a jifola.

Danieli 5:23

A fiini a yuli, ki koani leni Tanpoli Diedo, ki teni ke bi cuani a kani yaa tadiñokaamu n den ye o diegu nni, ke yi ñuni mi daama mu niinni, fini leni a paatieba, a puoba leni a puoconcona. A pagi i buli yii n tie ŋanjilifa, wula, ti kumoandi, ti kuboandi, ti daadi, yaa ka a tana, yaala n kaa gba, kaa bani liba mo. Ŋaa kpiagi U Tienu yua n kubi a miali leni a cabili kuli o nuu nni.

Sakari 12:3

Lanyogunu, n baa teni Jerusalemi yaaba n tua i nilanbuoli po tankpiagili. Yaaba n baa bua ki yua li kuli baa poagili bi yula boncianla. Ki tinga nibuoli kuli baa taani ki fii ki sedi li po.

Sakari 2:8

O den yedi o: «Sani ki yedi o jawaalo yua n kubi u baabibiigiko yeni, ke bi kan maa bilini ki lindi Jerusalemi, kelima yaa niba leni yaa yandi n baa yaa ye lienni yeni baa yaa yabi boncianla.»

1 Samueli 14:6

Jonatan den yedi yaa jawaalo n tugi o toatiadi: «Cua tin suagi ki pundi a jifola yeni toanagibiga. Daalinba o Diedo baa todi ti, kelima liba kuli kan yie ke o Diedo kan teni tin paadi, ti yaa yabi bi ti yaa wa.»

1 Samueli 17:10

Filisiti yua yeni go den yedi: «N cidi yinba Isidayeli toatieba kuli li koanli. Soani mani niyendo wan cua ne tin moa.»

1 Samueli 17:26

Davidi den buali yaa jaba n nagi leni o: «Yua n kpa o joa ne ki ñani Isidayeli yaaba po i fe, bi baa tieni o po be? Laa jifolo, Filisiti yua yeni, o tie ŋme ki baa fali U Tienu yua n fo toagoli?»

1 Samueli 17:35

n yen sani ki ŋoadi o ki pua ki guli o, ki kpibidi ka o ñoabu nni. O yaa den lebidi ki baa bibi nni, n yen cuo o koda nni ki pua ki kpa o.

1 Samueli 17:37

Davidi go den yedi: «O Diedo yua n den faabi nni leni o yangbanlo taajenbiñadi leni yaa fuayanbiadi n yi ursi yaa taatali nni, go baa gaa nni Filisiti yua ne moko yaa nuu nni.» Sayuli den yedi Davidi: «Gedi. O Diedo n yaa ye leni a.»

1 Samueli 18:17

Lanwani, Sayuli den yedi Davidi: «A yaa tuuni n po leni li papaali ki tiendi o Diedo toabu, n baa pa ŋa n bisakpelo Melabi, wan tua a pua.» Ama Sayuli den bungi o pali nni ki yedi: «Mii bua ki maani o po n nuu, ama Filisiti yaabe n maani o po bi nii.»

1 Samueli 31:4

Lane Sayuli den yedi yua n tugi o toatiadi: «Noadi a jugisiega ki muu ki kpa nni, ke a jifola ne n da cua ki muu nni, ki yuali nni.» Ama yua n den tugi o toatiadi naa den bua ki kpa o, kelima omoko den jie hali boncianla. Lanwani, Sayuli den noadi o yaa jugisiega ki sieni ka, ki baa ki po.