1 Samueli 17:24 - U TIENU MAAMA TILI 2013

²⁴ Isidayeli toatieba n den laa laa joa, bikuli den jie boncianla, ki suli ki guani puoli.

Gourmanchéma Bible

²⁴ Isalele toatieba n den laa laa ja, bikuli den jie boncianla, ki suli ki guani puoli.

1 Samueli 17:24 ပူးပေါင်းရင်းမြစ်များ

Esayi 30:17

Niyendo bebe yaa jamuali po Baa teni niba tudili n sani nani niyendo yeni. Nibimuu mo yaa jamuali po, yi baa sani Hali ki ban tua nani yaa dafoagidigu N caa li juali yuli po, Bi nani yaa jakoandicabili N ye li juali yuli po yeni.

Esayi 7:2

Bi den cua ki waani Davidi diegu nni yaaba, ke Siiri diema yaaba cua ki kali Efrayimi diema nni. Laa laabaalo den teni ke o bado Akasi leni o niba kuli tugusoama den sani, ke bi den digibi nani u faalu n figi li fuali nni tiidi maama yeni.

Levi 26:36

N baa teni ti jawaanciandi n cuo yaa niba n sieni yi buolu nni yeni. Ba ku faaligu n figi ki tieni yaa fuugu baa deli ba. Bi baa sani nani bi deli ba leni mu jugisiemu, ki yaa baali ke oba kuli naa deli ba.

Mi Coadima 13:33

Ti den laa ti niciandi buolu, Anaki puoliŋuani, ti niciandi yeni. Ti den nua ti yula nani i naaci yene bi kani, bimoko den nua ti yene.»

Mi Tiadima 32:30

Li baa gaa lede niyendo n fidi ki deli niba tudili? Niba tuda piiga mo baa sani nibilie nintuali lede? Li yàá bi tie ke bi tanciangu yeni kuadi ba yaa ka, Li yàá bi tie ke o Diedo yaa ka taa ba ki teni yi.

1 Samueli 17:11

Sayuli leni Isidayeli yaaba kuli n den gbadi Filisiti yua yeni maama, bi den jie ki kandi ke bi tugusoama sani.

1 Samueli 17:23

Wan den maadi leni ba yaa yogunu, Filisiti yaaba jakoando Goliati yeni den ñani Filisiti yaaba toacagili nni. O den sedi Isidayeli toatieba leni Filisiti yaa toatieba siiga, ki maadi nani mi kpiama yeni. Davidi den gbadi wan yedi yaala.

1 Samueli 17:25

Isidayeli toatieba den tua: «Yi nua yaa joa n nagidi ne bi? I moamoani o cidi tinba Isidayeli yaaba li koanli. Yua n kpa o kuli, o bado baa guoni o o ŋalimano, ki pa o o bisalo, ki faabi o baadiegu leni li badituonli mo Isidayeli diema nni.»