1 Samueli 17:10 - U TIENU MAAMA TILI 2013

¹⁰ Filisiti yua yeni go den yedi: «N cidi yinba Isidayeli toatieba kuli li koanli. Soani mani niyendo wan cua ne tin moa.»

Gourmanchéma Bible

¹⁰ Filisiti yua yeni go den yedi: «N mia yinba Isalele toatieba kuli li koanli. Soani mani niyendo wan cua ne tin moa.»

1 Samueli 17:10 ပူးပေါင်းရင်းမြစ်များ

2 Samueli 21:21

O den tiani ki sugi Isidayeli yaaba. Lane Davidi naataanjaga Simeya bijua Jonatan den kpa o.

2 Samueli 23:9

O yaa puoli Ahohi nilo yaabili Eleasari, Dodo bijua. Wani leni jakoanditoaba bonbilie den yegi leni Davidi ki ban tuogi leni Filisiti yaaba, ban den taani bu toabu po ke Isidayeli yaaba tiini ki do a juana,

2 Bi Badiba 19:4

Daalinba o Diedo a Tienu gbadi Asiiri bado n soani o guudikaaba yudaano ke o sugi U Tienu yua n fo maama. Laa yie a Tienu n jia ti buudi ki waani ba fala, kelima wan gbadi yaa maama po. Jaandi yaaba n da baa ki ye po.› »

Nehemi 2:19

Horoni yua Sanbala, o duogili Tobiya Anmoni buolu yua leni Gesem Arabi buolu yua, n den gbadi tin jagi yaala, bi den ñuadi ti ki fali ti, ki yedi: «Yi tiendi be nne? Yi bua ki fiini o bado po mi janjanma yo?»

Mi Kpanjama 16:18

Ti japaadi kpendinni mi bolinma, Ti japaadi yantiali mo kpendinni li tingbali.

Jeremi 9:23

Yua n bua ki jigini o yuli, N jigini o yuli kelima o pia mi yanfuoma ki bani nni, Ki bani ke n tie Li Miali Diedo, Yua n tiendi mi ŋanma, Ki ja yaa buudi n tiegi, Ki tiendi yaala n tiegi ki tinga nni. Min bua yaala n yeni.» Mini o Diedo n yedi yeni.

1 Samueli 17:11

Sayuli leni Isidayeli yaaba kuli n den gbadi Filisiti yua yeni maama, bi den jie ki kandi ke bi tugusoama sani.

1 Samueli 17:36

Mini a naacemo den tieni yene ki kpa i yangbanli leni fuayanbiaditoamu kuli, lanwani laa jifolo, Filisiti yua yeni, n baa soani o yene, kelima o sugi U Tienu yua n fo toagoli.»

1 Samueli 17:45

Davidi den yedi Filisiti yua: «A togidi nni leni ki jugisiega, li kpaanli leni u ŋalikuomu. Ama mini wani, n togidi a leni Li Miali Diedo, U Paaciamu Kuli Daano yaa yeli nni yo, wani U Tienu, yua n die Isidayeli yaaba toagoli ŋan sugi yaali.