1 Samueli 15:35 - U TIENU MAAMA TILI 2013

³⁵ Hali Samueli n ban kpe, waa go gedi ki ban laa Sayuli. O yen mua Sayuli po kelima o Diedo den mua ke o yàá bi dini Sayuli li bali ke o tua Isidayeli bado.

Gourmanchéma Bible

³⁵ Hali Samueli n ban kpe, waa go gedi ki ban laa Sayula. O den yen mua Sayula po kelima Li Miali Diedo den mua ke o yaa bi dini Sayula li bali ke o tua Isalele yaaba bado.

1 Samueli 15:35 ပူးပေါင်းရင်းမြစ်များ

Mi cilima 6:6

O Diedo pali den biidi leni wan den tagi o nisaalo ki tinga nni, ke o mua ke o yàá bi tagi o.

2 Samueli 6:23

Lani, Mikali, Sayuli bisalo yeni, ki den baa biga hali wan ban kpe.

Pisomi 119:136

N buudi ke n nunsiidi kuli wuliti, Kelima baa kubi a bali maama.

Pisomi 119:158

N nuali ki fali bi jajanbidiniba Yaaba n naa kubi a ñoanianu.

Filipi 3:18

Niba boncianla ye, min den kpa waani yi yaaba yaa maama, ki go wangi yi la moala leni a bubula, ke bi tagi doagidi ke bi tie Kilisiti dapoanpoanli yibalinba.

1 Samueli 15:11

«N pali biidi leni min dini Sayuli li bali, kelima o buli nni o nunga, kaa tiendi min yedi o yaala kuli.» Samueli pali den biidi. Laa ñiagu kuli, o den mua ki miadi o Diedo.

1 Samueli 16:1

O Diedo den yedi Samueli: «A baa yaa yagini a yama Sayuli po ki pundi u laa yogunu? N yie o, o kan go yaa tie Isidayeli bado. Lani, ŋan gbieni a yinli mi kpama ki fii. N baa soani a Betelemi yua Isayi kani, kelima n laa o bila siiga yua n dagidi n po, ke n baa dini o li bali.»

1 Samueli 19:24

O den landi o tiadi ki mo pua saawali Samueli kani. O den laabi tiipo mubima landaali leni li ñiagu kuli. Li tie lani yaa po ke bi tua: «Sayuli moko tie bi saawalipuaba siiga yua yo?»