1 Samueli 15:26 - U TIENU MAAMA TILI 2013

²⁶ Samueli den yedi Sayuli: «N kan lebidi ki yegi leni a, kelima a yie o Diedo yedima. O Diedo mo yie ŋa ke a kan go yaa tie Isidayeli bado.»

Gourmanchéma Bible

²⁶ Samueli den yedi Sayula: «N kan lebidi ki yegi leni a, kelima a yie Li Miali Diedo yedima. Li Miali Diedo mo yie ŋa ke a kan go yaa tie Isalele yaaba bado.»

1 Samueli 15:26 ပူးပေါင်းရင်းမြစ်များ

Mi cilima 42:38

Jakob den yedi: «N bijua kan yegi leni yi abada, kelima o kpelo den kpe, wani bebe n sieni. Yin caa yaa yogunu u dogu, bonbiadila yaa tieni o u sanu nni, yi baa teni n yukobipiendi n jiidi bi tinkpiba diema nni leni li paboanli.»

2 Samueli 12:9

Lanwani, be teni ke a fali mini o Diedo maama, ki tieni yaala n joagini n nintuali? A pedi ki kpa Hititi buolu yua Uri leni ki jugisiega. Yeni de! A teni ke Anmoni yaaba kpa o leni mu jugisiemu, ki taa o pua mo ke o tua a yaa pua.

2 Samueli 7:15

Die n kan ñani n seli o kani, nani min den yie Sayuli ki ñani li o kani maama, ki teni ke a gaa o kaanu.

Jeremi 6:19

Ki tinga, cengi bonŋanla! Mini n teni ke mi yebiadima ŋmaa bi naa niba, Li tie bi yantiabiada panpaani yo, Kelima baa soangi bi yama ki gaa n maama. Bi fali n bali maama.

Ose Tili 13:11

N pabienli nni n den puni yi o bado, N go baa fie o n pabienli nni.

Ose Tili 4:6

N niba bodi kelima baa pia bandima. Nani yin yie kaa bandi nni yeni, Nmoko baa yie yi, ki ñani yi, Min den puogi yi yaa tuonli yaa niinni. Nani yin sundi yi Tienu bali maama po yeni, Nmoko baa sundi yi puoliŋuani po yene.

Jesu Tondiba Tuona 13:22

U Tienu den dindi o, ki gandi bi po Davidi ki dini o li bali, ki tieni o po yaa siedo n tie ne: ‹N laa ke Isayi bijua Davidi tie yaa joa n dagidi n pali po, ki baa yaa tiendi n yanbuama kuli.›

2 Jan 1:11

Yua n yedi o: «Biali-biala,» taani leni o o tuonbiada nni.

1 Samueli 13:14

Ama moala a bali kan waagi. O Diedo gandi o baa o pali n bua yua, ki bili ke laa joa n baa tua o niba yudaano kelima ŋaa kubi wani o Diedo n bili a po yaala.»

1 Samueli 15:23

Mi yiema bia nani u bayuadiidu yeni, U tupaalu mo bia nani i buli ŋoadima yeni. Nani ŋan yie o Diedo yedima yeni, omoko yie ŋa. A kan go yaa tie o niba bado.»

1 Samueli 15:31

Lanwani, Samueli den lebidi ki yegi leni Sayuli ke o den gbaani o Diedo nintuali ki kpiagi o.

1 Samueli 16:1

O Diedo den yedi Samueli: «A baa yaa yagini a yama Sayuli po ki pundi u laa yogunu? N yie o, o kan go yaa tie Isidayeli bado. Lani, ŋan gbieni a yinli mi kpama ki fii. N baa soani a Betelemi yua Isayi kani, kelima n laa o bila siiga yua n dagidi n po, ke n baa dini o li bali.»

1 Samueli 2:30

Lani yaa po, mini o Diedo Isidayeli Tienu yedi: ‹N den bili ke a diegu leni a baadiegu baa yaa tuuni li kopadiciantuonli n nintuali hali yaa yogunu kuli. Ama dinla n kadi ki waani ke li kan go tua yeni. N baa kpiagi yua n kpiagi nni, ama yaaba n fali nni, n baa fali ba.

1 Samueli 28:18

Li tie ke ŋaa tuo ki ŋua o Diedo n den yedi a yaala, ki tuu Amaleki yaaba o pabienli panpaani. Lani yaa po, ke o Diedo tieni a line dinla.