1 Samueli 15:24 - U TIENU MAAMA TILI 2013

²⁴ Lanwani, Sayuli den yedi Samueli: «N tudi, kelima n miidi U Tienu ñoamabonli ki yie amo yaa maama. N den jie bi toatiebe ki tieni ban n yedi yaala.

Gourmanchéma Bible

²⁴ Lanwani Sayula den yedi: «N tudi, kelima n miidi U Tienu ñoabonli ki yie amo yaa maama. N den jie bi toatieba ki tieni bani n yedi yaala.

1 Samueli 15:24 ပူးပေါင်းရင်းမြစ်များ

Mi cilima 3:12

O joa den yedi: «Ŋan den puni nni yaa pua yeni, wani n teni nni bu tibu yeni bonluonkaala ke n ŋmani.»

Mi cilima 3:17

O den yedi o joa: «Nani ŋan cengi a pua maama, Ki ŋmani min den kuani a ŋan da ŋmani yaa tibu bonluonkaala yeni, Ki tinga baa tua ti solindi yaaga, kelima fini yaa po. A baa yaa baadi ki niinni a bonjekaala leni fala, Hali a miali banlu.

2 Samueli 12:13

Davidi den yedi Natan: «N tieni ti tuonbiadi ki tudi o Diedo po.» Natan den yedi Davidi: «O Diedo tieni a po sugili a tuonbiadi po, a kan kpe.

Jobi 31:34

Naani n den jie bi niba maama leni bi faliga, Hali yaala ke n kan yedi liba, ki kaa suo n deni?

Pisomi 51:4

Ŋuudi ki ñani n tagili, Ŋuudi ki ñani n po n tuonbiadi,

Mi Ñama 10:16

Faraon den yini Musa leni Alono tontoni ki yedi ba: «N tieni ti tuonbiadi Li Miali Diedo yi Tienu po leni yinba yi ba po.

Mi Ñama 23:2

Ŋan da taani leni ku niligu ki tieni yaala n bia, ŋan da taani ti buudi yogunu bi niba n yabi naanpo ki tieni yaala n ki tiegi.

Mi Ñama 9:27

Faraon den teni ke bi yini Musa leni Alono ki yedi ba: «Moala wani, n bandi ke n tieni ti tuonbiadi. Li Miali Diedo wani tiegi. Mini leni n niba n nani.

Mi Kpanjama 29:25

Ti jawaandi tie diagoe bi niba po, Ama yua n dugi o Diedo po puu kan nandi o.

Jeremi 38:5

O bado Sedesiasi den yedi: «Wani nne, o ye yi nuu nni, kelima ba ke n tie bado, n nan kan fidi ki yie yi po liba kuli.»

Mi Coadima 22:34

Balaam den yedi o Diedo maleki: «N tieni ti tuonbiadi, kelima mii bi bani ke a jia u sanu, ki se liiga. Ama moala, li yaa tie ke n sancenli ne ki mani a, n baa guani ki lebidi ki kuni.»

Matie 27:4

ki yedi: «N tieni ti tuonbiadi ki janbi yua n ki pia tagili.» Bi den guani ki yedi o: «Lani mo nan ŋua ti? Li ŋua fine!»

Galati 1:10

Moala po, naani n moandi ke bi nisaaliba n saa n po i moamoani bi, bi U Tiene? Naani n moandi ki bua ki mangi bi nisaaliba yaa pala bi? Li yaa tie ke n bi bua ki mangi bi nisaaliba yaa pala, n kan bi yaa tie Kilisiti naacemo.

Mi Doagidima 21:8

Ama bi jawaandanba, yaaba n ki daani, ti cagindi danba, bi nikpaba, mi conconma buoli kuli danba, u ñoagubiadu danba, i buli danba leni yaaba n pua mi faama kuli, bikuli yekaanu baa yaa tie u mu leni li cidibili n co yaa kpenu nni. Lani n tie mi kuliema.»

1 Samueli 15:15

Sayuli den guani ki yedi o: «Bi ñani ba Amaleki yaaba kani ki cuani, kelima bi toatieba cedi i peŋami leni i naaŋami ki bua ki padi ba o Diedo a Tienu po. Yaala n sieni wani kuli, ti bolini la.»

1 Samueli 15:30

Sayuli go den yedi: «N tudi, ama ŋan miini nni n niba nikpela nintuali leni Isidayeli yaaba kuli nintuali. Lebidi ki yegi leni nni min ban gbaani o Diedo a Tienu nintuali ki kpiagi o.»

1 Samueli 15:9

Ama Sayuli leni o toatieba ki den kpa Agagi. Bi den cedi i peŋami, i naaŋami, ti yanŋandi, i pewubidi leni yaala n ŋani kuli, ke li fo. Baa den bua ki bolini yaala n ŋani. Die yaala n gundi leni yaala n tadi kuli, bi den bolini la cain.

1 Samueli 2:29

Be yaa po ke yi fali ki ŋmaadi min bili ke bi padi n po yaa pada, min bili ke ban yaa kpendinni yaa paabu kuli n dieli nni? Be yaa po ke a fangi a bila ki cie mini, ki ñandi n niba Isidayeli yaaba n padi n po yaa pada siiga yaala n ŋani ki cie, ki wubi yi yula leni lani?

1 Samueli 26:21

Lanwani, Sayuli den yedi: «N tudi! Guani ki cua ne, n bijua Davidi. N kan go tieni a yaala n bia, kelima dinla a noanli ke n miali tie bonmoanla. N tieni nani o yanluodaano yene. N tudi boncianla.»