1 Samueli 15:23 - U TIENU MAAMA TILI 2013

²³ Mi yiema bia nani u bayuadiidu yeni, U tupaalu mo bia nani i buli ŋoadima yeni. Nani ŋan yie o Diedo yedima yeni, omoko yie ŋa. A kan go yaa tie o niba bado.»

Gourmanchéma Bible

²³ Kelima mi yiema bia nani u bayuadiidu n bia maama, U tupaalu mo bia nani i *buli ŋoadima n bia maama. Ŋan yie Li Miali Diedo yedima yeni, o moko yie ŋa. A kan go yaa tie o niba bado.»

1 Samueli 15:23 ပူးပေါင်းရင်းမြစ်များ

Mi cilima 31:19

Laban n den ye u dogu po ki moagidi o pe kobidi, Raseli den suni o baa buli.

Mi cilima 31:34

Raseli den taa i buli ki wuoni ku yuoyuogu gaali tiipo, ki kali li po. Laban den fiidi o gbandieli kuli nni, waa laa liba.

2 Samueli 12:9

Lanwani, be teni ke a fali mini o Diedo maama, ki tieni yaala n joagini n nintuali? A pedi ki kpa Hititi buolu yua Uri leni ki jugisiega. Yeni de! A teni ke Anmoni yaaba kpa o leni mu jugisiemu, ki taa o pua mo ke o tua a yaa pua.

2 Samueli 7:15

Die n kan ñani n seli o kani, nani min den yie Sayuli ki ñani li o kani maama, ki teni ke a gaa o kaanu.

1 Bi Badiba Jama 10:13

Sayuli den kpe kelima o tudima po. Waa den kubi o Diedo maama, ama o den ban buni yaa ñoagidanba n maadi leni bi tinkpiba.

1 Bi Badiba Jama 28:9

Lanwani, fini, Salomon n bijua, ŋan bandi a baa Tienu, ki yaa tuuni o po leni payenli leni yantiayenli, kelima o Diedo bani a pala kuli, ki diidi a yantiana kuli. A yaa lingi o, o baa tuo ŋan le o. Ama a yaa ŋaa o, omo baa lu ŋa yaa yogunu kuli po.

Jobi 34:37

O go pugini o tuonbiadi po yaa tagili n bia. O fiini mi yiema tikuli siiga, Ki maadi leni U Tienu wan bua maama.› »

Pisomi 107:11

Kelima bi den tua niyiekaaba U Tienu maama po, Ki fali tanpolijoma Badiciamo tundi.

Mi Ñama 22:18

Yua n taani leni yanga kuli, yin kpa o.

Esayi 19:3

Ejipiti yaaba jama kuli baa gbeni. N baa biani bi jaga fanma. Bi baa bu i buli leni a baayuadiida, Ki bu yaaba n maadi leni bi tinkpiba leni a lingida.

Esayi 8:19

Bi baa yedi yi: «Gedi mani ki ban bu ku baagu, yaaba n maadi leni bi tinkpiba leni yaaba n soabidi ki bunbidi, ki go wangi yaala n faadi ki ye. Naani laa dagidi nibuoluba n bu wun dugi yaala po? Naani laa dagidi ban mia bi tinkpiba todima yaaba n fo po?»

Jeremi 16:12

Yimo go tieni mi biadima ki cie yi baanba. Diidi yi siiga nni yuakuli ŋua o pajagindi tundiyuogidi ki naa cengi nni.

Jeremi 28:16

Lani n teni ke o Diedo yedi mi naa maama: ‹N baa deli ki ñani a mi diema nni. Dunla a baa kpe, kelima a maama tie yiema o Diedo po.› »

Jeremi 29:32

o Diedo n yedi yaama nne: «N baa fii ki sedi Semaya Nehelam yua po leni o puoliŋuani kuli po. Bi siiga oba kuli kan yaa ye bi naa niba nni, oba kuli kan le min baa tieni n niba po yaa ŋanma, kelima o maama tie mi yiema o Diedo po. O Diedo n yedi yeni.»

Ose Tili 13:11

N pabienli nni n den puni yi o bado, N go baa fie o n pabienli nni.

Ose Tili 3:4

Yeni, Isidayeli yaaba baa waagi kaa pia bado, kaa pia yudanba, kaa pia pada, kaa pia butana, kaa pia bulo, kaa pia terafimi.

Levi 20:27

Joa, yaa ka pua, yua n baa fidi ki maadi leni bi tinkpiba, bi ki bu ku baagu, bi baa kpa o. Bi baa lugidi o a tana ki kpa o. Laa niba soama baa guani ki jagini bi yula po.»

Levi 20:6

O nilo yaa gedi yaa niba n maadi leni bi tinkpiba kani, bi a baayuadiida kani, ki cagini o yuli leni ba, n baa buli n nunga laa nilo po, ki paadi ki ñani o o buolu nni.

Mi Coadima 14:9

Bonyenla bebe n ye: Yin da fiini yiema o Diedo po. Yin da jie laa diema niba, kelima bi baa tua ti po bonjekaala. Baa pia kuli yaala n guu ba, ama o Diedo ye leni ti, yin da jie ba mani!»

Jesu Tondiba Tuona 13:22

U Tienu den dindi o, ki gandi bi po Davidi ki dini o li bali, ki tieni o po yaa siedo n tie ne: ‹N laa ke Isayi bijua Davidi tie yaa joa n dagidi n pali po, ki baa yaa tiendi n yanbuama kuli.›

2 Korenti 6:16

U Tienu diegu pia be yaa ŋantaadi leni i buli? Tinba mo n tie U Tienu yua n fo dieli, nani U Tienu wani o ba n yedi maama: «N baa yaa ye leni ba ki cuoni bi siiga ki tie bi Tienu, Bimo baa yaa tie n niba.

Galati 5:20

i buli ŋoadima, u ñoagubiadu lingima, ti yibalindi, li koanli, li nunponli, li pabienli, mi niagima yantiali, mi paadima,

Mi Tiadima 9:24

Hali min bandi yi yaa yogunu, yi li tie niyiekaabe o Diedo po.

Mi Tiadima 9:7

Musa den yedi: «Tiadi mani, ki da sundi, ke yi den bieni o Diedo yi Tienu pali mi fanpienma nni. Hali yin ñani Ejipiti diema nni yaa daali, ki taa ki pundi hali yin cua u naa kaanu yaa daali, yi den fiindi mi yiema o Diedo po.

Josue 22:15

Bi den gedi Rubeni buolu, Gadi buolu leni Manase buolu yaaba boagidima kani, Galaadi diema nni, ki caa ba Isidayeli yaaba, yaaba n sieni tondu ki yedi:

Mi Doagidima 21:8

Ama bi jawaandanba, yaaba n ki daani, ti cagindi danba, bi nikpaba, mi conconma buoli kuli danba, u ñoagubiadu danba, i buli danba leni yaaba n pua mi faama kuli, bikuli yekaanu baa yaa tie u mu leni li cidibili n co yaa kpenu nni. Lani n tie mi kuliema.»

Mi Doagidima 22:15

Ama i sangbanli, u ñoagubiadu danba, mi conconma buoli kuli danba, bi nikpaba, i buli danba, yaaba n bua mi faama ki go pua ma kuli, baa yaa ye niinpo.

1 Samueli 13:14

Ama moala a bali kan waagi. O Diedo gandi o baa o pali n bua yua, ki bili ke laa joa n baa tua o niba yudaano kelima ŋaa kubi wani o Diedo n bili a po yaala.»

1 Samueli 16:1

O Diedo den yedi Samueli: «A baa yaa yagini a yama Sayuli po ki pundi u laa yogunu? N yie o, o kan go yaa tie Isidayeli bado. Lani, ŋan gbieni a yinli mi kpama ki fii. N baa soani a Betelemi yua Isayi kani, kelima n laa o bila siiga yua n dagidi n po, ke n baa dini o li bali.»

1 Samueli 2:30

Lani yaa po, mini o Diedo Isidayeli Tienu yedi: ‹N den bili ke a diegu leni a baadiegu baa yaa tuuni li kopadiciantuonli n nintuali hali yaa yogunu kuli. Ama dinla n kadi ki waani ke li kan go tua yeni. N baa kpiagi yua n kpiagi nni, ama yaaba n fali nni, n baa fali ba.

1 Samueli 28:3

Li den sua ke Samueli kpe ke Isidayeli yaaba buudi o po ki piini o Rama, o dogu nni. Li go den sua ke Sayuli ñani yaa ñoagidanba n maadi leni bi tinkpiba leni a baabuula kuli mi diema nni.