1 Samueli 15:11 - U TIENU MAAMA TILI 2013

¹¹ «N pali biidi leni min dini Sayuli li bali, kelima o buli nni o nunga, kaa tiendi min yedi o yaala kuli.» Samueli pali den biidi. Laa ñiagu kuli, o den mua ki miadi o Diedo.

Gourmanchéma Bible

¹¹ «N lebidi, mii go bua ke n bi dini Sayula li bali, kelima o lebidi kaa go ŋua nni, waa tieni min puogi o yaala.» Samueli pali den fii. O den mua ki miadi Li Miali Diedo laa ñiagu kuli.

1 Samueli 15:11 ပူးပေါင်းရင်းမြစ်များ

Mi cilima 6:6

O Diedo pali den biidi leni wan den tagi o nisaalo ki tinga nni, ke o mua ke o yàá bi tagi o.

Mi cilima 6:7

O Diedo den yedi: «N baa bolini min den tagi yaa nilo ki ñani o ki tinga nni cain, ki cili o nilo ki yaa caa hali ti denyandi, li bonbalinkaala leni tanpoli bonyugiditi, kelima n lebidi n yama. N mua ke n yàá den tagi ba.»

2 Samueli 24:16

Maleki n den tandi o nuu ki baa bolini Jerusalemi, o Diedo yama den lebidi ke o jagi ke o kan go pugini laa biadima. O den yedi yaa maleki n bolindi bi niba yeni: «Li dagidi, jiini a nuu.» O Diedo maleki den ye Jebusi yua Aravina jalu kani.

1 Bi Badiba 11:9

O Diedo pali den fii Salomon po, kelima o den pegidi o yama ki ŋaa wani o Diedo Isidayeli Tienu, yua n den doagidi o kani taalimilie.

1 Bi Badiba Jama 10:13

Sayuli den kpe kelima o tudima po. Waa den kubi o Diedo maama, ama o den ban buni yaa ñoagidanba n maadi leni bi tinkpiba.

1 Bi Badiba Jama 21:15

O Diedo den soani Maleki Jerusalemi dogu nni, ke wan bolini u. Nani wan den bolindi u maama po, o Diedo den yedi yaa Maleki n bolindi yeni: «Li dagidi, jiini a nuu.» O Diedo maleki den se ki kuu leni Jebusi yua Ornani jalu kani.

Jobi 34:27

Bi den buli o ki nunga, Kaa bua ki bandi o sani.

Pisomi 109:4

Bi kuliti nni, ba ke n bua ba. Ama mini wani, n li jaandi ki miade.

Pisomi 110:4

Lani yaa po, o Diedo den poli Yaa poli n tie ne, ki nan kan go lebidi: «A tie kopadiciamo yaa yogunu kuli Nani Melikisedeki yeni.»

Pisomi 119:136

N buudi ke n nunsiidi kuli wuliti, Kelima baa kubi a bali maama.

Pisomi 125:5

Ama yaaba n ŋua i sangolimi, O Diedo baa bolini ba, Ki taani leni yaaba n tiendi mi biadima. Mi yanduanma n yaa ye leni Isidayeli yaaba!

Pisomi 36:3

Kelima o boandi o yuli Ki naa nua o tagili, ki baa yie yi.

Pisomi 78:41

Bi den guani ki cili ki biigidi U Tienu, Ki kua Isidayeli Tienu Yua n gagidi ki ŋani biili nni.

Pisomi 78:57

Bi den sani ki foagidi, Ki tua janbi danba nani bi baanba, Bi nani yaa dabanbaabu n yoaligi yeni.

Mi Ñama 32:11

Musa den mia o Diedo U Tienu ki yedi: «O Diedo, be n teni ke a pali pebidi a nibuolu po nanda, ŋan den ñani bani yaaba Ejipiti diema nni leni a paalu leni a nuu paalu?

Mi Ñama 32:14

Lanwani, o Diedo den lebidi o yama, waa den tieni wan den jagi ke o baa pua o niba yaa nufanu leni yaa yebiadima.

Jeremi 11:10

Bi lebidi ki guani bi yaajanba tuonbiadi nni, bani yaaba n den yie ke bi kan cengi n maama, ki ban ŋoadi bi nilanba tieni, ki baa yaa kpiagidi yini. Isidayeli leni Juda diema yaaba fidi, min den kuani yaa ŋantaado leni bi baanba.»

Jeremi 13:17

Yi yàá cengi line, n baa buudi ŋasiili nni, Kelima yi japaadi po. N nuni baa wuli ti nunsiidi, Min mua boncianla, kelima bi baa gedini O Diedo niba ti yonbidi.

Jeremi 34:16

Ama yi guani ki lebidi yi yama, ki fali n yeli, yikuli yendo yendo guani ki cuo yi yonbi leni yi puotuada, yin den cabi yaaba. Yi guani ba leni u paalu ki teni ke bi go tua yi yonbi leni yi puotuada.

Jeremi 9:1

Bi yaa bi puni nni mi fanpienma nni Bi sancenba n baa wuoni naani, N baa sani ki ŋaa n diema niba ki foagidi leni ba, Kelima bikuli tie conconma danba. Bikuli tie janbi danba bebe.

Jeremi 9:18

Kelima i ñiindi ña Siyon po ki kpendi. Diidi ban baa ti ke ti laa i fe maama. Ti ñani mi diema nni tiladi, Kelima bi pua ki mudi ti diedi!»

Esekieli 18:24

Ama li yaa tie ke o niteginka ŋaa o teginma, ki tieni yaala n ki tiegi, ki togidi o nibiado n bi tiendi yaa cagindi kuli, naani o baa yaa ye? Bi kan go tiadi wan den tieni yaa teginma kuli po. Wan tieni yaala n ki tiegi yeni po leni wan tieni yaa tuonbiadi po, o baa kpe kelima lani yaa po yo.

Amosi 7:3

O Diedo den lebidi o yama laa bonla po, Ki yedi ke li kan tieni.

Jonasi 3:10

U Tienu n den laa ke bi tieni yeni, ki lebidi ki ŋaa bi sanbiadi, o den lebidi o yama ki jiini o pali, ki naa go tieni wan den jagi ke o baa tieni ba yaala.

Jonasi 4:2

ke o mia o Diedo, ki yedi: «O Diedo, hali min den ye n diema nni, min den li jie yaala ka ne. N den bani ke a tie yaa Tienu n juogidi, ki gba mi ninñima, ke a pali ki be tontoni, ki go tiendi mi ŋanma. A yen lebidi a yama ki cedi ŋan bi jagi ke a baa tieni o nilo yaala. Lani yaa po yo, ke n den tiini ki caa Tarsisi.

Sofoni 1:6

N baa bolini yaaba n lebidi ki ŋaa mini o Diedo, Kaa lingi n todima leni n tundi.»

Matie 24:13

Ama yaaba n juuni hali mi juodima baa faabi.

Matie 5:44

Ama mini n yedi yi: Yaa bua mani yi yibalinba, ki yaa jaandi yaaba n faligidi yi po.

Luki 6:12

Lanyogunu Jesu den gedi li juali po ki baa n jaandi. O den tieni ñiamungu ki jaandi U Tienu.

Hebilunba 10:38

N niteginka baa ye ki fo, Kelima o dandanli po. O yaa guani puoli, N pali kan yaa mani leni o.»

Josue 22:16

«Yin tieni yaa tudibiadima Isidayeli Tienu po ne mo bua ki yedi be? Be yaa po ke moala yi yaadi ki ŋaa o Diedo, ki maa yi padibinbinli, ki fiini o Diedo po mi yiema?

1 Samueli 12:23

Mini mo, o Diedo n luoni n po min tieni ti naa yaa tuonbiadi: lani n tie ki cedi ki kan yaa jaandi ki miadi o yi po. N baa yaa bangi yi yaa sanu n ŋani ki go tiegi.

1 Samueli 13:13

Samueli den yedi Sayuli: «A soani yanluotuonli, kelima ŋaa kubi o Diedo a Tienu n den teni a yaa ñoamabonli. O Diedo bi baa teni a bali n yaa ye Isidayeli yaaba po hali yaa yogunu kuli.

1 Samueli 15:10

O Diedo den maadi leni Samueli ki yedi o:

1 Samueli 15:3

Lanwani, ŋan gedi moala, ki ban baa Amaleki yaaba bu toabu ki bolini ba ki go bolini bi bonpiakaala kuli cain. Ŋan da gbadi bi po ninñima, ŋan kpa ba, bi jaba leni bi puoba, a bila leni a biŋaanda, i ne leni i pe, ti yuoyuodi leni i ŋunbi kuli.› »

1 Samueli 15:35

Hali Samueli n ban kpe, waa go gedi ki ban laa Sayuli. O yen mua Sayuli po kelima o Diedo den mua ke o yàá bi dini Sayuli li bali ke o tua Isidayeli bado.

1 Samueli 15:9

Ama Sayuli leni o toatieba ki den kpa Agagi. Bi den cedi i peŋami, i naaŋami, ti yanŋandi, i pewubidi leni yaala n ŋani kuli, ke li fo. Baa den bua ki bolini yaala n ŋani. Die yaala n gundi leni yaala n tadi kuli, bi den bolini la cain.

1 Samueli 16:1

O Diedo den yedi Samueli: «A baa yaa yagini a yama Sayuli po ki pundi u laa yogunu? N yie o, o kan go yaa tie Isidayeli bado. Lani, ŋan gbieni a yinli mi kpama ki fii. N baa soani a Betelemi yua Isayi kani, kelima n laa o bila siiga yua n dagidi n po, ke n baa dini o li bali.»

1 Samueli 8:6

Samueli pali den biidi leni ban mia o bado wan yaa die ba. Lanwani, Samueli den jaandi ki mia o Diedo.