1 Samueli 14:41 - U TIENU MAAMA TILI 2013

⁴¹ Sayuli den yedi o Diedo: «Fini Isidayeli Tienu, teni tin bandi i moamoani.» Lani, tiatia den cuo Sayuli leni Jonatan, ke yaaba n sieni mo faabi.

Gourmanchéma Bible

⁴¹ Sayula den yedi Li Miali Diedo: «Fini Isalele yaaba Tienu, teni tin bandi i moamoani.» Lani tiatia den cuo Sayula leni Jonatan ke yaaba n sieni mo faabi.

1 Samueli 14:41 ပူးပေါင်းရင်းမြစ်များ

Mi Kpanjama 16:33

Bi toa tiatia ki bua ki bandi yaala N baa tieni saala po, Ama o Diedo n die mi majuodikaama.

Mi Kpanjama 18:18

Bi yen toa tiatia yo, Ki paadi bi paatieba janjanma.

Jonasi 1:7

Bi ñinbiagobidiba den yedi biyaba: «Cua mani tin bu ku baagu ki bandi yua n cuani ti po yaa fala n tie ne.» Bi den buni ku baagu, ke li cuo Jonasi.

Jesu Tondiba Tuona 1:24

Lani, bi den jaandi ki mia U Tienu ki yedi: «Ti Diedo, fini yua n bani bi niba kuli pala, waani ti bi naa niliediba siiga ŋan gandi yua,

Jesu Tondiba Tuona 1:26

Bi den toani tiatia ke li baa Matiasi po, ke o taani leni bi piiga n tondiyendiba.

1 Samueli 14:40

Lanwani, o den yedi Isidayeli yaaba kuli: «Yi kuli n taani mani poyendu, mini leni n bijua Jonatan mo baa sedi poyendu.» Bi toatieba den yedi Sayuli: «Tieni ŋan bua maama.»

1 Samueli 14:42

Lanwani, Sayuli den yedi: «Go lu mani tiatia ki bandi mini leni n bijua Jonatan siiga lan tie yua.» Bi den luni ke li cuo Jonatan.