1 Samueli 14:15 - U TIENU MAAMA TILI 2013

¹⁵ Lane ti jawaandi den cuo yaaba n den ye Filisiti yaaba toanagili nni, a dobila nni leni bi toatieba kuli. Li toanagili yaaba leni yaaba n den goadi ki fenli kuli den digibi leni ti jawaandi, ki tinga mo den digibi. U Tienu n den teni ke laa jawaanciandi cuo ba.

Gourmanchéma Bible

¹⁵ Lane ti jawaandi den cuo yaaba n den ye Filisiti yaaba toanagili nni leni i tinkundogi nni leni bi toatieba kuli. Li toanagili yaaba leni yaaba n den goadi ki fenli kuli den digibi leni ti jawaandi, ki tinga mo den digibi. U Tienu n den teni ke laa jawaanciandi cuo ba.

1 Samueli 14:15 ပူးပေါင်းရင်းမြစ်များ

Mi cilima 35:5

Lan den pendi, bi den fii. U Tienu den teni ke ti jawaanciandi cuo yaa dogi n den lindi ba kuli, ke baa den tuo ki ŋoadi ki deli Jakob bijaba.

2 Samueli 5:24

A yaa gbadi a taana cenli i tiidi yeni po, ŋan jaligi kelima mini o Diedo n ye a liiga ki baa paadi Filisiti yaaba toagoli.»

Jobi 18:11

I jeje muubi o i kaani kuli, Ki ŋua ki deli o.

Pisomi 14:5

Bi nibiadiba baa digibi boncianla, Kelima U Tienu ye bi niteginkaaba siiga.

Mi Ñama 19:18

Sinayi juali kuli den tie muñii, kelima o Diedo den jiidi leni u mu. Laa muñii den fii ki doni nani ki buaga muñii yeni, li juali kuli den digibi hali boncianla.

Danieli 5:6

Lani, o nunga den gbidi, o yama mo den yagi, o gbanu den wudi, o duna mo den pua aya.

Matie 24:6

Yi baa gbadi ke bi maadi bu toabu maama, ki go maadi bu toabu laabaalo maama. Da yagi mani yi yama, kelima laa bonla baa cua tiladi. Ama li da kan tua mi juodima ka.

Josue 2:9

ki yedi ba: «N bani ke Li Miali Diedo puni yi ti diema ne, ti jawaandi cuo ti boncianla kelima yi po. Mi diema niba kuli tugusoama sani ke bi jigi cie, kelima yi po.

Bi Bujiaba 7:21

Bi den se li toanagili lindima, yuakuli o kaanbuoli nni. Madiani yaaba toatieba kuli den fii ki tiini. Bi den mua ki tiini ki bua ki cia.

1 Samueli 13:17

Yaa toatieba n fenli den ñani Filisiti yaaba toanagili nni ki boagidi cagataa. Cagiyenli den tagini yaa dogu n ye Ofiri sanu nni, ki cuubi Suali diema.

1 Samueli 13:18

Li naa cagili mo den tagini Beti-Horoni dogu yaa sanu, li cagitaali mo den tagini yaa sanu n ŋua Isidayeli diema tinbianu a juana yula po, i naamuuni joaloangu nni ki goa mi fanpienma po.

1 Samueli 13:23

Filisiti yaaba toagola siiga toagoyenli den cua ki kpaa bi toanagili Mikimasi juali mabidima kani.

1 Samueli 14:14

Laa paadima nni Jonatan leni yua n den tugi o toatiadi n den kpa yaaba den pundi nani jaba piilie. Bi den kpa ba yaa fanma n ki fuu siiga.

1 Samueli 14:16

Sayuli doguudiba yaaba n den ye Gibeya, Benjamen diema nni, den laa ke Filisiti yaaba yadi ki tiini i kaani kuli.

1 Samueli 7:10

Samueli n da den padi li padijuukaali yaa yogunu, Filisiti yaaba den nagidi ki baa baa Isidayeli yaaba. O Diedo den teni ke i tatantani tieni ke Filisiti yaaba jie hali boncianla ki sani. Isidayeli yaaba den paadi ba.