1 Samueli 14:13 - U TIENU MAAMA TILI 2013

¹³ Lanwani, Jonatan den gobindi o nii leni o taana ki do. Yua n tugi o toatiadi mo den ŋua o. Jonatan den muudi ki guliti Filisiti yaaba, yua n tugi o toatiadi mo den ŋua o puoli ki dudi ba.

Gourmanchéma Bible

¹³ Lanwani Jonatan den gobindi o nii leni o taana ki do. Yua n tugi o toatiadi mo den ŋua o. Jonatan den muudi ki guliti Filisiti yaaba, yua n tugi o toatiadi mo den ŋua o puoli ki kpaani.

1 Samueli 14:13 ပူးပေါင်းရင်းမြစ်များ

Pisomi 18:29

Fini n teni ke mi yenma yendi, Fini o Diedo n Tienu n yendi n biigili.

LOMA YAABA 8:31

Lan tie maama yeni, ti baa yedi be? U Tienu yaa taa ti po, ŋme n baa fidi ki sedi ti po?

Mi Tiadima 28:7

O Diedo baa deli yi nintuali, yi yibalinba yaaba n fii ki sedi yi po kuli. Bi baa ña ki tuogi leni sanyende, ama ki nan ji tagini sanilele, ki sani yi nintuali.

Mi Tiadima 32:30

Li baa gaa lede niyendo n fidi ki deli niba tudili? Niba tuda piiga mo baa sani nibilie nintuali lede? Li yàá bi tie ke bi tanciangu yeni kuadi ba yaa ka, Li yàá bi tie ke o Diedo yaa ka taa ba ki teni yi.

Hebilunba 11:34

ki go gbindi yaa mu n co jama, ki sani ki faabi bi yula mu jugisiemu ñoana nni, ki paadi i yiani, ki tua jakoanda bu toabu nni, ki deli bi nilanba toagola.

Josue 23:10

Yi siiga niyendo yen deli niba tudili, kelima o Diedo yi Tienu den koani yi po, nani wan den yedi yi maama.

Bi Bujiaba 9:54

Abimeleki den jaligi ki yini yaa jawaalo n tugi o toatiadi, ki yedi o: «Noadi a jugisiega ki dudi nni, ban da ti yedi ke pua n kpa nni.» O jawaalo den muu o ke o kpe.

1 Samueli 14:12

Lani, bi den yedi Jonatan leni yua n tugi o toatiadi: «Do mani ki cua ti kani ne, ti baa waani yi bonla.» Lane Jonatan den yedi yua n tugi o toatiadi: «Do ki yaa ŋua n puoli ne, kelima o Diedo taa ba ki tieni tinba Isidayeli yaaba nuu nni.»

1 Samueli 14:14

Laa paadima nni Jonatan leni yua n den tugi o toatiadi n den kpa yaaba den pundi nani jaba piilie. Bi den kpa ba yaa fanma n ki fuu siiga.