1 Samueli 13:4 - U TIENU MAAMA TILI 2013

⁴ Isidayeli yaaba den gbadi ke Sayuli paadi Filisiti yaaba toagoli. Lani n den cuani la ke bani Filisiti yaaba pala fiidi Isidayeli yaaba po. Lani yaa po, bi den yini bi toatieba kuli ki taani Sayuli kani Giligali dogu nni.

Gourmanchéma Bible

⁴ Lane Isalele yaaba den gbadi ke Sayula paadi Filisiti yaaba toagoli ke bani Filisiti yaaba pala fii Isalele yaaba po. Lani yaa po bi den yini bi toatieba kuli ki taani Sayula kani Giligali dogu nni.

1 Samueli 13:4 ပူးပေါင်းရင်းမြစ်များ

Mi cilima 34:30

Lan den pendi, Jakob den yedi Simeon leni Levi: «Yi faligi nni ki teni ke mi diema yaaba kuli nani nni, ke n baa yaa nu mi diema yaaba kuli po, ba Kanana leni Perisiti yaaba kuli po. Mii pia bi niba boncianla, se waamu bebe. Bi baa taani taani ki fii n po ki pua nni. Bi baa bolini mini leni n diegu kuli.»

Mi cilima 46:34

yin yedi o: ‹A naacenba li tie yankpaabe hali yaa yogu. Ti li baa ki tie bane hali moala nani ti baanba n den tie maama yeni.› Yi yaa tieni yeni, yi baa yaa ye Gosen diema nni, kelima bi yankpaaba kuli tie nani ti niyuogidi yene Ejipiti yaaba po.»

2 Samueli 10:6

Anmoni buolu den laa bi yama nni ke bi fiini Davidi pali, ki teni ke o nani ba. Lani yaa po, bi den taa Siiri yaaba, yaaba n ye Beti-Lehobi leni yaaba n ye Tisoba siiga taacenda tuda piilie (20 000), Maaka bado yaa kani toatieba tudili, Tobi yaa niba yaa kani mo piiga n tudalie (12 000), ki baa pa ba i ligi.

Mi Ñama 5:21

Bi den yedi ba: «O Diedo nua yi, wan jia yi buudi. Yinba n teni ke ti fa Faraon leni o naacenba po. Yi mubini ba ki jugisiega ke ban kpa ti.»

Sakari 11:8

Ŋmayendo nni, n den cabi i pe yeni yankpaataadiba. Mii den fidi ki juuni leni ba, bani mo den miadi nni.

Josue 5:9

O Diedo den yedi Josue: «Dinla, n ñani yi po Ejipiti fe.» Lani yaa po, bi den yini laa kaanu Giligali. Likani baa ki yi yene hali dinla.

1 Samueli 10:8

Li yaa puoli, ŋan kua n liiga ki gedi Giligali. N baa yuandi ki ŋoadi a lipo ki padi a padijuukaana leni i tuondi yaa pada U Tienu po. Ŋan guudi nni danalele hali min baa cua ki waani a ŋan baa tieni yaala.»

1 Samueli 27:12

Akisi den dugi Davidi po ki tua: «O fiini o niba Isidayeli yaaba pala ki teni ke bi nani o. Lani yaa po, o baa yaa tie n naacemo yaa yogunu kuli.»