1 Samueli 13:13 - U TIENU MAAMA TILI 2013

¹³ Samueli den yedi Sayuli: «A soani yanluotuonli, kelima ŋaa kubi o Diedo a Tienu n den teni a yaa ñoamabonli. O Diedo bi baa teni a bali n yaa ye Isidayeli yaaba po hali yaa yogunu kuli.

Gourmanchéma Bible

¹³ Samueli den yedi Sayula: «A tieni mi yanpiima, ŋaa kubi Li Miali Diedo a Tienu n den teni a yaa ñoabonli. Li Miali Diedo bi baa teni a bali n yaa ye Isalele yaaba po hali yaa yogunu kuli.

1 Samueli 13:13 ပူးပေါင်းရင်းမြစ်များ

Mi cilima 31:28

A naa den cedi ke n gobini n bijaba leni n bisiaba, ki cabi ba. A laa moala wani, a tieni nani o yanluodaano yeni.

2 Samueli 24:10

Davidi tugusoama den sani wan coadi bi niba yeni po. O den yedi o Diedo: «Min tieni maama ne, n tudi hali boncianla. Moala n mia ŋa ŋan tieni mini a yonbo po sugili, kelima n tieni nani o yanluodaano yene.»

1 Bi Badiba 18:18

Elia den guani ki yedi o: «Mini ka faligidi Isidayeli yaaba. Ama fini leni a baadiegu yaaba n faligidi ba, kelima yi ŋaa Li Miali Diedo bali maama ki ŋoadi Baali.

1 Bi Badiba 21:20

Akabi den yedi Elia: «N yibali, a laa nni yo?» Elia den guani ki yedi o: «N laa ŋa kelima a puni a yuli ki tiendi yaala n bia o Diedo po.

1 Bi Badiba Jama 10:13

Sayuli den kpe kelima o tudima po. Waa den kubi o Diedo maama, ama o den ban buni yaa ñoagidanba n maadi leni bi tinkpiba.

2 Bi Badiba Jama 16:9

O Diedo diidi ki tinga nni kuli ki baa todi yaaba n bua o leni bi pala kuli. Lanwani, moala ŋan soani nani o yanluodaano yeni, dinla liiga, a kan go luo toabu.»

2 Bi Badiba Jama 19:2

Yua n nua saala bonla Hanani bijua Jehu den tuogi o bado Josafati, ki yedi o: «Be yaa po ke a todi o nibiado? Naani a bua yaaba n nani o Diedo yo? O Diedo pali beni a po, ŋan tieni yaala yeni yaa po.

Jobi 34:18

Wani bebe n baa fidi ki yedi o bado: ‹Ŋaa pia fuoma!› Ki yedi bi bulicinba mo: ‹Yi tie nibiadiba!›

Mi Kpanjama 12:8

O nilo yama n baa teni ban pagi o, Ama bi fali o yanpiidaano wani.

Mi Kpanjama 19:3

O nisaalo yanpiima biidi o sanu, O go yen ti guani ki bieni o pali o Diedo po yo.

Esayi 39:5

Li yaa puoli, Esayi den yedi Esekiasi: «Cengi Li Miali Diedo U Paaciamu Kuli Daano maama.

Jeremi 18:10

Ama laa nibuolu yaa tieni yaala n gundi n po, ki naa cengi n nialu, n yen lebidi n yama leni min bi jagi ke n baa tieni bi po yaa ŋanma.›

1 Samueli 1:22

Ama Anna wani ki den gedi. O den yedi o calo: «N yaa babidi ki biga, n baa gedini o wan ban sedi o Diedo nintuali, ki ji yaa ye lankani hali yaa yogunu kuli.»

1 Samueli 13:12

n bungi n yama nni ki yedi: ‹Filisiti yaaba baa jiidi ki baa ti Giligali ne moala moala. Li sua ke nmo daa mia o Diedo ŋanbili. Lani yaa po yo ke n paagi n pali ki padi li padijuukaali.› »

1 Samueli 15:11

«N pali biidi leni min dini Sayuli li bali, kelima o buli nni o nunga, kaa tiendi min yedi o yaala kuli.» Samueli pali den biidi. Laa ñiagu kuli, o den mua ki miadi o Diedo.

1 Samueli 15:22

Samueli den yedi: «Naani ki tuo ki tieni o Diedo n bua yaala, Ki cie a padijuukaana leni a pada? Mi tuoma pia mayuli ki cie a pada, O ñoamabonli tienma pia mayuli ki cie a petona kpama.

1 Samueli 15:28

Lani, Samueli den yedi o: «Dinla o Diedo moko dadi ki cie Isidayeli diema bali a kani, ki baa teni li nitoa yua n ŋani ki cie ŋa.

1 Samueli 16:1

O Diedo den yedi Samueli: «A baa yaa yagini a yama Sayuli po ki pundi u laa yogunu? N yie o, o kan go yaa tie Isidayeli bado. Lani, ŋan gbieni a yinli mi kpama ki fii. N baa soani a Betelemi yua Isayi kani, kelima n laa o bila siiga yua n dagidi n po, ke n baa dini o li bali.»

1 Samueli 26:21

Lanwani, Sayuli den yedi: «N tudi! Guani ki cua ne, n bijua Davidi. N kan go tieni a yaala n bia, kelima dinla a noanli ke n miali tie bonmoanla. N tieni nani o yanluodaano yene. N tudi boncianla.»