1 Samueli 12:22 - U TIENU MAAMA TILI 2013

²² O Diedo yeli n pia yaa kpiagiciandi po, o kan ŋaa yi, kelima o den jagi o yama nni ke yi baa tua o yaaba.

Gourmanchéma Bible

²² Kelima Li Miali Diedo yeli n pia yaa kpiagiciandi yaa po, o kan ŋa yi, kelima o den jagi o yama po ke yi baa tua o yaa niba.

1 Samueli 12:22 ပူးပေါင်းရင်းမြစ်များ

1 Bi Badiba 6:13

N baa yaa ye Isidayeli yaaba siiga, n kan ŋaa ba, bani n nibuolu yeni.»

1 Bi Badiba 8:57

O Diedo ti Tienu n yaa ye leni ti nani wan den ye leni ti yaajanba maama, wan da ŋaa ti, ki da lu ti.

2 Bi Badiba 14:27

Ama o Diedo ki den jagi ke o baa bolini Isidayeli yaaba mi tinfanma nni. O den taa Joasi bijua Jeroboami ke o faabi ba.

2 Bi Badiba 21:14

N niba yaaba n sieni mo n baa ŋaa ba, ki taa ba ki tieni bi yibalinba nuu nni. Bi yibalinba baa fie ban pia yaala kuli.

1 Bi Badiba Jama 28:9

Lanwani, fini, Salomon n bijua, ŋan bandi a baa Tienu, ki yaa tuuni o po leni payenli leni yantiayenli, kelima o Diedo bani a pala kuli, ki diidi a yantiana kuli. A yaa lingi o, o baa tuo ŋan le o. Ama a yaa ŋaa o, omo baa lu ŋa yaa yogunu kuli po.

2 Bi Badiba Jama 15:2

ke o ñani ki ban tuogi Asa ki yedi o: «Cengi mani nni, Asa, yinba Juda buolu leni Benjamen buolu kuli! O Diedo ye leni yi, li yaa tie ke yimo ye leni o. Yi yaa lingi o, o baa cedi yin le o. Ama yi yaa ŋaa o, omoko baa ŋaa yi.

Nehemi 9:17

Bi den yie baa tuo ma, Ki sundi ŋan den tieni bi po yaa ŋanma. Bi den juagi bi tuli. Bi yiema nni, bi den gandi o yudaano, Ki baa guani ban den ye ti yonbidi nni naanpo. Ama fini, a tie yaa Tienu n puuni sugili, Ki juogidi ki gba mi ninñima, Ke a pali ki be tontoni, ki pia li ŋanbili mo. Lani yaa po, ŋaa den ŋaa ba,

Pisomi 106:8

Ama o den faabi ba kelima o yeli po, Ki waani yeni o paalu.

Pisomi 94:14

Kelima o Diedo kan ŋaa o niba, O kan ŋaa yaaba n tie o yaa yaaba.

Mi Ñama 32:12

Be yaa po ke a baa teni Ejipiti yaaba n yedi: ‹O den ñani ba nekanba ki bua ki faligi ba, ki kpa ba a juana po, ki bolini ba, ki ñani bi buolu ŋanduna nni.› Ŋan jiini a pali, ki lebidi a yama, ki da bolini a nibuolu, nani ŋan bi jagi ke a baa bolini ba maama yeni.

Esayi 37:35

N kubi u naa dogu ki faabi u, Kelima mini yaa po leni Davidi N naacemo po.»

Esayi 41:17

Bi ninñinniba leni a luoda lingi Mi ñima, ama maa ye. Bi landi kuodi u ñuñuunu po. Mini Li Miali Diedo baa tuo bi miabu, Mini Isidayeli Tienu, n kan ŋaa ba.

Esayi 42:16

N baa teni a juama n tagini Ban ki den bani yaa sanu, Ki gobidi ba yaa sanbila n den boani ba niinni. N baa teni yaa biigili n ye bi liiga N lebidi ki tua yenma. N go baa teni yaa sani n tie Gbangbana mo n ladi ki dagini. N kan ŋaa ba, Lani n tie min baa tieni yaala.

Esayi 43:25

Li li tie mine! Mini n duuni ki ñani yi tagili. N kan go tiadi yi tuonbiadi po, Kelima min bua yi maama po.

Esayi 43:7

Mini leni yua n taa yeli kuli, Min n tagi yua ki go ŋanbi o n kpiagidi po yeni, guani o mani.»

Esayi 48:11

Li tie mini yaa po, Li li tie mini yaa po lige ke n tieni yeni, Kelima n yeli baa gaa lede ki biidi yeni? N kan tuo ki taa n kpiagidi ki ban teni nitoa.

Esayi 49:15

Naani o pua baa sundi Wan ŋaandi yaa biga po? Naani waa gba o tugu nni biga po mi ninñima? Ba li yaa tie ke o pua baa sundi o biga po, Mini wani, n kan sundi yi po.

Esayi 63:8

O den yedi: «Moamoani bi tie n niba, Yaa bijaba n kan janbi nni.» O den tua bi po candaano,

Jeremi 14:21

A yeli po, ŋan da waani ti fala. Da fali a bali kalikaanu kpiagidi, Tiadi ŋan den kuani yaa ŋantaado leni ti, Ki yaa kubi ku bonŋanla.

Jeremi 14:7

Bi yedi: «Ti tagili yabi ki pendi. Li tie moamoane. Ama fini o Diedo, le ŋan baa tieni yaala, A yeli kpiagidi po. Ti tudi a po hali boncianla. Ti tieni a po ti tuonbiadi.

Jeremi 14:9

Be n teni ke a tie nani yaa joa yaa pali n biidi yeni, Nani yaa jakoando n kan fidi ki faabi oba kuli yeni? Ba leni lani kuli, o Diedo, a ye ti siiga, Ti taagi a yeli. Ŋan da lu ki diani ti.»

Jeremi Bubula 5:20

Li gaa lede ke a sundi ti po yogunu kuli, Naani a baa lu ki diani ti daali kuli po yo?

Esekieli 20:14

Die mii den tieni la, kelima mii den bua yaaba n laa min ñani ba maama Ejipiti diema nni, n fali n yeli.

Esekieli 20:9

Die mii den tieni la, kelima mii den bua ban ye yaa nibuoli siiga yaaba n fali n yeli. N den teni ke bi bandi nni i nibuoli kuli nintuali, ki ñani ba Ejipiti diema nni.

Malaki 1:2

O Diedo yedi: «N bua yinba Isidayeli yaaba. Ama yi tua: ‹Be n doagidi ke a bua ti?› » O Diedo guani ki yedi: «Naani Esayu leni Jakob ki den tie naataani ka? Ama n den bua Jakob,

Matie 11:26

Yeni de! N Baa, n pagi a kelima a yanjagiŋanli po yo ke a tieni yeni.

Jan n diani U Tienu Laabaaliŋamo maama 15:16

Laa tie ke yinba ka den gandi nni. Ama mini n den gandi yi, ki go gagidi yi, ke yin gedi ki yaa luoni li bonluonkaala, ke yi bonluonkaala mo n yaa ye. Lanwani, Baa baa pa yi yin mia o yaala kuli, kelima n yeli po.

LOMA YAABA 11:1

Lanwani, n buali: Naani U Tienu luni o nibuolu Isidayeli yaaba? Kalam! Mini n ba, n tie Isidayeli buolu, Abalahama puoliŋuanu leni Benjamen buolu yua.

LOMA YAABA 11:29

U Tienu yiinu leni o paabu naa pia lebidima.

1 Korenti 4:7

Ŋme teni ke a cie a lieba? A pia be ke U Tienu ka puni a? Li yaa tie yeni, be n teni ke a kpiagi a yuli nani U Tienu ka puni a la yeni?

Efesa 1:12

O den tieni yeni ke tinba yaaba n den kpa bili ti suginma Kilisiti nni, n yaa pagi o.

Efesa 1:6

Lanwani, tin yaa pagi o ŋanbili yaali n pia ti kpiagidi, wan puni ti yaali kelima o Bibuadiga po.

Mi Tiadima 14:2

Yi tie yaa nibuolu n gagidi ki ŋani o Diedo yi Tienu po. Yinbe ke o Diedo yi Tienu den gandi, ki tinga nibuoli kuli siiga, ke yin tua wan die yaaba.

Mi Tiadima 31:17

Landaale, ke n pali baa fii ki be bi po. N baa ŋaa ba, ki buli ba n nunga. Bi baa je ba, falaciamo leni paboancianli baa baa ba, ke bi baa yedi: ‹Naani laa tie kelima ti Tienu naa go ye ti siiga ka, ke yaa falabuoli n tie ne kuli nandi ti?›

Mi Tiadima 31:6

Cuo ki sieni mani yi gbani, ki go paagi yi pala! Da jie mani, yi gbani mo n da jeli bi nintuali! O Diedo yi Tienu wani o ba n cuoni leni yi, o baa yaa kubi yi, o kan ŋaa yi, o kan lu yi abada.»

Mi Tiadima 31:8

O Diedo wani o ba n baa yaa cuoni a liiga, wani o ba n baa yaa yegi leni a, ki baa yaa kubi a, ki kan ŋaa ŋa, ŋan da yagi a yama, ŋan da jie mo.»

Mi Tiadima 7:6

Yi baa tieni yeni, kelima yi tie yaa nibuolu n gagidi ki ŋani o Diedo yi Tienu po. O Diedo yi Tienu gandi yi, ke yin tua i nibuoli siiga, o yaa nibuoliceli mi tinfanma nni.

Mi Tiadima 9:5

Laa tie yi teginma leni yi tagiŋamu po ka, ke yi baa kua ki diedi bi diema. Ama li tie bi biadima po yo, ke o Diedo yi Tienu deli ba yi nintuali, ke wan den poli ki niani yi yaajanba, Abalahama, Isaaka leni Jakob yaala n tieni.

Filipi 1:6

N daani ki go bani cain ke wani yua n cili laa tuonŋanli yi niinni, baa yaa tuuni li hali ki dudi li, Jesu Kilisiti guacuama daali.

Hebilunba 13:5

Yin da pa yi yula i ligi buama po. Ama yin yaa mangidi yi pala leni yin pia yaala moala, kelima U Tienu yedi: «N kan ŋaa ŋa, N kan lu ŋa abada.»

Josue 7:9

Kanana yaaba leni mi diema na yaaba kuli baa gbadi likuli, ki lindi ki cebini ti, ki bolini ti yela ŋanduna nni. A baa tieni be ki doagidi a yeli kpiagidi?»

1 Pieri 2:9

Ama yinba wani, yi tie ban den gandi yaa buolu, o Bado kopadicianba, yaa buolu n gagidi ki ŋani, wan baa yaa buolu o yuceli po. O yini yi ke yin ña li biigili nni, ki kua o yenma yaama n ŋani cain nni, ke yin yaa wangi o tuona yaa n ŋani boncianla.