1 Samueli 12:21 - U TIENU MAAMA TILI 2013

²¹ Yin da ŋuadi o puoli, kelima yi yaa ŋaa o, yi baa ŋoadi yaala n tie fanma fanma, lani yaala n kan todi yi, ki kan faabi yi mo kelima li tie fanma.

Gourmanchéma Bible

²¹ Yin da ŋoadi mani o puoli, kelima yi yaa ŋuadi o puoli, yi baa ŋoadi yaala n tie fanma fanma, yaala n kan todi yi, ki kan faabi yimo kelima li tie fanma fanma.

1 Samueli 12:21 ပူးပေါင်းရင်းမြစ်များ

2 Bi Badiba 17:15

Bi den yie o bali maama, ki biidi wan den loli yaa ŋantaado leni bi yaajanba, ki yie wan den tundi ba yaa tundi. Bi den yie ki ŋoadi i buli, yaaba n tie fanma, ki tua fanma nani bani yeni. Bi den togidi yaa nilanbuoli n lindi ba, o Diedo n den kuani ba ban da ŋoadi yaaba.

Esayi 41:29

Diidi, bikuli tie fanma bebe, Bi tuona mo kuli tie fanma bebe, Bi buli kuli tie fanma leni yaala n ki ye.»

Esayi 45:20

Yin taani ki cua mani ne, Taani ki nagini mani, Yinba i nibuoli siiga yaaba n cia. Yaaba n tugi bi bulo daagu yeni, Baa bani liba kuli. Bi miadi o bulo mi todima Yua n kan fidi ki gaa ba.

Esayi 46:7

Bi yen bugi o bi boacaba po, Ki tugi o ki ban bili o wan baa yaa ye naani. O kan fidi ki ŋmiagi o kaanu. Bi yaa yi o O kan fidi ki tuo, O kan fidi ñani oba kuli li paboanli nni.

Jeremi 10:15

Baa pia mayuli Bi cila mo pia ti laadi, Bi fala yaa cua yaa daali, Bi baa bodi.

Jeremi 10:8

Laa niba kuli tie yanpiidanba, Kelima bi buli yeni n bangi ba, Ki nan sua bi buli yeni mo tie daade.

Jeremi 14:22

Naani i nibuoli buyuogidi siiga, Pia yaa bulo n baa fidi ki teni ki taaga n mi? Naani ti tawadi n kpendinni ki taaga? Laa tie fini o Diedo ti Tienu ka? Ti dugi a po, kelima fini n tiendi laa bonla kuli.

Jeremi 16:19

O Diedo n tie n gbanmanu, n wuonkaanu, Li pabiidili daali min baa sani ki deni yua. I nibuoli baa ña u tinbianu ki cua ki yedi: «Ti baanba den dini yaa faali n tie faama bebe, Yaa faama n ki pia mayuli

Jeremi 2:13

N niba tudi taalimilie, Bi ŋaa mini yua n tie Li Miali ñinbunli yeni, Ki gbini bi yula po, Yaa ñinbuodi n lugidi lugidi, Ki kan fidi ki kubi ñima.

Jeremi 2:5

O Diedo go yedi: Yi yaajanba laa n kani i laa tagile, Ki sani ki foagidi leni nni? Bi sani ki ŋoadi mi faama, Ki tua biba fanma?›

Jonasi 2:8

N fidu n den gbeni, Ke mi kuuma dia nni yaa yogunu, N den tiadi fini o Diedo po, N miabu den pundi a kani, Hali a jaandiegagidikaali nni.

Jonasi 2:9

Yaaba n ŋua i buli, Yii n tie fanma fanma, Faabima ki ye bi po.

Habakuki 2:18

Ki tagi o bulo pia be yaa fuome? Li li tie o nisaalo n tagi Yaa bonyuogidi leni ti kudi bebe. Laa bangi nilo bontoala kuli se faama bebe. O bulo pia be yaa fuome yua n tagi o po, Ke o baa yaa dugi o po, Wani yua kan fidi ba ki maadi yeni?

Jesu Tondiba Tuona 14:15

«Be yaa po ke yi tiendi yeni? Timoko tie nisaaliba nani yinba yeni. Ti wangi yi o Laabaaliŋamo ke yin lebidi ki ŋaa yaa jaanma n tie fanma fanma na, ki ŋoadi U Tienu yua n fo, wani yua n den tagi tanpoli leni ki tinga, mi ñincianma leni yaala n ye lienni kuli.

1 Korenti 8:4

Moala n baa maadi ti padinandi maama. Ti bani ke bulo naa ye ŋanduna nni, ke tiento mo ki ye, se Tienyendu bebe.

Mi Tiadima 11:16

Yin fangi mani yi yula, ki da tuo yi pala n boandi yi, ki teni yin lebidi ki ŋoadi tientoe, ki gbaani ki pugi yi.

Mi Tiadima 30:17

Ama yi yaa lebidi yi pala ki naa cengi, ki kuani yi yama i buli ŋoadima nni, ki gbaani ki pugi yi,

Mi Tiadima 32:21

Bi fiini n nunponli leni yaala n ki tie Tienu, Ki fiini n pali leni bi buli yii n tie fanma, Mini mo, n baa fiini bi yaa nunponli Leni yaa nibuolu n ki tie nibuomoanu, N baa fiini bi pala leni yaa nibuolu n ki pia yama.