1 Samueli 12:17 - U TIENU MAAMA TILI 2013

¹⁷ Tii ye ŋalikama ceyogunu ka? Ki taaga n ki go mi yaa yogunu. N baa jaandi ki mia o Diedo, o baa soani ki taaga leni i tatantani. Lani, yi baa bandi ke yi tudi boncianla o Diedo nintuali leni yin mia ban dini yi po o bado.»

Gourmanchéma Bible

¹⁷ Tii ye *ŋalikama ceyogunu kaa? Ki taaga n ki go mi yaa yogunu. N baa jaandi ki mia Li Miali Diedo, o baa soani ki taaga leni i tatantani. Lani yi baa bandi ke yi tudi boncianla Li Miali Diedo nintuali leni yin mia ban dini yipo o bado.»

1 Samueli 12:17 ပူးပေါင်းရင်းမြစ်များ

Pisomi 99:6

O kopadicianba siiga, Musa leni Alono den mia o, Ke o gaa bi miabu. Yaaba n taagi o Diedo yeli siiga, Samueli den mia o Diedo, Ke o gaa bi miabu.

Mi Ñama 32:30

Lan den fii ki faa, Musa den yedi ku niligu: «Yi tieni yaa tuonbiadi n bia boncianla. Moala, n baa do ki gedi o Diedo kani ki le n yaa baa baa ti candandi yi tuonbiadi po.»

Mi Kpanjama 26:1

Nani lan ki ŋani ki taaga leni a tatana N cua u jetaagu yogunu maama, Laa ŋani o yanluodaano n baa ti kpiagidi yene.

Jeremi 15:1

O Diedo den yedi nni: «Ba Musa leni Samueli yaa cua n kani, n yama kan guani bi naa niba kani. Deli ba ban foagidi n kani. Deli ba ban yaa caa!

Josue 10:12

O Diedo n den taa Amori yaaba ki tieni Isidayeli yaaba nuu nni yaa daali, Josue den mia o Isidayeli yaaba kuli nintuali ki yedi: «Fini u yienu, ŋan sedi Gabaon yuli po, Fini o ŋmaalo, a mo n sedi Ayaloni joaloangu yuli po.»

1 Samueli 12:13

Moala, yi bado nne, yin den gandi yua. Yi den mia o bado ke o Diedo puni yi o.

1 Samueli 12:19

Bi niba kuli den yedi Samueli: «Mia o Diedo a Tienu tinba a naacenba po ke tin da kpe. Tin mia ban dini ti po o bado yeni, ti tieni ti tuonbiadi ki pugini tin tieni yaa tuonbiadi kuli po.»

1 Samueli 2:10

O Diedo yibalinba baa midi. O baa teni i tatantani n tiani hali tanpoli ki pundi bi kani. O Diedo baa jia ti buudi leni ki tinga niba kuli. O baa pa o bado u paalu, O baa pugini wan gagidi ki dini yua li bali li bali paalu.»

1 Samueli 7:5

Samueli den yedi: «Yin taani mani Isidayeli yaaba kuli Misipa dogu nni, ke n baa mia yi po o Diedo.»

1 Samueli 8:6

Samueli pali den biidi leni ban mia o bado wan yaa die ba. Lanwani, Samueli den jaandi ki mia o Diedo.

1 Samueli 8:7

O Diedo den yedi Samueli: «Cengi bi maama ki tieni ban yedi yaala kuli, kelima laa tie ke bi yie fini ka, bi yie mine, ke min da go die ba.