1 Samueli 11:6 - U TIENU MAAMA TILI 2013

⁶ Sayuli n den gbadi laa bonla, U Tienu Fuoma den diedi o ke o pali fii boncianla.

Gourmanchéma Bible

⁶ Sayula n den gbadi laa bonla, U Tienu Fuoma den diedi o ke o pali fii boncianla.

1 Samueli 11:6 ပူးပေါင်းရင်းမြစ်များ

Mi Ñama 32:19

Wan den nagini li nagili yaa yogunu, o den laa ki naabiga leni bi cajeliba. Musa pali den beni boncianla, ke o luni wan kubi yaa tanpabiliedimu o nuu nni, ki mudi mu li juali tinga.

Mi Coadima 12:3

Musa den tie yaa nilo n pia li yumiinli hali boncianla, ki cie nisaalimiali kuli u tingbanu po.

Marki 3:5

Jesu pali den biidi boncianla, kelima bi pajuaga po. O den diidi bikuli leni li pabienli, ki yedi o joa yeni: «Tandi a nuu!» O den tandi o nuu ke u paagi.

Efesa 4:26

Yi pala yaa fii, yin da tieni tuonbiadi, ki da tuo u yienu n kua ke yi pala daa kuugi.

Bi Bujiaba 11:29

O Diedo Fuoma den kua Jefite niinni. O den gaani Galaadi leni Manase diema nni. O den guani ki tagini Galaadi yaa Misipa, ki kua Anmoni diema nni.

Bi Bujiaba 13:25

O Diedo Fuoma den cili ki fiini o gbanu wan den ye Dan-Mahasane dogu nni, Tisoreya leni Esitaoli siiga.

Bi Bujiaba 14:6

O Diedo Fuoma den kua o niinni, ke o cuo o yangbanlo yeni leni o nii, ki dadi ki padi o nani wan baa dadi ki padi ki ŋuabiga maama yeni, ki naa kubi liba kuli. Ama waa den waani o baa leni o naa wan tieni yaala.

Bi Bujiaba 15:14

Wan den pundi Lehi, Filisiti yaaba den kuudi ki togidi o. Lanyogunu o Diedo Fuoma den kua o niinni. Yaa baabi n den luo o nii den tua nani yaa gaali n juu yeni, ban den loli o yaala yeni den pidi ki baa.

Bi Bujiaba 3:10

O Diedo Fuoma den kua o niinni, ke o tua Isidayeli yaaba gobidika, ki gedi bu toabu. O Diedo den teni ke o paadi o bado Kusani-Liseyatayimi.

Bi Bujiaba 6:34

O Diedo Fuoma den kua Gedeon nni, ke o piebi li naatuntunli, ke Abieseri yaaba taani ki ŋoadi o puoli.

1 Samueli 10:10

Sayuli leni o naacemo n den pundi Gibeya yaa yogunu, bi saawalipuaba goli den tuogi ba. U Tienu Fuoma den kua o niinni ke omoko pua saawali leni ba.

1 Samueli 10:6

Wani o Diedo Fuoma baa kua a niinni ki diedi a, ŋan taani leni ba ki yaa pua saawali. O baa lebidi a ŋan tua nitoa.

1 Samueli 16:13

Lanwani, Samueli den taa li yinli leni li bali kpama ki wuli o yuli po ki gagidi o o kpeliba siiga. O Diedo Fuoma den kua o niinni ki diedi o, ki cili landaali ki yaa caa! Li yaa puoli, Samueli den fii ki kuni Rama.

1 Samueli 16:14

O Diedo Fuoma den ŋaa Sayuli. O Diedo den teni ke ki cicibiadiga kua o niinni ki yagini o yama.