1 Samueli 10:24 - U TIENU MAAMA TILI 2013

²⁴ Samueli den yedi bi niba kuli: «Yi nua o Diedo n gandi yua? Yinba Isidayeli yaaba kuli siiga yua naani leni o kuli ki ye.» Bi niba kuli den pua ti nipodi ki yedi: «U Tienu n pa o bado li miafoagili.»

Gourmanchéma Bible

²⁴ Samueli den yedi bi niba kuli: «Yi nua Li Miali Diedo n gandi yua? Yinba Isalele yaaba kuli siiga yua naani leni o kuli ki ye.» Bi niba kuli den kpaani ki yedi: «U Tienu n pa o bado li miafoagili.»

1 Samueli 10:24 ပူးပေါင်းရင်းမြစ်များ

2 Samueli 16:16

Davidi danli Ariki yua Usayi n den pundi Abisalomi kani, o den yedi: «O bado n yaa ye ki fo! O bado n yaa ye ki fo!»

2 Samueli 21:6

Lani yaa po, ban teni ti jabilele o puoliŋuani siiga, ti baa joani ba ki soadi ba U Tienu nintuali, wani o Diedo n den gandi yaa bado Sayuli dogu Gibeya niinni.» O bado den yedi: «N baa teni yi ba.»

1 Bi Badiba 1:21

A yàá tieni yeni, a yaa ti guani, bi baa mabini mini leni n bijua Salomon nani i tagili danba yene.»

1 Bi Badiba 1:25

Kelima dinla o gedi ki ban padi a naatona, a naatonbiwubida leni i pe boncianla, ki yini fini o bado bijaba kuli, bi toatieba yudanba leni o kopadiciamo Abiatari. Diidi ki le, bi ban di ki go ñu o kani ki tua: ‹U Tienu n pa o bado Adonija li miafoagili!›

1 Bi Badiba 1:34

Yi yaa ban pundi likani, fini o kopadiciamo Sadoki leni fini o saawalipualo Natan n wuli o po mi kpama, ki dini o li bali wan yaa die Isidayeli yaaba. Lanwani, yin piebi mani a naatuntuna ki yedi: ‹U Tienu n pa o bado Salomon li miafoagili.›

1 Bi Badiba 1:39

O kopadiciamo Sadoki den taa li gbandieli nni yaa yinli n pia mi kpama, ki wuli Salomon yuli po. Bi den piebi a naatuntuna ke bi niba kuli yedi: «U Tienu n pa o bado Salomon li miafoagili.»

2 Bi Badiba 11:12

O kopadiciamo den ñani Joasi ki cibini o ki badifogiliga, ki teni o li bali maama tili. Bi den wuli o yuli po li bali kpama ki dini o li bali. Lanyogunu, bi niba den pua a nipola ki tua: «U Tienu n pa o bado li miafoagili.»

2 Bi Badiba Jama 23:11

Bi den cedi ke bi cuani Yoasi, ke bi den cibini o ki badifogiliga ki teni o li bali maama tili. Bi den dini o li bali, Yeoyada leni o bijaba kuli den wuli o yuli po mi kpama, ki yedi. «U Tienu n pa o bado li miafoagili!»

Matie 21:9

Yaa niligu n den ye Jesu liiga leni yaagu n ŋua o puoli kuli den kpaani ki tua: «Davidi Bijua n baa ti pagidi! U Tienu n seligi yua n kpendi wani o Diedo yeli nni. U Tienu yua n ye hali tanpolijoma n baa ti pagidi.»

Mi Tiadima 17:15

Yi baa dini, o Diedo n baa gandi yaa bado yo. Yin baa dini yua, baa yaa tie yi siiga nni yua yo. Yi kan fidi ki dini nilamo, yua n ki tie yi kpiilo.

1 Samueli 11:15

Bi niba kuli den gedi Giligali ki ban dini Sayuli li bali o Diedo nintuali. Giligali yeni, bi den padi i tuondi pada o Diedo nintuali. Sayuli leni Isidayeli jaba kuli den mangi bi pala hali boncianla likani.

1 Samueli 12:1

Samueli den yedi Isidayeli yaaba kuli: «Diidi mani, n den tuo yin yedi nni yaala kuli ki dini yi po o bado.

1 Samueli 12:13

Moala, yi bado nne, yin den gandi yua. Yi den mia o bado ke o Diedo puni yi o.

1 Samueli 9:2

O den pia o bijua ke o yi Sayuli. O den ŋani, ki go pia mi jawaama. Isidayeli yua n den cie o ŋamu ki den ye. O go den caadi bikuli li yuli.