1 Samueli 1:9 - U TIENU MAAMA TILI 2013

⁹ Ban den dini ki go ñuni Silo dogu nni, Anna den fii ki gedi o Diedo diegu buliñoabu kani. O kopadiciamo Eli den kaa li bonkalikaala po ki kuu o Diedo diegu buliñoakpianu daadi dayengu kani.

Gourmanchéma Bible

⁹ Ban den dini ki go ñuni Silo dogu nni, Ana den fii ki gedi Li Miali Diedo diegu buliñoabu kani. O kopadiciamo Eli den kaa li bonkalikaala po ki kuu Li Miali Diedo diegu buliñoakpianu daadi dayengu kani.

1 Samueli 1:9 ပူးပေါင်းရင်းမြစ်များ

2 Samueli 7:2

Dayenli wani Davidi den yedi o saawalipualo Natan: «Diidi ki le, n ye ban ŋanbi yaa diegu leni sediri tiidi daadi yaa niinni, ke U Tienu kpaku mo nan ye li gbandieli nni.»

Pisomi 27:4

N miadi o Diedo bonyenla, Min bua yaala ke li moani n nuni. Lani n tie ki yaa ye o Diedo diegu nni, N miali yema nni kuli, Ki fidi ki ñuadi o Diedo ŋanciamu, Ki go fidi ki ñuadi o diegu.

Pisomi 29:9

O Diedo nialu teni ke i piali mali bi bila, Ki teni ke li fuali tiidi bonla kuli suodi. O Diedo diegu nni li bonla kuli Kpaani ki kpiagidi o.

Pisomi 5:7

A bolindi bi tuofaadanba, O Diedo pali fa yaaba n wuliti Mi soama leni bi nunfandanbiadiba po.

Mi Ñama 21:6

Lanwani, o canbaa baa taa o ki cuani U Tienu kani. O baa tabini laa joa bu buliñoabu, bi li buliñoagundili. O canba baa cibi o tubili leni li penkpaali. Li yaa puoli, o yonbo yeni baa yaa tuuni o po yaa yogunu kuli.

1 Samueli 1:10

Anna paboanli nni, o den jaandi ki mia o Diedo ki buudi leni ti nunsiidi.

1 Samueli 3:15

Samueli den guani ki duani hali lan faa. Li yaa puoli, o den luodi o Diedo diegu buliñoana. Samueli den jie kaa bua ki togidi Eli wan den baa yaa bonlekaala.

1 Samueli 3:3

ke Samueli mo dua o Diedo diegu nni, U Tienu kpaku n den ye naankani. U Tienu diegu fidisanga mo daa den gbindi.

1 Samueli 4:13

Eli den kaa li bonkalikaala po ki kuu leni u sanu, ki guu kelima o yama den yagini U Tienu kpaku po. O joa yeni n pundi ki kua u dogu nni ki puni bu toabu po laabaali, u dogu yaaba kuli den buudi.