1 Samueli 1:3 - U TIENU MAAMA TILI 2013

³ Binli kuli, Elikana yen fii o dogu nni ki gedi Silo ki ban kpiagi Li Miali Diedo, U Paaciamu Kuli Daano, ki padi o po a pada. Eli bijaliediba Ofini leni Finea den ye likani ki tie o Diedo kopadicianba.

Gourmanchéma Bible

³ Binli kuli Elikana den yen fii o dogu nni ki gedi Silo dogu ki ban kpiagi Li Miali Diedo, U Paaciamu Daano, ki padi opo a pada. Eli bijaliediba Ofini leni Finea den ye likani ki tie Li Miali Diedo kopadicianba.

1 Samueli 1:3 ပူးပေါင်းရင်းမြစ်များ

Pisomi 78:60

O den ŋaa Silo diegu, Wan den tii yaa gbandieli Ki ye bi niba siiga yeni.

Mi Ñama 23:14

Li binli nni, ŋan tieni mi jaanma taalimitaa n yeli kpiagidi po.

Mi Ñama 23:17

Isidayeli yaaba siiga, joa kuli baa cua o Diedo, Li Miali Diedo nintuali, li binli nni taalimitaa.

Mi Ñama 34:23

Yi jaba kuli baa cua, mini yi Diedo, Li Miali Diedo Isidayeli Tienu kani taalimitaa binli kuli nni.

Luki 2:41

Jesu danba den maani ki caa Jerusalemi binli kuli mi Pendima jaanma yogunu.

Mi Tiadima 16:16

Binli kuli taalimitaa, yi siiga bi jaba kuli baa cua o Diedo yi Tienu nintuali, wan gandi yaa kaanu yeni kani, yaa dupen n ki pia dabinli jaanma po, danalele taalimilele jaanma po leni a suga jaanma po. Bi kan cua o Diedo nintuali leni nikuomi.

Josue 18:1

Isidayeli yaaba n den paadi mi diema, bikuli den taani Silo dogu nni, ki tii likani u Kadikaanu Gbandieli.

Bi Bujiaba 18:31

Bi den sieni bi po Mika n den tieni yaa nannanli yeni, ke bi kubi U Tienu diegu n den ye Silo yaa yogunu kuli.

Bi Bujiaba 21:19

Lane bi den tiadi ke li kan waagi ke bi baa jaani binli kuli ban jaani yaa jaanma o Diedo po. Bi baa jaani ma Silo dogu nni, ki ye Beteli jienu, Lebona ganu, yaa sanu n ñani Beteli ki caa Sikemi puoli.

1 Samueli 1:21

Li yaa puoli, o calo Elikana den guani ki gedi Silo, wani leni o diegu yaaba kuli ki ban padi o Diedo po binli kuli padili, ki go kuani o nianli.

1 Samueli 1:9

Ban den dini ki go ñuni Silo dogu nni, Anna den fii ki gedi o Diedo diegu buliñoabu kani. O kopadiciamo Eli den kaa li bonkalikaala po ki kuu o Diedo diegu buliñoakpianu daadi dayengu kani.

1 Samueli 14:3

Ahitubi bijua Ahiya moko den ye leni o. Ahitubi yeni den tie Ikabodi kpelo, ki go tie Fineya bijua. Fineya mo den tie Eli bijua, yua n den tie U Tienu kopadiciamo Silo dogu nni. Ahiya den la bi kopadicianba bado n yen la yaa liadibiga. Bi toatieba naa den bani ke Jonatan fii ki gedi.

1 Samueli 2:19

Binli kuli o naa yen tieni ki liadibiga ki cuani o po, wani leni o calo yaa kpendi ki baa padi binli kuli yaa padili.

1 Samueli 2:34

Diidi ki le yaala n baa tieni a bijaliediba Ofini leni Finea ki tua a po sinankeeni ke li kuli baa tieni. Bani bonbilie kuli baa taani ki kpe dayenli.

1 Samueli 3:13

N den kadi ki waani o ke n baa bu ki cuo o diegu yaa yogu n tuu yaa yogu, kelima o bila sugidi nni ke o bani, ki naa tundi ba.

1 Samueli 4:11

Filisiti yaaba den fie U Tienu kpaku ki kpa Eli bijaliediba Ofini leni Finea.

1 Samueli 4:4

Isidayeli yaaba den soani Silo ke bi ban taa Li Miali Diedo, U Paaciamu Kuli Daano yua n kaa o bali kalikaanu selubanba tanpoli yaa ŋantaadikpaku. Eli bijaliediba Ofini leni Finea moko den yegi leni U Tienu ŋantaadikpaku.