1 Samueli 1:28 - U TIENU MAAMA TILI 2013

²⁸ Lani yaa po, n bua ki pa o o Diedo. O miali dana nni kuli, o baa yaa ye o Diedo po.» Lani, bi den labini ki kpiagi o Diedo likani.

Gourmanchéma Bible

²⁸ Lani yaa po n bua ki pa o Li Miali Diedo. O miali dana kuli o baa yaa ye Li Miali Diedo po.» Lani bi den labini ki kpiagi Li Miali Diedo likani.

1 Samueli 1:28 ပူးပေါင်းရင်းမြစ်များ

Mi cilima 24:26

Lani yaa po, o joa den gbaani ki pugi o Diedo ki yedi:

Mi cilima 24:48

Lanwani, n bi ñuani ki labini o Diedo nintuali ki pagi o Diedo, n yonbidaano Abalahama Tienu, yua n den gobidi nni leni ti dugidi ke min taa n yonbidaano waalo bisalo o bijua po.

Mi cilima 24:52

Abalahama naacemo n den gbadi laa maama, o den labini hali tiipo o Diedo nintuali.

Mi Kpanjama 31:2

«N bijua n baa yedi a be? N baa yedi a be, fini n tugu nni biga? N yenmiabiga n baa yedi a be?

Mi Coadima 6:8

O nianli yogunu kuli nni, o baa gagidi ki yaa ŋani o Diedo po.

2 Timote 3:15

Hali a biwaama nni a bani i Diani. I baa fidi ki pa ŋa mi yanfuoma, yaama n baa ciani a mi tindima nni, kelima a daani Jesu Kilisiti.

Bi Bujiaba 7:15

Gedeon n den gbadi ti dangidi togida leni ti bundima, o den gbaani ki tuondi o Diedo, ki fii ki guani Isidayeli yaaba toanagili po, ki yedi: «Fii mani, kelima o Diedo taa Madiani yaaba toagoli ki tieni yi nuu nni.»

1 Samueli 1:11

O den niani li nianli ki yedi: «Li Miali Diedo U Paaciamu Kuli Daano, a yaa tuo ki diidi mini a yonbo fala, ki tiadi kaa sundi mini a yonbo po, ki puni mini a yonbo bonjaga, n baa guani ki pa o fini o Diedo hali o miali dana nni kuli. Pengu kan maani o yuli po.»

1 Samueli 1:22

Ama Anna wani ki den gedi. O den yedi o calo: «N yaa babidi ki biga, n baa gedini o wan ban sedi o Diedo nintuali, ki ji yaa ye lankani hali yaa yogunu kuli.»

1 Samueli 2:11

Elikana den guani ki kuni o denpo Rama. Ki biga yeni den ye o kopadiciamo Eli kani, ki tuuni o Diedo po.

1 Samueli 2:20

Eli yen gaaliti Elikana leni o pua ki tua: «O Diedo n teni ŋan baa bitoana o pua ne kani, ban lebidi wan puni yua o Diedo.» Li yaa puoli, Elikana leni o pua yen guani ki kuni bi denpo.

1 Samueli 28:2

Davidi den guani ki yedi Akisi: «Bonŋanla! A baa le mini a naacemo n baa tieni yaala.» Akisi den yedi Davidi: «N baa teni ŋan yaa guu nni hali n miali banlu.»