1 Pieri 5:9 - U TIENU MAAMA TILI 2013

⁹ Yin yaa se ke li pa yi dandanli nni ki yie o po, kelima yi bani ke yi kpiiba yaaba n ye ŋanduna nni kuli moko laadi laa fala buolu.

Gourmanchéma Bible

⁹ Yin yaa se ke li pa yi *dandanli nni ki yie opo, kelima yi bani ke yi kpiiba yaaba ye ŋanduna nni kuli mo laadi laa fala buolu.

1 Pieri 5:9 ပူးပေါင်းရင်းမြစ်များ

Luki 22:32

Die n mia U Tienu a po ke a dandanli n da bodi. A yaa ti lebidi ki guani n kani, ŋan yaa paagidi a kpiiba pala.»

Jan n diani U Tienu Laabaaliŋamo maama 16:33

N waani yi lani ke yin yaa pia mi yanduanma n niinni. Ŋanduna nni, yi baa le o falabiado. Ama yin paagi mani yi pala. Mini, n paadi ŋanduna.»

Jesu Tondiba Tuona 14:22

I kaani kuli, bi den paagidi yaaba n daani pala, ki tundi ba ke ban yaa se bonŋanla li dandanli nni, ki tua ba: «Li tie tiladi tin kpa le fala boncianla, ki baa ki kua U Tienu diema nni.»

1 Korenti 10:13

Tulinmiba kuli kan cua yi kani, kaa tie yaama n kpendi bi nisaaliba kuli po. U Tienu tie dugika, o kan tuo yaa tulinma n cie yi fidu bianu n cua yi kani. Ama mi biigima yaa cua yi kani, o baa ŋanbi yi po u sanu, ke yin fidi ki juuni ki ña lienni.

Efesa 4:27

Da pa mani ku tuotabigu yudaano u kaanu yi pala nni.

Efesa 6:16

Yin go taa li dandanli nani li gbankoandigu yeni, ki yaa muubi yogunu kuli, ke yin fidi ki gbindi o Biado n toa yi yaa mupiemi kuli.

Kolosi 2:5

Ba ke mii ye leni yi n gbanandi nni, n ye leni yi n yantiali nni, ki pia li pamanli leni min nua ke yi dagidi leni yiyaba, ke yi dandanli mo se ke li pa Kilisiti nni maama.

1 Tesaloniki 3:3

ke yi siiga oba kuli n da lengidi ki guani puoli, kelima ban wangi yi yaa fala po. Yi bani ke U Tienu jagi ti po lani.

1 Timote 6:12

Ŋan yaa moa li dandanli yaa muaŋanli, ki cuo yaa miali n kan gbeni, U Tienu n den yini a ke ŋan baa yaali, ŋan den tieni yaa siediŋamo bi niba boncianla nintuali, kelima yaali yaa po.

2 Timote 3:12

Moamoani yaaba n bua ki yaa cuoni ke li tiegi Jesu Kilisiti nni kuli, bi baa yaa wangi ba fala.

2 Timote 4:7

N moani li muaŋanli ki gbeni. N sani mi nuama ki gbeni. N kubi li dandanli.

Hebilunba 11:33

Bi dandanli po den teni ke bi paadi mi diema boncianla, ki tiendi yaala n tiegi, ki go baadi U Tienu n den niani ba yaala. Bi den luoni i yangbanli ñoana,

Hebilunba 12:8

Ama yi yàá baa a bila kuli n baadi yaa tundifala, yi tie kpiaba, yii tie bimoana.

Jaki 4:7

Lanwani, yin yaa miindi yi yula U Tienu kani. Yin yaa yiedi ku tuotabigu yudaano po, lani o baa sani ki foagidi yi kani.

1 Pieri 1:6

Lanwani, mangi mani yi pala boncianla, ba li yaa tie tiladi, ke biigima buoli boncianla teni ke yi ye leni li pabiidili u yogunu waamu po moala.

1 Pieri 2:21

U Tienu den yini yi lani yaa po, kelima Kilisiti wani o ba moko den laa fala yinba yaa po, ki ŋaa yi po li bontogidikaala, ke yin yaa ŋua o yaa fuuli.

1 Pieri 3:14

Li pamanli ye leni yi, ba bi yaa waani yi fala yin tiendi yaala n ŋani yaa yogunu. Yin da jie mani bi nisaaliba ba waamu, ki da yagi yi yama.

1 Pieri 4:13

Ama yin yaa mangidi yi pala, kelima yi taani leni Kilisiti o fala nni. O kpiagidi yaa doagidi yaa yogunu moko, yi baa yaa ye leni li pamankandikaali.

Mi Doagidima 1:9

Mini Jan, yi kpiilo, n taa leni yi o falaciamo nni. N taa leni yi U Tienu diema nni, li juunli nni leni Jesu nni. Bi den gedini nni Patimosi kpendegili po, kelima U Tienu Maama leni Jesu yaa siedi po.

Mi Doagidima 6:11

Bi den puni bi siiga yuakuli li liadipiencianli, ki waani ba ban da juuni waamu ki pugini, hali bi naacenlieba, bi kpiiba, ban baa kpa yaaba nani bani yeni, n pundi lan bili yaa coali bianu.

Mi Doagidima 7:14

N den guani ki yedi o: «Canbaa, fini n bani!» O den yedi nni: «Bi tie yaaba n ñani o falaciamo nni, bi ŋuudi bi liadiciama ki Pebiga soama nni, ki pendi a.