1 Pieri 5:6 - U TIENU MAAMA TILI 2013

⁶ Lanwani, yin yaa miindi yi yula U Tienu nuu yuu n pia u paalu kani, ke u yogunu yaa pundi, wan kpiagi yi.

Gourmanchéma Bible

⁶ Lanwani yin yaa miindi mani yi yula U Tienu nuu yu n pia u paalu kani, ke u yogunu yaa pundi wan kpiagi yi.

1 Pieri 5:6 ပူးပေါင်းရင်းမြစ်များ

1 Bi Badiba 21:29

«Naani a laa Akabi n miini o yuli maama n nintuali? Wan miini o yuli n nintuali yeni, n kan teni laa fala n cua o yaa yogunu. N baa yuandi ki teni laa fala n baa o diegu nni o bijua yaa yogunu yo.»

2 Bi Badiba Jama 12:12

Nani Roboami n den miini o yuli ki lebidi o yama yeni, o Diedo ki den wuli o po o pabienli, kelima waa den bua ki bolini o cain. Yaala n den pugidi tie ke yaala n ŋani den baa ki ye Juda diema nni.

2 Bi Badiba Jama 30:11

Ama Aseri buolu, Sabuloni buolu leni Manase buolu siiga, bi tianba den miini bi yula ki cua Jerusalemi.

2 Bi Badiba Jama 32:26

Lanwani, ba Esekiasi japaadi nni, wani leni Jerusalemi yaaba kuli den bandi bi tagili, ki miini bi yula, ke o Diedo pabienli ki den baa bi po, Esekiasi miali dana nni kuli.

2 Bi Badiba Jama 33:12

O pabiidili nni, o den mia o Diedo o Tienu, o den bandi o tudima, ki den miini o yuli hali boncianla o Diedo o yaajanba Tienu nintuali,

2 Bi Badiba Jama 33:19

Hali ke Manase daa den tuo ki lebidi ki dingi oba, o jaandi leni U Tienu n den gaa i maama, o tuonbiadi, o tagili kuli, wan den maa i buli padibinbina a juana po naankani, wan den sieni Akera budaadi leni wan den kpie yaa nannana, likuli diani ki bili Hosayi tili nni.

2 Bi Badiba Jama 33:23

Waa den miini o yuli o Diedo kani nani o baa Manase n den miini o yuli maama. Ama Anmoni go den tieni yaala n bia ki cie.

2 Bi Badiba Jama 36:12

O den tieni yaala n ki dagidi o Diedo o Tienu po, ki naa den tibini o yuli o saawalipualo Jeremi kani, yua n den soagindi o, o Diedo n den maadi yaala.

Jobi 36:22

U Tienu paalu ki pia lie! Ŋme n baa fidi ki bangi li bonla nani wani yeni?

Pisomi 75:10

N baa kpaani ki doagidi Laa bonla yogunu kuli. N baa yiini ki kpiagi Jakob Tienu.

Pisomi 89:13

Fini n tagi nuganu leni nujienu. Tabori leni Hermon juana yiini ki pagi a yeli.

Mi Ñama 10:3

Musa leni Alono den gedi Faraon kani ki yedi o: «Li Miali Diedo, Hebilu yaaba Tienu yedi: A baa yaa yiedi ke a kan miini a yuli n nintuali ki pundi u laa yogune? Cedi n niba n gedi ki kpiagi nni.

Mi Ñama 3:19

N bani ke Ejipiti bado kan tuo yin gedi, li yàá tie ke n waani o n nuu paalu yaa ka.

Mi Ñama 32:11

Musa den mia o Diedo U Tienu ki yedi: «O Diedo, be n teni ke a pali pebidi a nibuolu po nanda, ŋan den ñani bani yaaba Ejipiti diema nni leni a paalu leni a nuu paalu?

Mi Kpanjama 29:23

O nisaalo japaadi n baa waani o i fe, Ama yua n tibini o yuli baa baa ti kpiagidi.

Esayi 2:11

O kafaadaano baa tibini o yuli, Bi niba japaadi n baa u bianu. O Diedo bebe n baa baa ti jigidi landaali.

Esayi 40:4

Ban gbieni ti joaloandi kuli Ki jiini joacianli leni joabiga kuli Ki ladi ki dagini. Ti buodi mo n piini ki dagini, Naani n bi kpedi mo n tua joaloangu.

Esayi 57:15

Yua n ye hali tanpolijoma, Wani yua n ye hali yaa yogunu kuli, Ke o yeli mo gagidi ki ŋani yedi: «N ye mi gagidiŋanma nni Leni yaa kaanu n kpedi ki cie I kaani kuli nni. Ama n go ye leni ban mabindi yua Leni yua n ye leni li pabiidili. Yeni n baa fidi ki baagi yaaba N ye li pabiidili nni, Ki go faabi yaaba n laadi fala bi pala nni.

Jeremi 13:18

Yedi o bado leni o badipua: «Kali mani tiipo! Yi badifogiliŋanga cibidi ki baa.

Jeremi 44:10

Hali ki ban tuoni dinla, yi naa biidi yi pala, yi naa baa fangiliba, yi naa ŋoadi min den teni yinba leni yi baanba yaa bali maama leni yaa ñoamabonbilikaana.› »

Esekieli 17:21

Yaaba n tie bi jakoanda yudanba, Bu toabu baa je ba, Yaaba n sani ki ciadi mo, Baa yadi yadi mi diema nni. Lani, yi baa bandi ke mini Li Miali Diedo n maadi.»

Esekieli 21:6

O Diedo go den maadi nni yaa maama n tie ne:

Danieli 5:22

Ama fini Belitisasari o bijua mo, ŋaa miini a yuli, ba ke a bandi laa bonla kuli.

Levi 26:41

Mini moko baa yie bi po, ki kuani ba bi yibalinba diema nni. Lanwani leni bi pajoagima kuli, bi baa miini bi yula ki pa bi tagili panpaani kuli.

Mise 6:8

U Tienu den bangi fini o nisaalo yaala n ŋani Leni o Diedo n guu a kani yaala. Lani n tie ke ŋan yaa ŋua yaa bujiali n tiegi, Ki bua mi teginma, Ki go yaa cuoni wani a Tienu nintuali leni li yumiinli.

Matie 23:12

Yua n fiini o yuli kuli, U Tienu baa jiini o, yua n jiini o yuli mo kuli, U Tienu baa fiini o.

Luki 1:52

O jiini i paaciami danba bi bali kalikaani po, Ki fiini taliginba.

Luki 14:11

Yua n fiini o yuli kuli, U Tienu baa jiini o, yua n jiini o yuli mo kuli, U Tienu baa fiini o.»

Luki 18:14

Jesu den pugini ki yedi: «N waani yi i moamoani, ke wani n den kuni o denpo ke U Tienu saa o po i moamoani ke o tiegi. Ama Farisieni yeni wani ki den baa. Yua n fiini o yuli kuli, U Tienu baa jiini o, yua n jiini o yuli mo, U Tienu baa fiini o.»

LOMA YAABA 5:6

U Tienu n den bili yaa yogunu n pundi, tin kaa den pia fidu yaa yogunu, Kilisiti den kpe ti tuonbiadi danba po.

1 Korenti 10:22

Ti baa tieni yene ki ñuni o Diedo li mutuoli bi? Naani ti pia u fidu ki cie o?

Mi Tiadima 32:35

Mini n tie o pantuulo, mini n ba tuu i biadipanpaani, Yaa yogunu ke bi taana digibi Kelima bi fala daali nagini, Bi juodima mo n tiini ki kpendi yeni.»

1 Timote 2:6

Wani n den puni o yuli ki kpe, ki pani mi faabima panli bi niba kuli po. Laa siedi n den tieni u yogunu n den pundi.

Titi 1:3

Wan den bili yaa yogunu n den pundi, wani U Tienu ti Candaano n den doagidi o maama, wan puogi nni min yaa wangi yaama, kelima o yanbuama po.

Jaki 4:10

Yin miini yi yula o Diedo kani, lani, o baa yaa jigini yi.

Jaki 4:7

Lanwani, yin yaa miindi yi yula U Tienu kani. Yin yaa yiedi ku tuotabigu yudaano po, lani o baa sani ki foagidi yi kani.

Jaki 5:10

N kpiiba, yin teni bi saawalipuaba, bani yaaba n den maadi o Diedo yeli nni, fala leni bi juunli n yaa tie yi po bontogidikaala.