1 Pieri 5:5 - U TIENU MAAMA TILI 2013

⁵ Yinba bi jawaaba mo, yin yaa miindi yi yula a nikpela kani. Yikuli n yaa miindi yi yula yiyaba kani, ki yaa la li yumiinli, ki yaa todi yiyaba kelima li diani: «U Tienu yiedi bi japaadanba, Ama o puuni bi yumiindanba o ŋanbili.»

Gourmanchéma Bible

⁵ Yinba bi jawaaba mo, yin yaa miindi mani yi yula bi nikpeliba kani. Yikuli n yaa miindi mani yi yula yiyaba kani, ki yaa laa li yumiinli ki yaa todi yiyaba kelima li diani: «U Tienu yiedi bi japaadanba, Ama o puuni bi yumiindanba o *ŋanbili.»

1 Pieri 5:5 ပူးပေါင်းရင်းမြစ်များ

2 Bi Badiba Jama 6:41

Lanwani, moala, o Diedo U Tienu Ŋan yegi leni ku kpaku A paalu n ye naani ki kua a fuodima kaanu. Li Miali Diedo U Tienu, A kopadicianba n yaa yie mi faabima Nani ti tiayiekaadi yeni. A niteginkaaba mo n mangi bi pala hali boncianla.

Jobi 22:29

U Tienu biandi bi japaadanba jaga fanma, Ama o todi li yumiinli danba.

Jobi 29:14

N yen taa mi teginma ki la, Man yaa tie n liadili, N moamoani mo n den tie N liadicianli leni n finfinjuadi.

Pisomi 132:16

N baa lani o kopadicianba mi faabima, O nidugikaaba mo n yaa yigini Ki doagidi bi pamanli.

Pisomi 132:9

Teni a kopadicianba n yaa la Mi teginma nani ti tiayiekaadi yeni, A nidugikaaba mo n yaa yigini Ki doagidi bi pamanli!

Pisomi 138:6

Ba o Diedo yaa ye hali tanpoli o nua taliginba, Ki bandi bi japaadanba mo hali foagima.

Mi Kpanjama 25:7

Kelima yaala n ŋani n tie ban yedi a: «Do nekanba!» Laa ŋani ban jiini a o badijoa nintuali.

Mi Kpanjama 3:34

O ñuadi a ñuañuada, Ama o puuni li yumiinli danba o ŋanbili.

Esayi 57:15

Yua n ye hali tanpolijoma, Wani yua n ye hali yaa yogunu kuli, Ke o yeli mo gagidi ki ŋani yedi: «N ye mi gagidiŋanma nni Leni yaa kaanu n kpedi ki cie I kaani kuli nni. Ama n go ye leni ban mabindi yua Leni yua n ye leni li pabiidili. Yeni n baa fidi ki baagi yaaba N ye li pabiidili nni, Ki go faabi yaaba n laadi fala bi pala nni.

Esayi 61:10

N baa mangi n pali o Diedo po, N pali baa mangi n Tienu po hali lan kandi, Kelima o lani nni mi faabima tiadi, Ki golini nni mi teginma kpalibu, Nani o puocaano calo n bobi, Bi nani o kopadiciamo n bobi, Bi nani o puocaano n yie o tiadi maama yeni.

Esayi 66:2

N yaa nuu n tagi laa bonla kuli, Ki teni ke lani kuli ye. O Diedo n yedi yeni. Diidi n nuni n baa yaa maa yua yaa po: Lani tie o ninñinnilo yua n ye leni li paboanli, Yua n yen gbadi n maama ki yaa digibi.

Esekieli 26:16

Mi ñincianma balinma diema Badiba kuli baa jiidi bi gbandi po, Ki landi bi liadiciama leni bi tiadi yaadi n ŋali ki kpaa, Ki laa ti jawaandi, Ki yaa kaa tiipo, Ki yaa digibi, Kelima bi mua a po.

Danieli 11:12

Wani nuganu po diema bado baa paadi li toagoli yeni, ki gbengi o yuli. O baa kpa bi niba tuda tuda tuda, ama ba yeni, o kan yaa pa ki caa,

Levi 19:32

Nikpeyukobipiendi yaa cua, ŋan fii ki sedi ki fangi o. Ŋan jigini o jakpelo. A baa fangi a Tienu. N tie Li Miali Diedo.

Luki 22:26

Lan da tie yeni yi yaa kani. Ama, yi siiga yua n cie yikuli n tua nani ki bonwaaga yeni, yua n tugi li yuli mo n tua nani o naacemo yeni.

LOMA YAABA 12:10

Yin yaa bua yiyaba nani yaaba n kpi yeni, ki yaa jigindi yiyaba.

LOMA YAABA 13:14

Yin la o Diedo Jesu Kilisiti yaa tagu nani li liadili yeni, ki da cedi yi gbanandi bonbuakaala n diedi yi.

Efesa 5:21

Yin yaa miindi yi yula yiyaba kani kelima yin pia Kilisiti po yaa fangili yaa po.

Filipi 2:3

Yin da tieni liba kuli leni mi paadima yantiali, yaa ka yaa kpiagidi n tie fanma fanma po. Ama li yumiinli n teni yin yaa nua yi lieba ke bi cie yi.

Kolosi 3:12

Lanwani, yinba U Tienu nigandikaaba, wan gagidi ki ŋanbi yaaba, ke yi tie o buakaaba, yin yaa la mi ninñingbadima leni li ŋanbili, li yumiinli, mi dingima leni li juunli.

1 Timote 5:1

Ŋan da tundi o nikpelo leni ku fuugu. Ama ŋan tundi o nani o tie a baa yeni. Ŋan tundi bi jawaaba nani bi tie a waamu,

Hebilunba 13:17

Yin yaa tuodi ki ŋua yaaba n gobidi yi, ki yaa fangi ba, kelima bi guu yi naani, ki bani ke bi baa togidi U Tienu yi maama. Yaa tiendi mani yeni, ke ban fidi ki yaa togidi ma leni li pamanli ki naa yenbidi, kelima li kan yaa pia yi po fuomiba.

Jaki 4:6

U Tienu n tieni ti po yaa ŋanbili yabi ki cie, kelima i Diani yedi: «U Tienu yie bi japaadanba, Ama o puuni bi yumiindanba o ŋanbili.»

1 Pieri 3:8

N tundijuodike n tie ne. Yikuli n yaa pia mani yantiayenli leni yiyaba, ki yaa gba yiyaba po mi ninñima, ki gbie leni mi buama yi kpiiba po, ki go yaa pia mi ninñingbadima leni li yumiinli yiyaba po.

1 Pieri 4:1

Lanwani, Kilisiti n den laa fala o gbanandi nni yeni, yimo n bogini ki sedi leni laa yantiali, kelima yua n laa fala o gbanandi nni paadi leni ti tuonbiadi.

1 Pieri 4:5

Ama bi baa togidi bi tuona kuli, wani yua n bogini ki baa jia yaaba n fo leni yaaba n kpe kuli buudi.