1 Pieri 5:4 - U TIENU MAAMA TILI 2013

⁴ Lanwani, o yankpaaciamo yaa doagidi o yuli yaa yogunu, yi baa baa yaa kpiagidi n kan yindi yaa badifogiliga.

Gourmanchéma Bible

⁴ Lanwani o yankpaaciamo yaa doagidi o yuli yaa yogunu, yi baa baa yaa kpiagidi n kan yindi yaa badifogiliga.

1 Pieri 5:4 ပူးပေါင်းရင်းမြစ်များ

Pisomi 23:1

Davidi yanbu. O Diedo tie n yankpaalo, N kan luo liba kuli.

Esayi 40:11

O kpaa o yangoli nani o yankpaalo yeni. O gobidi ki taani a pebila leni o buagu, Ki taa ba ki ŋmabi. O gobidi yaa peñoe n da ŋaandi.

Esekieli 34:23

N baa tuni yankpaayende n yangoli yeni yuli, wan yaa faami bi po. N naacemo Davidi n baa tua bi yankpaalo ki yaa kpaa ba, ki tua bi yankpaamoano.

Esekieli 37:24

N naacemo Davidi n baa tua bi bado, bikuli baa yaa pia yankpaayende. Bi baa yaa ŋua n bali maama ki kubi, ki go tiendi n mabilikaama.

Danieli 12:3

Yaaba n pia mi yanfuoma baa yendi, nani tanpoli yenma yeni, bani yaaba n bangi yaa niba n yabi ke bi lebidi ki ŋoadi mi teginma, baa yendi nani a ŋmabila yeni hali yaa yogunu kuli.

Sakari 13:7

Li Miali Diedo U Paaciamu Kuli Daano yedi: «Ki jugisiega, fii ki baa o yankpaalo, Min den taa yua ke o tie n todika yeni. Ŋan kpa o, lani i pe baa yadi i kaani kuli, Min baa ki cuo a bonbila.»

Jan n diani U Tienu Laabaaliŋamo maama 10:11

Mini n tie o yankpaaŋamo. O yankpaaŋamo puuni o miali o pe po.

1 Korenti 9:25

Yua n bua ki tua liiga yua jelibuolu kuli nni, yen kubi li kuali o gbanandi po li bonla boncianla nni. O tiendi yeni, kelima o bua ki baa yaa panpaani n baa pendi. Ama tinba wani tiendi yeni, ki bua ki baa yaa panpaani n kan pendi abada.

2 Timote 4:8

Ba moala bi bili n po mi teginma badifogiliga, o Diedo yua n tie o bujiateginka n baa pa nni yaaga o guacuama daali. O kan pa mini nbebe ka, ama yaaba n den bua o guacuama kuli.

Hebilunba 13:20

Mi yanduanma Tienu, yua n den fiini ti Diedo Jesu bi tinkpiba siiga, wani i pe yankpaaciamo, kelima o soama yaama n kuani yaa ŋantaado n baa yaa ye hali yaa yogunu kuli po.

Jaki 1:12

Li pamanli ye leni yua n fidi ki juuni mi biigima nni. Bi yaa biigi o ki pagi o yaa yogunu, o baa baa li miali badifogiliga, o Diedo n niani ke o baa pa yaaba n bua o kuli yaaga.

1 Pieri 1:4

Ti guu U Tienu n bili ti po yaa ŋalimano tanpoli po, yua n kan bodi, ki kan joagini, ke o ŋamu mo kan yindi.

1 Pieri 2:25

Yi den tie nani yaa pe n yaadi yeni, Ama moala, yi guani yi yankpaaŋamo kani, Wani yi guudika yaa kani.

1 Pieri 5:2

Yin yaa kpaa U Tienu yankulu, yuu n ye yi kani. Yin da tiendi la nani li tie tiladi ka, ama lan yaa tie yi yama po, nani U Tienu n bua maama. Yin da tiendi yeni kelima yi bua ki baa i ligi ka, ama yaa tiendi mani la, ke yi yama ye lienni moamoani.

1 Jan 3:2

N buakaaba, moala ti tie U Tienu bila. Tin baa tua yaala daa doagidi, ama ti bani ke o yaa doagidi yaa yogunu, ti baa yaa tie nani wani n tie maama, kelima ti baa le o nani wan tie maama.

Mi Doagidima 1:7

Diidi ki le mani, O kpendi ti tawadi nni, Nunbu kuli baa le o, Ba yaaba n den muu o baa le o. Ŋanduna nibuoli mo kuli, Baa buudi kelima o po. Yeni n yeni! Amina!

Mi Doagidima 2:10

Ŋan da jie ŋan baa ti le yaa fala. Cengi, li kan go waagi ke ku tuotabigu yudaano baa kuani yi siiga bi nitianba li kpaadidieli nni, lan tua yi po mi biigima. Bi baa waani yi fala dana piiga. Ŋan yaa tie nidugika hali mi kuuma. Lani, n baa pa ŋa li miali yaa badifogiliga.

Mi Doagidima 3:11

N baa cua, li kan waagi. Ŋan yaa kubi ŋan pia yaala kankani ke oba kuli n da fie a badifogiliga.