1 Pieri 5:2 - U TIENU MAAMA TILI 2013

² Yin yaa kpaa U Tienu yankulu, yuu n ye yi kani. Yin da tiendi la nani li tie tiladi ka, ama lan yaa tie yi yama po, nani U Tienu n bua maama. Yin da tiendi yeni kelima yi bua ki baa i ligi ka, ama yaa tiendi mani la, ke yi yama ye lienni moamoani.

Gourmanchéma Bible

² Yin yaa kpaa mani U Tienu yankulu, yu n ye yikani. Yin da tiendi la nani li tie tiladi ka, ama lan yaa tie yi yama po, nani U Tienu n bua maama. Yin da tiendi yeni kelima yi bua ki baa i ligi ka, ama yaa tiendi mani la ke yi yama ye lienni moamoani.

1 Pieri 5:2 ပူးပေါင်းရင်းမြစ်များ

I Yani 1:8

Fini yua n ŋani ki cie bi puoba kuli yeni, A yàá bani, wan kpaa o yangoli naankani, Ŋan ña ki ŋoadi ti yanbidi fuuli, Ki kpaa o ŋuabila, Bi yankpaaba gbandiena n ye naankani.

Esayi 40:11

O kpaa o yangoli nani o yankpaalo yeni. O gobidi ki taani a pebila leni o buagu, Ki taa ba ki ŋmabi. O gobidi yaa peñoe n da ŋaandi.

Esayi 56:11

Bi tie sangban-tugidanba, Baa pia ke bi guo. Bi tie yaa yankpaaba N ki bani ki gagidi liba. Bikuli ŋua bi sancele, Ke yuakuli li lingi o yuceli ŋamu.

Esayi 6:8

N den gbadi o Diedo nialu ke o tua: «N baa soani ŋme? Ŋme n baa tua ti tondo?» N den guani ki yedi: «Mini nne, soani nni.»

Esayi 63:11

Lanwani, o niba den tiadi Puoli yogunu leni Musa po ki buali biyaba: «Yua n den duoni o yankpaaba leni o yangoli yeni ye le? Yua n den kuandi bi siiga o Fuoma Yaama n gagidi ki ŋani yeni ye le?»

Jeremi 13:17

Yi yàá cengi line, n baa buudi ŋasiili nni, Kelima yi japaadi po. N nuni baa wuli ti nunsiidi, Min mua boncianla, kelima bi baa gedini O Diedo niba ti yonbidi.

Jeremi 13:20

Yaadi mani ki diidi a yibalinba Yaaba n ñani nujienu po ki kpendi. Min bi piani a yaa niba yeni. Ŋan bi jigini a yuli yaaba yaa po yeni ye le?

Jeremi 6:13

A bonwaala leni a nikpela kuli, Lingi bi yucela ŋamu bebe yo. Ki cili o kopadiciamo ki ban tuoni o saawalipualo, Bikuli ye i janbi po yo.

Jeremi 8:10

Lani n teni ke n baa taa bi puoba ki teni nitoaba, Ki teni yaaba n paadi ba mo n diedi bi kuani, Kelima ki cili ki bonwaaga ki ban pundi o nikpelo, Bikuli li tiini ki lingi bi yucela ŋamu bebe. Ki cili o saawalipualo ki ban taani o kopadiciamo, Bikuli li ye i janbi po yo.

Esekieli 34:23

N baa tuni yankpaayende n yangoli yeni yuli, wan yaa faami bi po. N naacemo Davidi n baa tua bi yankpaalo ki yaa kpaa ba, ki tua bi yankpaamoano.

Esekieli 34:31

Yinba bi nisaaliba, yinba n tie n yangoli, n yankpaakaanu yangoli, mini mo tie yi Tienu. Mini o Diedo U Tienu n yedi yeni.»

Esekieli 46:24

O den yedi nni: «Li tie a jeŋanbila leni yaaba n ye U Tienu diegu tuonli po, n baa yaa ŋaandi ban padi bi niba po yaa yandi naankane.»

Mise 3:11

Jerusalemi bujiaba gaani a suuna ki ja ti buudi, Likani kopadicianba bangi li bali maama ti ñuadi po, Bi saawalipuaba mo pua saawali i ligi po. Ama leni lani kuli, bi baa ki dugi o Diedo po ki tua: «Naani o Diedo ki ye leni ti? Fala kan nandi ti abada.»

Mise 5:4

Wani n baa cuani mi yanduanma. Asiiri yaaba yaa cua ti diema nni, Ki kua hali ti dieŋama nni, Ti baa teni yudanba boncianla n fii ki sedi bi po.

Mise 7:14

U Tienu, taa a yankpaagbiamu ki yaa kpaa a niba, Bani yaa nigoli n tie a piama yeni. Bi ye bi bebe li fuasieli nni i tikuani siiga. Ŋan go yaa kpaa ba Basan leni Galaadi diema nni, Nani ŋan den kpa kpaa ba maama.

Sakari 11:17

Fala n baa ku yankpaayuogu, Yaagu n ŋaa i pe. Bu toabu n bolini o nuu paalu leni o nuni gbanmanu, Ke o nuu n faani, O jiennunbu mo n fiadi!

Malaki 1:10

Li Miali Diedo U Paaciamu Kuli Daano go yedi: «Li baa yaa ŋani ki cie yinba bi kopadicianba po, yi siiga nni yendo n luoni n diegu buliñoana, ke yin da go cuondi n padibinbinli po u mu fanma fanma. N pali ki mani yi po ba waamu. Mii go bua ki gaa yi nuu nni padiliba kuli mo.

Mi Coadima 18:7

Fini leni a bijaba mo n baa yaa tuuni yi kopadiciantuonli li padibinbinli kani leni u kaangagidiŋanmoanu nni, yuu n ye bu kpalidoaginkaabu puoli po yeni. Yi kopadiciantuonli yeni tie min puni yi yaa tuonli. Yaa nilamo n nagini likani kuli baa kpe.»

Luki 12:32

Da jie liba, fini yaa yankulu n ki yabi, kelima yi Baa sua ke li dagidi o po, wan pa yi mi diema.

Jesu Tondiba Tuona 20:29

N bani ke n yaa fii, yaaba n tie nani i fuasangbanbiadi yeni, baa kua yi siiga. Bi kan cedi u yankulu.

Jesu Tondiba Tuona 21:13

O den guani ki yedi: «Be yaa po ke yi buudi, ki bua ki biidi n pali? N baa tuo ban loli nni Jerusalemi, ba ki kpa nni moko, o Diedo Jesu yeli nni.»

LOMA YAABA 1:15

Lani yaa po, n bua hali boncianla ki yaa wangi yinba yaaba n ye Loma moko o Laabaaliŋamo.

1 Korenti 9:7

Ŋme n baa kua minteeli leni o yuceli piama? Ŋme n baa ŋuu i tilondi, ki nan kan ŋmani li bonluonkaala? Ŋme n baa yaa kpaa u yankulu ki nan kan ño mi naaŋanma?

1 Timote 3:3

Wan da tie yua n puni o yuli li dañoli, wan da tie yua n bua janjanma, wan yaa tie yua n dingi kaa bua koanli, kaa bua ligi ke li pendi.

1 Timote 3:8

Li go tie tiladi Kilisiti Nitaanli todikaaba moko n yaa tie bi niba n jigindi yaaba, ban da pia palalie, ki da kuani bi yama li dañoli nni, ki da kuani bi yama yaa ñuadi n pia i fe moko nni.

Titi 1:11

Li tie tiladi ŋan mubini bi ñoana, kelima bi yagini ti dietiandi yama, ki bangi ki bua ki baa i janbi ñuadi.

Titi 1:7

Li tie tiladi ke Kilisiti Nitaanli gobidika n yaa tie U Tienu naacendugika, wan da pia ban baa fidi ki kuli o leni yaala. Wan da tie tupaalu daano, mutuodaano, dañolo, yua n faadi li koanli leni yua n kuandi o yama i janbi ñuadi nni.

Titi 2:14

O den puni o yuli ki kpe ti po, ki baa daa ki faabi ti leni mi biadima kuli, ki ŋuudi ki ŋanbi ti, tin tua wani n die yaaba, yaaba n baa yaa pia li yankuali a tuonŋama po.

Titi 3:1

Ŋan yaa tiadi ba, ban yaa fangi mi diema gobidikaaba leni li bali danba kuli, ki tuo ki yaa ŋua bi maama, ki go bogini tuonŋanli kuli po.

Filemon 1:14

Die mii den bua ki tieni liba, kali min kpa buali a ki bandi ŋan jagi yaala, ke a ŋanma n da tie nani u paalu yeni ka, ama lan yaa tie a yama po yo.

Hebilunba 12:15

Yin fangi yi yula, ke oba n da muni o yuli U Tienu ŋanbili. Yin go fangi yi yula ke yaa jiinu n bia ki to kuli, n da toa a benkpela, ki cuani ti yanyagidi, ki yaa joagindi bi niba boncianla.

2 Pieri 2:3

Bi bangi-faadanba yeni ŋaliŋabuama po, baa teni ban yaa boandi yi leni bi bangifaama, ki baadi yi kani li baali. Bi buudi cuonu peli ki bili bi po hali yogunu, bi bolinma mo kan go waagi.