1 Pieri 4:8 - U TIENU MAAMA TILI 2013

⁸ Yaala n cie likuli tie ke yin yaa bua yiyaba leni yi pala kuli, kelima mi buama doagini ti tuonbiadi boncianla.

Gourmanchéma Bible

⁸ Yaala n cie likuli tie ke yin yaa bua mani yiyaba leni yi pala kuli, kelima mi buama doagini ti tuonbiadi boncianla.

1 Pieri 4:8 ပူးပေါင်းရင်းမြစ်များ

Mi Kpanjama 10:12

Ki nanga kpendinni a koana, Ama mi buama piindi tudima kuli.

Mi Kpanjama 12:16

O yanluodaano tuodi ki doagidi o pabienli, Ama o yanfuodaano wani wuondi o pabienli.

Mi Kpanjama 17:9

Yua n bua o ŋantaado yen sundi i tagili po, Ama yua n tiadi i tagili po yogunu kuli, Paadi danlinba leni biyaba.

Mi Kpanjama 18:13

Yua n guani i buali ki daa cengi, Doagidi o yanpiima ki wali o yuli i fe.

1 Korenti 13:1

Ba n yaa bi maadi bi nisaaliba mabuoli Leni malekinba yaa mabuoli kuli, Ki naa pia mi buama, N baa yaa tie nani yaa kudi n mua, Bi nani ban pua yaa longa yeni.

1 Korenti 13:4

Mi buama pia li juunli ki go ŋanbidi. Mi buama ki pia nunponli. Maa kpiagidi mi yuli. Maa gbengidi mi yuli mo.

Kolosi 3:14

Yi yaa tieni laa bonla kuli ki gbeni, yin la mi buama yaama taani ki loli yikuli yenma, nani lan dagidi maama.

1 Tesaloniki 3:12

O Diedo n teni ke yi buama yiyaba po leni bi niba kuli po n yaa yabidi ki pugidi, nani timo yaa buama n pugidi yi po maama.

2 Tesaloniki 1:3

Ti kpiiba, li pundi tin yaa tuondi U Tienu, kelima yi po yogunu kuli. Li dagidi tin yaa tiendi yeni, kelima yi dandanli yabidi ki pugidi boncianla, yi buama yiyaba po mo yabidi ki pugidi.

1 Timote 1:5

Laa tundi n baa cuani yaala tie mi buama, yaama n ña li papienli, yaa pali siedi n ŋani leni li dandanmoanli nni.

Hebilunba 13:1

Suagi mani ki yaa pia mi buama yi kpiiba po.

Jaki 5:12

N kpiiba, yaala n tugi yuli tie line: Yin da poli leni tanpoli, bi leni ki tinga, ba poliba kuli. Ama yi yaa yedi: «Mm,» lan yaa tie, mm. Yi yaa yedi: «Aa-a» mo, lan yaa tie, aa-a, ke U Tienu n da ti jia yi buudi.

Jaki 5:20

yin bandi ke yua n gobidi ki guani ti tuonbiadi daano, wan yaadi ki ŋaa yaa sanu nni, o faabi o wan da kua mi kuuma nni, ki piini yaa tuonbiadi n yabi boncianla.

1 Pieri 1:22

Moala yi ŋanbi yi yula leni yin ŋua i moamoani, ke yin fidi ki yaa pia yaa buama n ki pia tuonanma yi kpiiba po. Lanwani, yin yaa bua yiyaba hali boncianla leni yi pala kuli.

3 Jan 1:2

N buado, n sugini a yema kuli n dagidi a po, ŋan yaa pia laafia a gbanandi nni, nani ŋan pia laafia a naano po maama.