1 Pieri 4:4 - U TIENU MAAMA TILI 2013

⁴ Yin kaa go yegi leni ba ki kuani yi yama laa cagindi nni yeni, li ludi ba, ke bi sugidi yi.

Gourmanchéma Bible

⁴ Li paki ba ke yii go yegi leni ba ki kuani yi yama laa cagindi nni. Lani yaa po bi sugidi yi.

1 Pieri 4:4 ပူးပေါင်းရင်းမြစ်များ

Matie 23:25

Fala baa yaa ye leni yinba li bali maama banda leni Farisieninba palalie danba, kelima yi yen ŋuudi ki tadiñokaaga leni ki taditialiga puoli po, ke mu tugu nni nan gbie leni yin fenli yaala yi bonbuaka-biadila po.

Luki 15:13

Lan tieni dana waamu, o bonwaalo den taa o yaa biinu kuli ki gedi yaa diema n foagi. O den biani o yaa faali kuli, kelima o bibiadima po.

Jesu Tondiba Tuona 13:45

Jufinba n den laa ku niligu yeni, li nunponli den cuo ba boncianla, ke bi sugidi Poli, ki nia wan yedi yaala.

Jesu Tondiba Tuona 18:6

Ama Jufinba n den nia Poli maama ki sugidi o, o den yoagi o tiadi ki yedi ba: «Yi soama n guani ki wuli yi yula po. Mii pia lienni tagiliba kuli. Dinla liiga, n baa caa ki wangi bi nilanbe o Laabaaliŋamo.»

LOMA YAABA 13:13

Tin yaa tiendi mani yaala n dagidi nani bi niba n tiendi yaala u yensiinu, ki da tuo mi jiema n diedi ti yantiana, ki foagidi leni li dañoli, mi conconma, ti cagindi, mi niama leni li nunponli.

Efesa 5:18

Yin da ñu mi daama ki gaadi, kelima li baa teni yin biidi yiba, ama yin yaa gbie leni U Tienu Fuoma Yua.

1 Pieri 2:12

Yin yaa pia u tagiŋamu bi nilanba siiga. Lanwani, ba bi yaa kuli yi ke yi tiendi yaala n bia, ban le yi tuonŋama, ki kpiagi U Tienu, o cuama daali.

1 Pieri 3:16

Ama lan yaa tie leni mi dingima leni li fangili. Yaa pia mani yaa pali siedi n ŋani, lani, ba bi yaa sugidi yi ki kuli yi ke yi tie i tagili danba, yaaba n sugidi yin pia yaa tagiŋami Kilisiti nni yeni, n le i fe.

2 Pieri 2:12

Ama laa niba tie nani ti yandi yeni, yaadi n ye ban cuo ki kodi po. Bi sugidi ban ki bani yaala. Bi baa kpa ba nani ti yandi yeni.

2 Pieri 2:22

Li tie bi po nani yaa kpanjama n tie ne n yedi yaala: «O sangbanlo guani ki dini o siindi.» Li go yedi: «Bi wali o duoñua ke o guani ki labini ti moamoadi nni.»

Jude 1:10

Ama laa niba sugidi ban kaa bani yaala. Ba ban bani yaala mo, bi ŋua la nani ti yandi yeni, ke li caani ba mi bodima po.