1 Pieri 4:3 - U TIENU MAAMA TILI 2013

³ Yin den tuuni yaa tuongunda yeni, moala li dagidi, kelima yi den tiendi bi nilanba yanbuama, ki puuni yi yula mi conconma, yi gbanandi bonbuaka-biadila leni li dañogaadili po. Yi den di ki go ñu ke li pendi, ki ŋua i cancaginbuli.

Gourmanchéma Bible

³ Kelima yaa yogunu n pendi yi den taa yaa yogunu n dagidi ki tiendi bi nilanba yaa yanbuama, ki puuni yi yula mi conconma, yi gbanandi bonbuaka-biadila po, li dañogaadili, ki di ki go ñu ke li pendi leni ti cagindi yaa buŋoadima po.

1 Pieri 4:3 ပူးပေါင်းရင်းမြစ်များ

2 Samueli 13:28

Abisalomi den teni o naacenba li ñoamabonli ki yedi: «Yin yaa kpaagi Aminoni. Mi daama yaa cuo o ke n yedi: ‹Pua mani Aminoni›, yin kpa o. Yin da jie, mini n puogi yi. Yin paagi yi pala ki koani mi jama.»

1 Bi Badiba 21:26

O den tieni yaa cagindi n bia ki cie, wani n den ŋoadi i buli nani Amori yaaba, o Diedo n den deli yaa nibuolu Isidayeli yaaba po yeni.

2 Bi Badiba Jama 15:8

O bado Asa n den gbadi o saawalipualo Obedi bijua Asa n maadi yaa maama, o den paagi oba ki bolini yaa buli n den ye Juda diema nni leni Benjamen diema kuli nni. O den tieni yeni leni wan den diedi yaa dogi, ke yi ye Efrayimi juana po. O den ŋanbi o Diedo padibinbinli yaali n den ye o Diedo diegu buliñoajabu nintuali.

Esayi 28:7

Bani moko mi daama kubi ba ke bi fuundi. Mi dabiadima gaadi ba. Mi dabiadima teni ke o kopadicianba Leni o saawalipuaba kuli pua Cacadili cadili. Mi daama yogi ki lundi ba, Mi dabiadima gaadi bikuli, Bi pua saawali ki luondi luondi. Bi jadibe ki nan ja ti buudi.

Esayi 5:11

Mi yebiadima baa ŋmaa yaaba N yen yagidi ki fii Ki ban ño mi dabiadima Leni yaaba n baa ki dua ki jadibi ku ñiagu Mi daama po.

Esayi 65:4

Bi ye a takula nni, Ki yen dua ki ye ti tanlondi nni, Ki ŋmani ti duonandi, Ki go pia bi tiadi nni yaa jiema n joagini.

Jeremi 16:11

Lanwani, ŋan guani ba daa: ‹Li tie ke yi baanba ŋaa nne. Mini o Diedo n yedi yeni. Yi tiini ki ŋua tientoe, ki baa yaa kpiagidi yi, ki gbaandi yi, ki go pugi yi. Ama mini wani, bi ŋaa nni, baa go kubi n bali maama.

Jeremi 16:18

N baa pa ba bi tuonbiadi panpaani taalimilie bi tagili leni bi tuonbiadi po, kelima bi joagini n diema leni bi tuongunda leni bi cancaginbuli yii n ki fo yeni.»

Esekieli 44:6

Ŋan waani Isidayeli yaaba, bi niyiekaaba yeni, ke o Diedo U Tienu yedi mi naa maama: ‹N coagi leni yinba Isidayeli yaaba cagindi.

Esekieli 45:9

Li Miali Diedo U Tienu yedi mi naa maama: «Yinba Isidayeli badiba, yi pendi u bianu. Cedi mani ku tugutongu leni i janbi. Ŋoadi mani yaa bujiali n tiegi leni mi teginma. Yin cedi ki da go fenli mani n niba. Mini o Diedo U Tienu n yedi yeni.

Jesu Tondiba Tuona 17:30

U Tienu ki faami bi niba n den ye yaa yanpiima nni. Ama moala o wangi bi niba kuli leni i kaani kuli, ke ban lebidi bi pala.

LOMA YAABA 13:13

Tin yaa tiendi mani yaala n dagidi nani bi niba n tiendi yaala u yensiinu, ki da tuo mi jiema n diedi ti yantiana, ki foagidi leni li dañoli, mi conconma, ti cagindi, mi niama leni li nunponli.

1 Korenti 12:2

Yi bani ke yin kaa den daani yaa yogunu, yi den tuodi ke bi dia ki caani yi i buli yii n ki maadi po.

1 Korenti 6:11

Yi siiga bi nitianba den tie laa nibuolu, ama U Tienu ŋuudi yi, ki gagidi yi, ki teni ke yi tua niteginkaaba o Diedo Jesu Kilisiti yeli leni ti Tienu Fuoma po.

2 Korenti 12:21

N jie ke n yaa cua, n Tienu baa miidi nni yi siiga. N jie ke n baa buudi kelima tianba po, bani yaaba n den kpa tieni ti tuonbiadi ki naa lebidi bi pala ki ŋaa ban den kubi ki tiendi yaa joagindi leni yaa conconma leni yaa cagindi kuli yeni.

Galati 5:19

To, o nisaalo gbanandi tuona doagidi. Lani n tie: mi conconma buoli kuli, ti joagindi, ti cagindi,

Galati 5:21

li nunponbiadili, li dañogaadili, ku nuagu leni laa bonbuoli kuli. N go tuodi ki waani yi nani min den kpa wani yi maama, ke yaaba n tiendi laa bonjoagindi buoli kan kua U Tienu diema nni.

Efesa 5:18

Yin da ñu mi daama ki gaadi, kelima li baa teni yin biidi yiba, ama yin yaa gbie leni U Tienu Fuoma Yua.

1 Tesaloniki 4:5

ki da tuo o gbanandi bonbuakaala n diedi o nani bi nilanba yaaba n kaa bani U Tienu n tiendi maama.

Titi 3:3

Timoko den kpa tie yanluodanba, niyiekaaba leni bi niyaadikaaba. Ti gbanandi bonbuaka-biadila buoli kuli den die ti. Ti den pia ku tugutongu leni li nunponbiadili, ki tie lan pundi ban yaa nani yaaba, ki go nani ti lieba mo.

1 Pieri 1:14

Yin yaa tie yaa bila n tuodi ki tiendi U Tienu n yedi yaala, ki da go ŋua yin den kpa pia yaa bonbuaka-biadila, yi yama n den pii yaa yogunu.

Jude 1:4

Bi nitianba wuoni ki kua yi siiga. I Diani den maadi laa niba buudi cuonu hali yogu. Bi tie U Tienu yiekaaba, yaaba n lebidi ti Tienu ŋanbili, ke lin tua mi conconma bonla. Bi go yie Jesu Kilisiti, wani yua bebe n tie ti Canbaa leni ti Diedo.