1 Pieri 4:2 - U TIENU MAAMA TILI 2013

² Lani yaa po, yaa dana n sieni yi po ki tinga ne niinni, yin da go ye ki ŋua ti gbanandi bonbuakaala ka, ama yin yaa ye ki tiendi U Tienu yanbuama.

Gourmanchéma Bible

² Lani yaa po, yaa dana n sieni yipo hali yi miali bianu, yin da go ye ki ŋua ti gbanandi bonbuakaala ka, yin yaa ye ki tiendi U Tienu yanbuama.

1 Pieri 4:2 ပူးပေါင်းရင်းမြစ်များ

Pisomi 143:10

Bangi nni min yaa tiendi a yanbuama, Kelima fini n tie n Tienu. A Fuoma yaama n ŋani n yaa gobidi, Ki cangi nni naani n ki pia tuudili.

Ose Tili 6:7

Ama yi den biidi o ŋantaado, Nani bi nisaaliba n tieni maama, Lankane, yi janbi nni.

Matie 12:50

Yua n tuo ki tiendi n Baa yua n ye tanpoli yaa yanbuama, wani n tie n naataanjaga, n naataanpuoga leni n naa.»

Matie 20:4

O den yedi ba: ‹Yimo n gedi mani n kuanu po, n baa pa yi lan dagidi.›

Matie 21:31

Bi siiga, ŋme n den tieni o baa n bua yaala?» Bi den guani ki yedi o: «O bonkpelo te!» Lane Jesu den yedi ba: «N waani yi i moamoani, bi lubigaaba leni a puoconcona baa kua yi liiga U Tienu diema nni.

Matie 7:21

Yaaba n tua nni: ‹O Diedo, o Diedo,› bikuli ka baa kua tanpoli diema nni, se yaaba n tiendi n Baa yua n ye tanpoli yaa yanbuama.

Marki 3:35

Yua n tuo ki tiendi U Tienu yanbuama kuli, wani n tie n naataanjaga leni n naataanpuoga leni n naa.»

Marki 7:21

O nisaalo pali nne ke ti yanmaalibiadi ña. Lani n tie: Mi conconma buoli kuli, bu subu, mi kukpama, mi ŋalimanbuama, ku tugutongu, i janbi, ti tuonjoagindi tienma, li nunponbiadili, u nisugidu, ti japaadi leni mi yanpiima kuli.

Jan n diani U Tienu Laabaaliŋamo maama 1:13

Ban tua U Tienu bila yeni, laa tie nani nisaalo n mali maama ka. Laa ŋoadi ti gbanandi yanbuama. Laa didi ŋoadi nisaalo yanbuama mo. Ama li tie U Tienu yaa yanbuama po yo.

Jan n diani U Tienu Laabaaliŋamo maama 7:17

O nilo yaa bua ki tieni U Tienu yanbuama, o baa bandi n bangima yaa ñani U Tienu kani, bi n yaa maadi n yuli po yo.

LOMA YAABA 12:2

Da taani mani leni ŋanduna na niinni yaaba. Ama yi yantiana pandima n teni yin lebidi, ke yin fidi ki gagidi ki bandi U Tienu yanbuama. Lani n tie yaala n ŋani, ki mani o po, ki go dagidi cain.

LOMA YAABA 14:7

Ti siiga, oba kuli ki ye o yuceli po, yua kpe mo ki kpe o yuceli po,

LOMA YAABA 6:11

Yimoko n yaa nua mani yi yula ke yi kpe, ki paadi leni ti tuonbiadi, ki nan ye ki fo U Tienu po Jesu Kilisiti nni.

LOMA YAABA 6:2

Kalam! Tinba yaaba n den kpe ki paadi cain leni ti tuonbiadi, ti baa gaa lede ki go yaa ye ti tuonbiadi nni?

LOMA YAABA 7:4

N kpiiba, li tie yene leni yinba moko. Yi kpe yaala n tie li bali maama po, kelima yi taani leni Kilisiti o gbanandi nni. Moala nitoa n ji die yi, lani n tie Kilisiti. U Tienu den fiini wane bi tinkpiba siiga, ke tin yaa luoni li bonluonkaala U Tienu po.

2 Korenti 5:15

O den kpe bikuli po, ke yaaba n fo n da go yaa ye bi yucela po ka, ama wani yua n den kpe ki go fii bi tinkpiba siiga yeni yaa po.

Efesa 2:3

Tikuli den kpa tie yeni, ki tiendi nani laa niba n tiendi maama moala, ki ŋua ti gbanandi bonbuakaala, ki tiendi ti gbanandi leni ti yantiana n bua yaala kuli. Bi den mali ti ke ti tie U Tienu pali n be yaaba yaa po, nani bi nisaaliba kuli yeni.

Efesa 4:17

Lanwani, min yedi yaala leni min kadi ki waani yi yaala, o Diedo yeli nni tie line: Yi tagi n da naani leni bi nilanba yaa tagi, bani yaaba n ŋua bi yantiana ya n tie fanma fanma.

Efesa 5:17

Lani yaa po, yin da tie yanluodanba, ama yin yaa fani ki moandi ki bandi o Diedo yanbuama.

Efesa 6:6

Yin da tiendi yeni ban nua yi yaa yogunu bebe ka, nani yi bua ki mangi bi nisaaliba pala yeni. Ama, yin tie Kilisiti yaa yonbi yeni, yin yaa kuandi yi yama, ki yaa tiendi U Tienu yanbuama.

Kolosi 1:9

Li tie lani yaa po ke hali tin gbadi lani kuli yaa daali, ti jaandi yi po U Tienu kaa cedi, ki miadi o wan gbieni yi pala leni yaa yanfuoma leni yaa fanu n ñani wani U Tienu kani, ke yin bandi o yanbuama.

Kolosi 3:3

Yi kpe, ke yi miana mo wuo leni Kilisiti U Tienu kani.

Kolosi 4:12

Epafrasi yua n tie yi siiga yua, ki go tie Jesu Kilisiti naacemo moko fuondi yi. O moa yi po yogunu kuli o jaandi nni, ki miadi yi po, ke yin yaa tie yaaba n dagidi cain, ki bani U Tienu n bua yaala, ki yaa se ke li pa U Tienu sanŋoadima nni.

1 Tesaloniki 5:18

Yebuoli kuli nni, yin yaa tuondi U Tienu, kelima lani n tie U Tienu yanbuama yi po Jesu Kilisiti nni.

Hebilunba 13:21

Wani U Tienu n teni yin fidi ki yaa tiendi yaala n ŋani, ki go ŋua o yanbuama kuli. Wan teni Jesu Kilisiti n yaa tuuni ti niinni yaala n mani o po kuli. Wani Kilisiti n yaa baadi ti kpiagidi hali yaa yogunu kuli. Amina!

Jaki 1:18

O yanbuama po, o den mali ti, kelima i moamoani maama po, ke tin yaa tie o tagima kuli siiga li bonkpiala.

1 Pieri 1:14

Yin yaa tie yaa bila n tuodi ki tiendi U Tienu n yedi yaala, ki da go ŋua yin den kpa pia yaa bonbuaka-biadila, yi yama n den pii yaa yogunu.

1 Pieri 2:1

Lani yaa po, yin ŋaa mi biadima, i boandi buoli kuli, palalie yantiali, li nunponbiadili leni ti sugidi buoli kuli.

1 Jan 2:17

Ŋanduna pendi, o bonbuakaala moko pendi, ama yua n tiendi U Tienu yanbuama baa yaa ye hali yaa yogunu kuli.