1 Pieri 4:10 - U TIENU MAAMA TILI 2013

¹⁰ Yi siiga yuakuli n yaa todi o lieba leni wan den baa U Tienu kani yaa ŋanbili paabu buolu. Yeni, yi baa yaa tie U Tienu naacen-juoginkaaba leni wan puni yuakuli yaa paabu buolu po.

Gourmanchéma Bible

¹⁰ Yi siiga yua kuli n yaa todi o lieba leni wan den baa U Tienu kani yaa *ŋanbili-paabu buolu. Yeni, yi baa yaa tie U Tienu naacen-juoginkaaba leni wan puni yua kuli yaa paabu buolu po.

1 Pieri 4:10 ပူးပေါင်းရင်းမြစ်များ

Matie 20:28

Lani n cedi ke o Joa Bijua ki cua ke bi niba n yaa tuuni o po ka, ama o cua ki baa yaa tuuni bi niba po, ki pa o miali, ki daa ki faabi bi niba boncianla.»

Matie 24:14

U Tienu diema Laabaaliŋamo na n da baa kpa pundi ŋanduna nni kuli, ki tua siedi i nibuoli kuli po. Lani yaa pendi mi juodima baa cua.

Matie 24:21

Fala baa yabidi lanyogunu hali maama ke o buolu daa tieni ki cili ŋanduna cilima, ki pundi hali moala. O buolu kan go tieni mo.

Matie 24:45

Ŋme n tie yaa naacendugika n pia mi yanfuoma, ke o canbaa guuni o o niba ke wan yaa tendi ba mi jiema li yogunu yaa pundi?

Matie 25:17

Yua n den gaa wula kujapiena kobilie moko den tieni yeni, ki mo baa wula kujapiena kobilie ki pugini.

Matie 25:44

Bani moko baa guani ki yedi: ‹Canbaa, ti den laa ŋa beyogune ke mi koma pia ŋa, bi ke u ñuñuunu pia ŋa, bi ke a tie caano, bi ke a ye mubima, bi ke a yia, bi ke a ye li kpaadidieli nni, ke tii cua ki todi a?›

Marki 10:45

O Joa Bijua naa cua ke bi niba n yaa tuuni o po ka, ama o cua ki baa yaa tuuni nitoaba po, ki pa o miali, ki daa ki faabi niba boncianla.»

Luki 12:42

O Diedo den yedi: «Ŋme n tie yaa tuonsoan-jiididugika n pia mi yanfuoma, ke o canbaa guuni o o niba ke wan yaa tendi ba, mi jiema li yogunu yaa pundi?

Luki 19:13

Hali ke o daa gedi, o den yini o naacenba siiga bonba piiga, ki teni ba wula kujapiena piiga, ki yedi ba: ‹Yaa tiendi mani u kpendu, hali min baa guani ki kpeni ne.›

Luki 8:3

One mo Janni, o bado Herodi ligikubilo Susa pua, one mo Susanni leni puotoaba boncianla, yaaba n den ñandi bi piama nni ki todi Jesu leni o ŋoadikaaba bi yema nni.

LOMA YAABA 15:25

Moala, n da baa fii ki gedi Jerusalemi bi nigagidiŋanba todima po.

LOMA YAABA 15:27

Bi den tieni yeni bi yama po, li pundi ban tieni yeni moko. Bani bi nilanba yaa den taani leni Jufinba ki boagidi U Tienu seli, li pundi bi nilanba n boagidi bi yema bonbaakaala leni Jufinba.

1 Korenti 15:10

U Tienu ŋanbili po yo, ke n tua min tie yua na. O ŋanbili n po naa tua fanma, li teni ke n soani ki cie Jesu tondiba kuli. Laa tie mini n ba ka soani yeni, ama U Tienu ŋanbili n tuuni leni nni.

1 Korenti 3:10

Nani U Tienu n puni nni yaa ŋanbili po, n den puu li tanpuuli nani o diemaa-yanfuodaano yeni, ke nitoa mo ŋuandi lipo. Die yuakuli n fangi o yuli leni wan ŋuandi lipo maama.

1 Korenti 4:7

Ŋme teni ke a cie a lieba? A pia be ke U Tienu ka puni a? Li yaa tie yeni, be n teni ke a kpiagi a yuli nani U Tienu ka puni a la yeni?

2 Korenti 6:1

Lanwani, nani tin taa ki tuuni leni U Tienu yeni, ti tundi yi ke yin da fali yin den baa U Tienu ŋanbili paabu yaabu.

2 Korenti 9:1

Yaala n tie bi nigagidiŋanba todima po, mii go nua ke li tie tiladi min diani yi po.

Efesa 3:8

Mini yua n tie puoli yua U Tienu nigagidiŋanba kuli siiga, n den baa laa ŋanbili, ki baa yaa wangi bi nilanba o Laabaaliŋamo, yua n doagidi Kilisiti n pia yaa ŋalimano n yabi hali ke li kandi maama.

Efesa 4:11

O puni bi nitianba ke ban yaa tie tondiba, bi nitianba ban yaa tie saawalipuaba, bi nitianba ban yaa tie o Laabaaliŋamo wangikaaba, bi nitianba mo, ban yaa tie yankpaaba, bi bangikaaba.

2 Timote 1:18

O Diedo n gbadi o po mi ninñima o guacuama daali. A bani ki cie nilo kuli wan den todi nni yaa todima kuli, min den ye Efesi dogu nni ya yogunu.

Titi 1:7

Li tie tiladi ke Kilisiti Nitaanli gobidika n yaa tie U Tienu naacendugika, wan da pia ban baa fidi ki kuli o leni yaala. Wan da tie tupaalu daano, mutuodaano, dañolo, yua n faadi li koanli leni yua n kuandi o yama i janbi ñuadi nni.

Hebilunba 6:10

U Tienu tiegi. O kan sundi yin den tieni yaala ki doagidi yi buama o po leni yin den todi bi nigagidiŋanba ki go baa ki todi ba maama.

1 Pieri 5:10

U Tienu yua n die li ŋanbili kuli, yini yi Kilisiti nni, ke yin taani leni o ki baa yaa kpiagidi n kan gbeni, yi yaa tuo ki laa fala u yogunu waamu po. Wani o ba n baa ŋanbi yi cain, ki teni yin yaa se bonŋanla, ki paagi yi pala, ke liba kuli kan fidi ki lengi yi.

1 Pieri 5:12

Silasi, o nidugika, min nua yua ke o tie ti kpiilo, wani n todi nni ke n diani yi po yaa tijenjenga n tie ne. N bua ki paagi yi pala, ki tieni yi po siedi ke yi se bonŋanla U Tienu ŋanbili yaali n tie i moamoani nni.