1 Pieri 3:8 - U TIENU MAAMA TILI 2013

⁸ N tundijuodike n tie ne. Yikuli n yaa pia mani yantiayenli leni yiyaba, ki yaa gba yiyaba po mi ninñima, ki gbie leni mi buama yi kpiiba po, ki go yaa pia mi ninñingbadima leni li yumiinli yiyaba po.

Gourmanchéma Bible

⁸ N tundijuodike n tie ne. Yikuli n yaa pia mani yantiayenli leni yiyaba, ki yaa gba mani yiyaba po mi niñima, ki gbie leni mi buama yi kpiiba po, ki go yaa pia mi niñingbadima leni li yumiinli yiyaba po.

1 Pieri 3:8 ပူးပေါင်းရင်းမြစ်များ

Pisomi 103:13

Nani bibaa n gba o bila po Mi ninñima maama, O Diedo moko gba yaaba n fangi o po Mi ninñima yene.

Mi Kpanjama 28:8

Yua pugidi o piama leni i janbi ñuadi, Pugidi ma yua n gba a luoda ninñima po yo.

Sakari 7:9

«Mini Li Miali Diedo U Paalu Kuli Daano den yedi: ‹Yaa ja mani ti buudi leni mi teginma, ki go yaa pia yiyaba po mi ŋanma leni mi ninñingbadima.

Matie 18:33

Laa pundi ke fini mo n gbadi a lielo po mi ninñima nani min gbadi a po maama yeni?›

Luki 10:33

Ama, Samari nilo, den caa u dogu ki cua likani. Wan den laa o joa yeni, mi ninñima den cuo o.

Jesu Tondiba Tuona 2:1

Pantekoti jaanma daali n pundi, Jesu ŋoadikaaba kuli den taa ki ye kaanyendu.

Jesu Tondiba Tuona 27:3

Lan den fii ki faa, ti den pundi Sidon ki sedi. Juliyusi den kubi Poli leni mi buama, ki puni o ke o ñani ku ñinbiagu nni, ki gedi ki fuondi o danlinba, ki baa mi todima bi kani.

Jesu Tondiba Tuona 28:7

Li kpendegili yudaano den yi Pubiliyusi. O diegu den kuu leni tin ye naankani. O den cua ki biali ti ki gedini ti o denpo, ki gaa ti cangu hali danataa leni ki nunmanga.

Jesu Tondiba Tuona 4:32

Yaaba n den daani kuli den pia yanyenma leni yanjagiyenli. Oba kuli naa den yedi ke wan pia yaala tie wani bebe n die yaala. Nilo kuli den tuo ke o piama tua o lieba yaame.

LOMA YAABA 12:10

Yin yaa bua yiyaba nani yaaba n kpi yeni, ki yaa jigindi yiyaba.

LOMA YAABA 15:5

U Tienu yua puuni li juunli leni li papaali, n teni yin yaa pia yantiayenli leni yiyaba, nani Jesu Kilisiti n bua maama.

1 Korenti 1:10

N kpiiba, n mia yi ki go tundi yi, kelima ti Diedo Jesu Kilisiti yeli po, ke yikuli n yaa mani leni yiyaba, ke paadimiba kuli n da ye yi siiga. Lani n tie yin yaa taa yenma yi yantiana leni yi jaga kuli nni.

1 Korenti 12:26

Gbanan-buoyendu yaa laadi fala, i gbananbuoli kuli taani leni u laa fala nni. Gbanan-buoyendu yaa baa ti jigidi, i gbananbuoli kuli mangi i pala leni u.

Efesa 4:2

Yin yaa ye leni yiyaba leni li yumiinli, mi dingima leni li juunli. Juuni mani leni yiyaba leni mi buama.

Efesa 4:31

Yin cedi mani li mutuoli, ki nanga, li pabienli, ku fuugu, ku tuotabigu leni ku tugutongu buolu kuli n ña yi siiga.

Efesa 4:32

Yin yaa mani leni yiyaba, ki gba yiyaba po mi ninñima, ki tiendi yiyaba po sugili nani U Tienu n den tieni yi po sugili, Kilisiti nni maama.

Filipi 2:3

Yin da tieni liba kuli leni mi paadima yantiali, yaa ka yaa kpiagidi n tie fanma fanma po. Ama li yumiinli n teni yin yaa nua yi lieba ke bi cie yi.

Filipi 3:16

Ama tin pundi yaa bianu po, tin taani mani ki suagi liiga yenma.

Kolosi 3:12

Lanwani, yinba U Tienu nigandikaaba, wan gagidi ki ŋanbi yaaba, ke yi tie o buakaaba, yin yaa la mi ninñingbadima leni li ŋanbili, li yumiinli, mi dingima leni li juunli.

Hebilunba 13:1

Suagi mani ki yaa pia mi buama yi kpiiba po.

Jaki 2:13

U Tienu yaa jia ti buudi yaa yogunu, o kan gbadi mi ninñima yua n kaa den gbadi o lieba po mi ninñima. Mi ninñingbadima paani ti buudi.

Jaki 3:17

Ama yaa yanfuoma n ñani tanpoli n tie maama nne: Mi kpa ŋani cain, yaala n ŋua mo tie ke mi kpendinni mi yanduanma, ki dingi, ki pia li yumiinli, ki gbie leni mi ninñingbadima. Mi tiendi a tuonŋama, maa tiendi gagidima bi niba siiga, maa pia palalie mo.

Jaki 5:11

Diidi mani, ti tua ke li pamancianli ye leni yaaba n laa fala ki go juuni lienni. Yi gbadi Jobi n den pia yaa juunli leni o Diedo n den yuandi ki puni o yaala o juodima yogunu, kelima o Diedo pia mi ninñingbadima, ki go pia li ŋanbili boncianla.

1 Pieri 1:22

Moala yi ŋanbi yi yula leni yin ŋua i moamoani, ke yin fidi ki yaa pia yaa buama n ki pia tuonanma yi kpiiba po. Lanwani, yin yaa bua yiyaba hali boncianla leni yi pala kuli.

1 Pieri 2:17

Yin jigini bi nisaaliba kuli, ki bua yi kpiiba. Yaa fangi mani U Tienu, ki jigindi o badiciamo.

1 Pieri 5:5

Yinba bi jawaaba mo, yin yaa miindi yi yula a nikpela kani. Yikuli n yaa miindi yi yula yiyaba kani, ki yaa la li yumiinli, ki yaa todi yiyaba kelima li diani: «U Tienu yiedi bi japaadanba, Ama o puuni bi yumiindanba o ŋanbili.»

2 Pieri 1:7

ki yaa pugidi U Tienu tuoma po mi buama yi kpiiba po, ki go yaa pugidi mi buama yi kpiiba po mi buamoanma.

1 Jan 3:14

Ti bani ke ti ñani mi kuuma nni ki kua li miali nni kelima ti bua ti kpiiba. Yua n ki pia mi buama da ye mi kuuma nni.