1 Pieri 3:20 - U TIENU MAAMA TILI 2013

²⁰ Hali yogu, bi den fiini mi yiema U Tienu po, ke o den juuni leni ba ke li waagi. Li den tie Nowe n den kpie ku ñinbiaciangu yaa yogunu. Niba waamu, lani n tie nibinii, yaaba n den kua ku ñinbiaciangu yeni niinni ki faabi leni mi ñima.

Gourmanchéma Bible

²⁰ Hali yogu bi den fiini mi yiema U Tienu po, ke o den juuni leni ba ke li waagi. Li den tie Nowe n den kpie ku ñinbiaciangu yaa yogunu. Bi niba waamu, lan tie niba nii, yaaba n den kua ku ñinbiaciangu yeni niinni ki faabi leni mi ñima.

1 Pieri 3:20 ပူးပေါင်းရင်းမြစ်များ

Mi cilima 6:13

Lani yaa po, U Tienu den yedi Nowe: «N bili ke gbanandi kuli yaa juodima pundi, kelima bi gbieni ki tinga leni mi biadima. Diidi, n baa bolini bani leni ki tinga kuli.

Mi cilima 6:3

Lanwani, o Diedo den yedi: «N Fuoma kan yaa ye o nilo niinni yaa yogunu kuli, kelima o nisaalo tie ti gbanandi bebe, o bina ji baa yaa tie kobiga n piilie.»

Mi cilima 6:5

O Diedo den laa ke bi niba biadima den yabi ki tinga po, ke bi pala yantiana den koa mi biadima nni daali kuli.

Mi cilima 6:8

Ama Nowe wani den baa U Tienu ŋanbili.

Mi cilima 7:13

Landaali Nowe den kua ku ñinbiagu nni, wani leni o bijaba Sem, Kam leni Jafeti. O pua leni o biyuamu moko den yegi leni ba ki kua.

Mi cilima 8:1

U Tienu den tiadi Nowe, ti moayandi leni ti denyandi yaadi n den ye leni o ku ñinbiagu nni kuli po. U Tienu den teni ke u faalu figi ki tinga nni, ke mi ñima ñuudi ki wadi.

Mi cilima 8:18

Nowe den ñani leni o bijaba, o pua leni o biyuamu.

Esayi 30:18

Lani yaa po yo, ke o Diedo Guu ki baa ŋanbi yi po. O baa fii ki gbadi yi po mi ninñima, Kelima o Diedo tie yaa Tienu n tiegi. Li pamanli ye leni yaaba n dugi o po kuli.

Matie 7:14

Ama yaa buliñoabu n miabi leni yaa sanu n miabi kuli caa yaa miali n kan gbeni kani, yaaba n laadi laa sanu mo naa yabi.

Luki 12:32

Da jie liba, fini yaa yankulu n ki yabi, kelima yi Baa sua ke li dagidi o po, wan pa yi mi diema.

Jesu Tondiba Tuona 2:41

Bi den batisi yaaba n gaa o maama. Landaali yaaba n den pugini bi ŋoadikaaba po den bua ki pundi niba tudataa (3 000).

LOMA YAABA 9:22

U Tienu mo den bua ki doagidi o pabienli ki teni bi niba n bandi o paalu. Lani yaa po, o den juuni ke li waagi leni yaa niba n tie nani yaa tiadi n tie li tuonfanli po, bani yaaba n den pundi U Tienu n cuo ba ki bolini ba.

Efesa 5:26

O den tieni yeni ki baa ŋuudi ki ŋanbi li leni mi ñima leni U Tienu maama.

Hebilunba 11:7

Li tie li dandanli yaa po ke Nowe den cengi U Tienu n den tuodi ki waani o ke yaala n baa tieni, ba ke bi daa den nua la. Li fangili yaa jeje den cuo o U Tienu po, ke o kpie ku ñinbiaciangu, ki baa gaa o deni yaaba miana. Wan den tieni yeni, o den buni ki cuo ŋanduna, ki den baa li moamoansaali, yaali n baadi kelima li dandanli yaa po.

1 Pieri 1:22

Moala yi ŋanbi yi yula leni yin ŋua i moamoani, ke yin fidi ki yaa pia yaa buama n ki pia tuonanma yi kpiiba po. Lanwani, yin yaa bua yiyaba hali boncianla leni yi pala kuli.

1 Pieri 1:9

kelima yi baa yi dandanli panpaani, lani n tie yi tindima.

1 Pieri 2:25

Yi den tie nani yaa pe n yaadi yeni, Ama moala, yi guani yi yankpaaŋamo kani, Wani yi guudika yaa kani.

1 Pieri 3:19

Li tie leni laa Fuoma yaa paalu po yo, ke o den gedi ki ban waani U Tienu maama yaa naani n ban ye li kpaadidieli nni.

1 Pieri 4:19

Lanwani, li pundi ke yaaba n laadi fala kelima U Tienu yanbuama po n suagi ki yaa tiendi yaala n ŋani, ki teni bi yula wani o Tagido yua n tie o dugika.

2 Pieri 2:5

Waa den cedi o ŋandunkpialo moko, ama o den faabi Nowe yua n den tie mi teginma mawangika leni nibilele, wani U Tienu n den soani ki tabolinkaaga ŋanduna nni bi niyiekaaba po yaa yogunu.

2 Pieri 3:15

Yin yaa nua ke ti Diedo n pia yaa juunli tie yi tindima po, nani ti kpibuado Poli moko n den diani yi po maama, ki ŋua U Tienu n den puni o yaa yanfuoma.