1 Pieri 3:2 - U TIENU MAAMA TILI 2013

² Lani mo baa ŋoadi yi tagi n ŋani ki go pia li fangili maame.

Gourmanchéma Bible

² ama kelima bi nua yi tagi n ŋani ki go pia li fangili maama.

1 Pieri 3:2 ပူးပေါင်းရင်းမြစ်များ

Efesa 5:33

Li mayuli yinba yaa po tie, ke joa kuli n yaa bua o pua nani wan bua o yuceli maama, pua kuli mo n yaa fangi o calo.

Efesa 6:5

Yinba i yonbi, yin tuo ki yaa tiendi yin pia yaa canbaanba ŋanduna nni n yedi yaala leni li fangili, mi digibima leni li payenli, nani yin tuo ki tiendi Kilisiti n yedi yaala maama.

Filipi 1:27

Lanwani, bonyenla n tugi li yuli, lani n tie ke yi tagi n yaa da leni Kilisiti yaa Laabaaliŋamo. N yaa fidi ki cua yi kani ki laa yi leni n yàá fidi ki cua, min yaa gba ke yi se bonŋanla ki pia yantiayenli, ki moa o Laabaaliŋamo n cuani yaa dandanli yaa muali.

Filipi 3:20

Ama tinba, ti tie tanpoli diema yaaba. Ti guu ke ti Candaano o Diedo Jesu Kilisiti baa go ña lankani ki cua.

Kolosi 3:22

Yinba i yonbi, yin yaa tuodi ki ŋua yi canbaanba ŋanduna nni li bonla kuli nni. Yin da tiendi yeni ban nua yi yaa yogunu bebe, nani yi bua ki mangi bi pala yeni. Ama yin yaa tiendi yeni yogunu kuli leni payenli, kelima yi fangi o Diedo.

1 Timote 4:12

Ŋan da tuo niloba kuli n fali a kelima a tie nipaano. Ama ŋan tua li bontogidikaala bi nidugikaaba po a maama nni, a tagu nni, a buama nni, a dandanli nni leni a yantugupiengu kuli nni.

1 Pieri 1:15

Ama, nani yua n yini yi n gagidi ki ŋani maama, yimo n gagidi ki yaa ŋani yeni, yi tagi kuli nni.

1 Pieri 2:12

Yin yaa pia u tagiŋamu bi nilanba siiga. Lanwani, ba bi yaa kuli yi ke yi tiendi yaala n bia, ban le yi tuonŋama, ki kpiagi U Tienu, o cuama daali.

1 Pieri 3:1

Yinba bi puoba mo, yin yaa miindi yi yula yi ciaba kani, ke bi siiga tianba yàá tuo U Tienu maama, yi tagi n tie maama n teni ban tuo ki daani, ba ke yii maadi ba maamiba kuli.

1 Pieri 3:3

Yi ŋamu n da ŋua yin sibidi yi gbanandi maama, ki piani yi yudi, ki go bobi yaa jafantiadi n tie wula leni yaa tiayiekaadi n ŋani ki pendi ka.

2 Pieri 3:11

Lanwani, nani laa bonla kuli n baa nandi ki bodi yeni, li pundi yi tagu n gagidi ki yaa ŋani, ki go tuo U Tienu n yaa die yi cain.