1 Pieri 3:18 - U TIENU MAAMA TILI 2013

¹⁸ Kilisiti moko den laa fala yenma ti tuonbiadi po, ke li dagidi u yogunu kuli po. Wani yua n tiegi den kpe yaaba n ki tiegi po, ke wan gobidi ki gedini yi U Tienu kani. O den kpe ti gbanandi po, ama o den guani ki baa li miali, kelima mi Fuoma po.

Gourmanchéma Bible

¹⁸ Kilisiti moko den laa fala yenma ti *tuonbiadi po ke li dagidi u yogunu kuli po. Wani yua n tiegi den kpe yaaba n ki tiegi po, ke wan gobidi ki gedini yi U Tienu kani. O den kpe ti gbanandi po, ama o den goa ki baa li miali kelima mi Fuoma po.

1 Pieri 3:18 ပူးပေါင်းရင်းမြစ်များ

Danieli 9:26

Laa binleleeda taalima piiluoba n milie yeni yaa pendi, bi baa kpa o nigagidika, ke oba kan gaa o. Yaa bado n baa ti cua toagola baa bolini u dogu yeni leni U Tienu kaangagidiŋamu. O bado yeni bolinma baa cua nani yaa ñingola n koadi yeni. Li bili ke mi bolinma baa yaa tiendi hali bu toabu juodima.

Sakari 9:9

Mangi mani yi pala, Yinba Siyon dogu yaaba! Kpaani mani i pamandankpaani, Yinba Jerusalemi yaaba! Diidi mani, yi bado kpendi yi kani! O tiegi, ki paadi li bonla kuli mo! O dingi, ki jagi o ŋunbo! O jagi ŋunbiga, ŋunñua biga!

Matie 27:19

Wan da den li kaa o bujiali kaanu, o pua den soani u tondu o kani ki yedi o: «Ŋan da kua o naa niteginka maama nni, kelima yaa ñiagu n pendi na, n laa fala boncianla ti dangidi nni kelima o po.»

Matie 27:24

Pilati n den laa ke o maama ki baa sedima lipo, ke ku fuugu mo pugidi, o den taa mi ñima ki nidi o nii ku niligu nintuali, ki yedi: «Mii pia tagiliba o naa niteginka soawulima nni. Li ŋua yinbe!»

Jan n diani U Tienu Laabaaliŋamo maama 16:10

Mi teginma po, kelima n caa Baa po, ke yi kan go le nni.

Jesu Tondiba Tuona 22:14

O go den yedi nni: ‹Ti yaajanba Tienu tuodi ki gandi a, ki bili ke ŋan bandi o yanbuama, ki le o Niteginka, ki gbadi o ñoabu nni maama.

Jesu Tondiba Tuona 3:14

Ama yi den yie o, wani o Nigagidiŋamo leni o Niteginka. Yi den mia ban faabi yi po o nikpalo.

LOMA YAABA 1:4

Ama li doagidi leni U Tienu Fuoma Yua paalu po, ke o tie U Tienu Bijua, kelima o fiima bi tinkpiba siiga yaa po. Wani n tie ti Diedo Jesu Kilisiti.

LOMA YAABA 4:25

Bi den cuo o kelima ti yaa tagili po, ke o go fii bi tinkpiba siiga ke tin baa li moamoansaali.

LOMA YAABA 5:2

Jesu yaa po yo ke ti baa li dandanli, yaali n teni ke ti baa U Tienu ŋanbili, tin se yaali yaa niinni bonŋanla. Ti go pia li pamancianli, kelima ti daani ke ti baa taani leni U Tienu, o kpiagidi nni.

LOMA YAABA 8:11

Lanwani, U Tienu yua n den fiini Jesu bi tinkpiba siiga yaa Fuoma yaa ye yi pala nni, wani yua n den fiini Jesu Kilisiti bi tinkpiba siiga yeni, go baa pa yi gbanandi, yaadi n baa kpe, li miali, kelima o Fuoma yaama n ye yi niinni yaa po.

LOMA YAABA 8:3

Li bali maama n kaa den fidi ki tieni yaala kelima ti gbanandi tadingu po, U Tienu tieni la. O den soani o Bijacele kelima ti tuonbiadi po, ke o taa yaa gbanandi n naani leni ti tuonbiadi n diedi yaa gbanandi. Wan den tieni yeni, o den buni ki cuo ti tuonbiadi ti gbanandi nni.

2 Korenti 1:24

Laa tie ke ti bua ki bili yin baa yaa daani yaala ka. Ama ti bua ki todi yi, yin yaa pia li pamancianli, kelima yi se ke li pa li dandanli nni.

2 Korenti 13:4

Moamoani, o den ye leni o tadingu, ban den kpaa o li dapoanpoanli po yaa yogunu. Ama o ye ki fo, kelima U Tienu paalu po. Timoko taani leni o o tadingu nni, ki go baa yaa fo leni o, kelima U Tienu paalu po, tin tiendi yaala yi siiga po.

2 Korenti 5:21

Wani Kilisiti yua n ki den bani tuonbiadi, U Tienu den teni ke o tua ti tuonbiadi tinba po, ke timo n baa ki tua o yaa niinni U Tienu niteginkaaba.

Galati 1:4

Wani Jesu Kilisiti n den puni o yuli ti tuonbiadi po, nani ti Baa U Tienu n den bua maama, ki baa faabi ti leni ŋanduna na leni o biadima.

Galati 3:13

Kilisiti den daa ki faabi ti leni li bali maama yaa solindi, ki den tua ti solindi ti yaa po, kelima li diani: «Ban joani yua ku daagu po kuli tie ti solindi yua.»

Efesa 3:12

O yaa niinne ke ti fidi ki nagini U Tienu kani leni ti dugidi, kelima tin pia yaa dandanli o po yaa po.

Titi 2:14

O den puni o yuli ki kpe ti po, ki baa daa ki faabi ti leni mi biadima kuli, ki ŋuudi ki ŋanbi ti, tin tua wani n die yaaba, yaaba n baa yaa pia li yankuali a tuonŋama po.

Hebilunba 10:10

U Tienu yanbuama yeni po Kilisiti den puni o gbanandi, ki tua li padili ki kpe ti po yenma, ke li dagidi yogunu kuli po, ki gagidi ki ŋanbi ti.

Hebilunba 9:14

Lanwani li yaa tie yeni, laa pia kuli tama, ke Kilisiti yaa soama n baa ŋanbi ba ki cie. U Tienu Fuoma yaama n ye yaa yogunu kuli paalu po, wani Kilisiti den puni o yuli U Tienu, nani yaa padili n ki pia joagindi yeni. O soama yeni baa ŋuudi ki ŋanbi ti pala siedi leni yaa tuona n baa cuani mi kuuma, ke tin yaa tuuni U Tienu yua n ye ki fo po.

Hebilunba 9:26

Li yaa den tie yeni, Kilisiti den baa cili ŋanduna tagima yogunu, ki yaa laadi fala. Ama moala ŋanduna juodima yogunu, o cua ki padi o yuli yenma u yogunu kuli po, ki bolini ti tuonbiadi.

Hebilunba 9:28

li tie yeni ke Kilisiti den padi o yuli ki kpe yenma, ki tugi bi nisaaliba boncianla tuonbiadi. O go baa cua mi liema ki doagidi o yuli ke li kan go yaa tie ti tuonbiadi ñanma po ka, ama yaaba n den guu o tindima po.

Jaki 5:6

Yi cuo o niteginka ki jia o buudi ki kpa o. Waa yie yi po.

1 Pieri 3:19

Li tie leni laa Fuoma yaa paalu po yo, ke o den gedi ki ban waani U Tienu maama yaa naani n ban ye li kpaadidieli nni.

1 Pieri 4:1

Lanwani, Kilisiti n den laa fala o gbanandi nni yeni, yimo n bogini ki sedi leni laa yantiali, kelima yua n laa fala o gbanandi nni paadi leni ti tuonbiadi.

1 Pieri 4:6

Li tie lani yaa po ke bi den waani yaaba n kpe o Laabaaliŋamo, ke ban fidi ki yaa pia U Tienu miali kelima mi Fuoma po, ba ke ti buudi den cuo ba nani bi nisaaliba kuli yeni.

1 Jan 1:9

Ti yaa tuo ti tuonbiadi, Nani wan tie nidugika ki go tiegi yeni, O baa pa ti ti tuonbiadi sugili, Ki go ŋuudi ki ñani ti biadima kuli cain.