1 Pieri 3:16 - U TIENU MAAMA TILI 2013

¹⁶ Ama lan yaa tie leni mi dingima leni li fangili. Yaa pia mani yaa pali siedi n ŋani, lani, ba bi yaa sugidi yi ki kuli yi ke yi tie i tagili danba, yaaba n sugidi yin pia yaa tagiŋami Kilisiti nni yeni, n le i fe.

Gourmanchéma Bible

¹⁶ Ama lan yaa tie leni mi dingima leni li fangili. Yaa pia mani yaa pali siedi n ŋani, lani, baa bi yaa sugidi yi ki kuli yi ke yi tie i tagili danba, yaaba n sugidi yin pia yaa tagiŋami Kilisiti nni yeni n le i fe.

1 Pieri 3:16 ပူးပေါင်းရင်းမြစ်များ

Danieli 6:4

Danieli den cie o yudanlieba leni guveneerinba yeni kuli, kelima o den pia li yantiaŋanli ki cie bikuli. Lani, o bado den jagi ke o baa dini Danieli li bali, wan todi o ki yaa die mi diema kuli.

Matie 5:11

Li pamanli ye leni yi, bi niba yaa sugidi yi, ki wangi yi falabiado ki maadi yi po mi mabiadima kelima n po.

Jesu Tondiba Tuona 24:16

Lani n teni ke n moandi yogunu kuli, ke n pali siedi n da bu leni nni, kelima tagiliba po U Tienu kani leni bi niba kani kuli.

Jesu Tondiba Tuona 28:22

Die ti bua ki gbadi a kani ŋan sua yaala, kelima ti bani ke bi yie u naa jaanbuolu i kaani kuli.»

LOMA YAABA 9:1

N maadi moamoani Kilisiti nni mii pua faama. U Tienu Fuoma Yua nni, n pali moko saa n po i moamoani.

2 Korenti 1:12

Tin jigini ti yula yaala yaa po tie ke ti pala siedi doagidi, ke ti ye ŋanduna nni leni yaa tagu n gagidi leni yaa yantugupiendi n ñani U Tienu kani. Yaala n cie mo tie ke ti tagu den tie yeni, yimoko yaa siiga. Tii den pia laa tagiŋamu, kelima o nisaalo yanfuoma po ka, ama kelima U Tienu ŋanbili po.

2 Korenti 4:2

Ti yie yaala n pia i fe ki tiendi ŋasiili nni kuli. Tii tiendi liba leni nunfanbiadibu. Tii lu ki lebidi U Tienu Maama baa waamu. Ama ti doagidi i moamoani, ki tendi ke bi niba kuli pala siedi dua ti po U Tienu nintuali.

1 Timote 1:19

Ŋan yaa kubi li dandanli leni yaa pali siedi n ŋani. Bi nitianba den ŋaa laa bonla ke bi dandanli bodi.

1 Timote 1:5

Laa tundi n baa cuani yaala tie mi buama, yaama n ña li papienli, yaa pali siedi n ŋani leni li dandanmoanli nni.

2 Timote 1:3

N tuondi U Tienu min tuuni yua yaa po leni yaa pali siedi n ŋani, nani n yaajanba n den tuuni o po maama. U yensiinu leni ku ñiagu kuli, n yaa jaandi U Tienu, n miadi o a po ki tuondi o kaa cedi.

Titi 2:8

Ŋan maadi yaa maama kuli n yaa ŋani, bi niba n kan fidi ki jaligi yaama. Lani n tie yibali n fiagi, ki da baa kuli, wan baa fidi ki maadi ti po yaa mabiadima.

Hebilunba 13:18

Yaa jaandi mani ti po, kelima ti bani cain ke ti pala siedi ŋani, ki go bua ti tagi n yaa tiegi li bonla kuli nni.

Hebilunba 9:14

Lanwani li yaa tie yeni, laa pia kuli tama, ke Kilisiti yaa soama n baa ŋanbi ba ki cie. U Tienu Fuoma yaama n ye yaa yogunu kuli paalu po, wani Kilisiti den puni o yuli U Tienu, nani yaa padili n ki pia joagindi yeni. O soama yeni baa ŋuudi ki ŋanbi ti pala siedi leni yaa tuona n baa cuani mi kuuma, ke tin yaa tuuni U Tienu yua n ye ki fo po.

1 Pieri 2:12

Yin yaa pia u tagiŋamu bi nilanba siiga. Lanwani, ba bi yaa kuli yi ke yi tiendi yaala n bia, ban le yi tuonŋama, ki kpiagi U Tienu, o cuama daali.

1 Pieri 2:15

Lanwani, U Tienu bua ke yin yaa tiendi yaala n ŋani yeni, ki fidi ki mubini bi yanboandanba leni bi yanpiidanba ñoana.

1 Pieri 2:19

Bi yaa faligidi o nilo ke waa pia tagili, ke o tuo ki gaa kelima o fangi U Tienu, li tie yaa bonla n ŋani.

1 Pieri 3:21

Mi ñima yeni den tie yaa batisima n faabi yi moala yaa nannanli. Laa tie ke mi batisima ŋuudi ki ñani ti gbanandi joagindi ka. Ama mi baa teni o nilo n pa o yuli U Tienu leni yaa pali n ki pia joagindi. Yi baa ki faabi kelima Jesu Kilisiti fiima bi tinkpiba siiga yaa po.

1 Pieri 4:4

Yin kaa go yegi leni ba ki kuani yi yama laa cagindi nni yeni, li ludi ba, ke bi sugidi yi.