1 Pieri 3:11 - U TIENU MAAMA TILI 2013

¹¹ Wan foagidi leni yaala n bia ki yaa tiendi yaala n ŋani, Ki lingi mi yanduanma, ki yaa ŋua ma.

Gourmanchéma Bible

¹¹ Wan foagidi leni yaala n bia ki yaa tiendi yaala n ŋani, Ki lingi mi yanduanma ki yaa ŋua ma.

1 Pieri 3:11 ပူးပေါင်းရင်းမြစ်များ

Jobi 1:1

O joa den ye Utisi diema nni, ke bi yi o Jobi. Laa joa den tie papiendaano, ki go tiegi mo. O den fangi U Tienu, kaa tiendi yaala n bia.

Jobi 2:3

O Diedo den yedi Sutaani: «A nan ko laa n naacemo Jobi? Waa pia olie kuli ki tinga nni. O tie papiendaano, ki go tiegi mo. O fangi U Tienu, o naa tiendi yaala n bia. Ba ke a tigini nni min bolini o, o baa ki se o papienli nni.»

Jobi 28:28

Li yaa puoli, o den yedi o nisaalo: «Diidi o Diedo fangili n tie mi yama, Ki foagidi leni mi biadima, Lani n tie mi yanfuoma.»

Pisomi 125:4

O Diedo, tieni mi ŋanma bi niŋanba po Leni yaaba yaa pala n tiegi po.

Pisomi 34:14

Wan kubi o lanbu leni mi biadima, Ki kubi o ñoacuuna mo leni i boandi.

Pisomi 37:27

Cedi mi biadima, Yaa tiendi yaala n ŋani, Yeni a baa yaa ye mi diema nni Hali yaa yogunu kuli,

Mi Kpanjama 16:17

Bi niteginkaaba sanu loagidi mi biadima, Yua n faami o bontienkaala po baa kubi o miali.

Mi Kpanjama 16:6

I moamoani leni mi buama teni ke i tagili gbeni, O Diedo fangili po teni ke o nilo Foagidi leni mi biadima.

Mi Kpanjama 3:7

Da yini a yuli yanfuodaano, Ki yaa fangi o Diedo, Ki foagidi leni mi biadima.

Matie 5:45

Yeni yi baa yaa tie yi Baa yua n ye tanpoli bila, kelima o yen tendi, ke o yienu pudi bi nibiadiba leni bi niŋanba kuli po, ki yen tendi ke ki taaga mi bi niteginkaaba leni yaaba n ki tiegi kuli po.

Matie 5:9

Li pamanli ye leni mi yanduanma danba, kelima bi baa yini ba U Tienu bila.

Matie 6:13

Da tuo tin baa mi tulinma nni, Ama ŋan gaa ti o Biado kani.

Marki 14:7

A luoda baa yaa ye leni yi yogunu kuli, yi yaa bua yaa yogunu kuli yi baa fidi ki ŋanbi bi po, ama mini wani kan yaa ye leni yi yogunu kuli.

Luki 1:79

Ki baa yendi yaaba n ye li biigili nni Leni mi kuuma jinjingu nni po, Ki gobidi ti ke tin kua ki yaa cuoni Mi yanduanma sanu nni.»

Luki 6:35

Ama yin yaa bua mani yi yibalinba, yaa ŋanbidi mani bi niba po, ki yaa ledi ba ki da daani ke yi baa guani ki gaa bi kani liba. Yeni, yi panpaani baa yaa yabi, yi baa yaa tie U Tienu yua n ye hali tanpolijoma bila, kelima wani, o ŋanbidi bi ŋanwaadanba leni bi nibiadiba kuli po.

Luki 6:9

Jesu den yedi ba: «N buali yi: ‹Naani li pia u sanu tin tieni yaala n ŋani bi yaala n bia mi fuodima daali, ki faabi o nilo, bi ki bolini o yo?› »

Jan n diani U Tienu Laabaaliŋamo maama 17:15

Mii mia ke ŋan ñani ba ŋanduna nni ka. Ama ke ŋan yaa kubi ba, o Biado n da paadi ba.

LOMA YAABA 12:18

Yin moandi mani yin fidi maama kuli, ke li yaa ŋua yinba, yin yaa ye leni mi yanduanma leni bi niba kuli.

LOMA YAABA 14:17

U Tienu diema naa tie mi jiema leni li bonñokaala bebe ka. Ama, mi teginma, mi yanduanma leni li pamanli, U Tienu Fuoma Yua n teni ke ti pia yaala.

LOMA YAABA 14:19

Lanwani, tin moandi ki yaa tiendi yaala n baa teni tin yaa mani leni ti lieba, ki go paagidi tiyaba pala U Tienu sanŋoadima nni.

LOMA YAABA 5:1

Lanwani, U Tienu n saa ti po i moamoani ke ti tiegi, kelima li dandanli yaa po yeni, ti pia mi yanduanma leni U Tienu kelima ti Diedo Jesu Kilisiti po.

LOMA YAABA 7:19

Mii tiendi min bua ki yaa tiendi yaa bonŋanla, ama n tiendi mi biadima, min ki bua ki yaa tiendi yaama.

LOMA YAABA 7:21

N laa ke yaa bali n tie ne miabi nni, n yaa bua ki tieni yaala n ŋani, ti tuonbiadi tabini nni.

LOMA YAABA 8:6

Yua kuandi o yama ti gbanandi n bua yaala yaa niinni, li baa gedini o mi kuuma po. Ama yua n kuandi o yama U Tienu Fuoma n bua yaala yaa niinni, li baa gobidi ki gedini o li miali leni mi yanduanma po.

Galati 5:22

Ama U Tienu Fuoma n baa cuani yaa bonluonkaala tie: mi buama, li pamanli, mi yanduanma, li juunli, mi ŋanma, ti bulicindi, ti dugidi, mi dingima leni li yukubili.

Galati 6:10

Lanwani, tin baa u sanu yaa yogunu kuli, tin yaa ŋanbidi bi niba kuli po, ki yaa ŋanbidi ti kpiiba li dandanli nni po ki cie.

Kolosi 3:15

Kilisiti n den yini yi yaa yanduanma po, n yaa die yi pala, yin tua gbananyendi o yaa niinni.

1 Timote 6:18

Ŋan go tundi ba ke ban yaa tiendi yaala n ŋani, ki tiendi a tuonŋama ke li yabi, ke lane n yaa tie bi piama. Ŋan go tundi ba ke ban yaa pia ti bulicindi, bi nii mo n yaa tiani.

Hebilunba 12:14

Yin lingi mani mi yanduanma leni bi niba kuli, ki go lingi mi gagidiŋanma, kelima yua n naa pia mani, kan le o Diedo.

Hebilunba 13:16

Yin da sundi ki yaa tiendi mi ŋanma leni ti bulicindi, kelima lani n tie yaa pada n mangidi U Tienu pali.

Jaki 4:17

Lanwani, yua n bani ki tieni yaala n ŋani, ki naa tieni la, li tie o po tuonbiadi.

1 Pieri 3:12

O Diedo nuni nua bi niteginkaaba, O tuba mo cengi bi jaandi. Ama o Diedo fii ki se yaaba n tiendi mi biadima po.»

3 Jan 1:11

N buado, ŋan da togidi yaala n bia, ama ŋan yaa togidi yaala n ŋani. Yua n tiendi yaala n ŋani tie U Tienu yua, ama yua n tiendi yaala n bia daa laa U Tienu.

Bi Bujiaba 11:14

Jefite go den soani a tonda Anmoni bado kani,