1 Pieri 2:5 - U TIENU MAAMA TILI 2013

⁵ Yinba yaaba mo n tie nani yaa tana n fo, teni mani ban maa yi yin tua U Tienu diegu, o Fuoma n ye naankani. Lani, yi baa tua yaa kopadicianba n gagidi U Tienu po, ki padi o po yaa pada n gagidi, ki go mani o po, kelima Jesu Kilisiti yaa po.

Gourmanchéma Bible

⁵ Yinba yaaba moko n tie nani yaa tana n fo, teni mani ban maa yi yin tua U Tienu diegu, o Fuoma n ye naankani. Lani, yi baa tua yaa kopadicianba n gagidi U Tienu po, ki padi opo yaa pada n gagidi, ki go mani opo kelima Jesu Kilisiti yaa po.

1 Pieri 2:5 ပူးပေါင်းရင်းမြစ်များ

1 Bi Badiba 7:11

Laa tana po yo, bi den ŋuani yaa tana n ŋani boncianla, ban biigi ki kpie ya, ki yuandi ki maani sediri daadi.

Pisomi 141:2

N jaandi n do ki pundi a kani, Nani a dugibila muñii yeni, N nii yii n yuugi mo tua yenjuapadili a po.

Pisomi 50:14

Yi padili U Tienu po, N yaa tie yi pagidi, Yin niani tanpoli Badiciamo Yaa ñoanianu, yin kuani u.

Pisomi 50:23

Yua yaa padili n tie ti pagidi, Wani n kpiagidi nni. Yua n kubi o sanu ke u tiegi, N baa teni wan le U Tienu faabima.

Mi Ñama 19:6

Yi baa yaa tie n po bi kopadicianba diema, ki go tie n po yaa nibuolu n gagidi ki ŋani.› Diidi ŋan baa maadi Isidayeli yaaba yaala.»

Mi Kpanjama 9:1

Mi yanfuoma maa mi dieli, Ki sieni benjielilele,

Esayi 61:6

Ama yinba, bi baa yaa yi yi “Li Miali Diedo yaa kopadicianba”, Ki go yi yi “ti Tienu naacenba”. Yi baa je mi nilandiema kuli ŋalimano, Ki yaa jigini yi yula leni bi yaa kpiagidi.

Esayi 66:21

N baa gandi bi siiga bi kopadicianba moko, Bani Levi buolu. O Diedo n yedi yeni.

Ose Tili 14:2

Isidayeli yaaba, lebidi mani ki guani O Diedo yi Tienu kani, Kelima yi tuonbiadi n teni ke yi tuudi ki baa.

Malaki 1:11

Ki cili hali u yienu n pudi naani, ki ban tuoni hali wun baali naani, i nibuoli kuli kpiagidi n yeli. I kaani kuli bi niba padi ki siagi n yeli po a dugibila. Bi go padi yaa pada n ŋani ki dagidi n yeli po, ki kpiagidi n yeli. I nibuoli kuli kpiagidi n yeli. Li Miali Diedo U Paaciamu Kuli Daano n yedi yeni.

LOMA YAABA 12:1

Lani yaa po, n kpiiba, n mia yi ki go tundi yi, kelima U Tienu ninñingbadima po, ke yin pa U Tienu yi yula nani yaa padili n fo, yaali n gagidi ki ŋani ki mani o po. Lani n tie lan pundi, yin yaa kpiagidi o maama.

LOMA YAABA 15:16

ki teni ke n tua Jesu Kilisiti naacemo bi nilanba siiga. N tuuni yaa tuonli n gagidi ki wangi ba U Tienu Laabaaliŋamo. Lani n tie ke bani bi nilanba n tua nani U Tienu n baa tuo yaa padili ke li mani o, U Tienu Fuoma Yua n gagidi yaali wani U Tienu po.

1 Korenti 3:16

Yii bani ke yi tie U Tienu diegu ke o Fuoma ye yi niinni yo?

1 Korenti 3:9

Kelima ti taa ki tuuni leni U Tienu. Yinba n tie U Tienu kuanu. Yi go tie U Tienu diegu.

1 Korenti 6:19

Yii bani ke yi gbanandi tie U Tienu Fuoma Yua yua n ye yi niinni dieli, U Tienu n puni yi yua, ke yii go die yi yula?

2 Korenti 6:16

U Tienu diegu pia be yaa ŋantaadi leni i buli? Tinba mo n tie U Tienu yua n fo dieli, nani U Tienu wani o ba n yedi maama: «N baa yaa ye leni ba ki cuoni bi siiga ki tie bi Tienu, Bimo baa yaa tie n niba.

Galati 6:10

Lanwani, tin baa u sanu yaa yogunu kuli, tin yaa ŋanbidi bi niba kuli po, ki yaa ŋanbidi ti kpiiba li dandanli nni po ki cie.

Mi Tiadima 18:2

Bi kan je faali bi kpiiba siiga. O Diedo n baa yaa tie bi faali, nani wan yedi maama.

Filipi 1:11

Yeni, yi baa yaa tuuni mi teginma tuona, ya n ñani Jesu Kilisiti kani, lan tua ti kpiagidi leni ti pagidi U Tienu po.

Filipi 2:17

Ba li yaa tie ke n soama baa wuli ki tua nani li ñincabili yeni, yi dandanli tuonli padili po, n baa yaa mangidi n pali li po, n go baa yaa mangidi n pali leni yikuli.

Filipi 4:18

N diani yeni ki waani yi ke yin den soani n po yaala kuli pundi n kani, ke n pia ke li kandi. Min den gaa yin den soani Epafroditi ke wan teni nni yaala yeni, mii go luo liba kuli. Yi paabu yeni tie nani yaa tulale yaa nuulu n mani leni U Tienu n gaa yaa padili ke li mani o po yeni.

Kolosi 3:17

Yin maadi yaa maama kuli leni yin tiendi yaala kuli, tieni mani likuli o Diedo Jesu yeli nni, ki yaa tuondi U Tienu yua n tie Baa, kelima wani Jesu yaa po.

1 Timote 3:15

Ama n yàá fidi ki cua tonma, n bua ŋan bandi ŋan baa yaa tiendi maama U Tienu diegu nni. Lani n tie U Tienu yua n fo Nitaanli, lini yaali n tie i moamoani benjielu leni i dasaali.

Hebilunba 3:6

Ama Kilisiti, wani n tie nidugika kelima o tie Bijua ki die U Tienu diegu. Tinba n tie o diegu li yaa tie ke ti kubi leni li papaali hali mi juodima tin kpiagidi ti yula yaa suginma yaa po.

1 Pieri 2:9

Ama yinba wani, yi tie ban den gandi yaa buolu, o Bado kopadicianba, yaa buolu n gagidi ki ŋani, wan baa yaa buolu o yuceli po. O yini yi ke yin ña li biigili nni, ki kua o yenma yaama n ŋani cain nni, ke yin yaa wangi o tuona yaa n ŋani boncianla.

1 Pieri 4:11

O nilo yaa maadi, lan yaa tie ke o wangi U Tienu maama. Yua n tuuni U Tienu tuonli, wan yaa tuuni leni U Tienu n puuni o yaa fidu. Yin yaa tiendi yeni ke wani U Tienu n yaa baadi ti kpiagidi li bonla kuli nni, kelima Jesu Kilisiti po, wani yua n die ti kpiagidi leni u paalu kuli, hali yaa yogunu kuli. Amina!

1 Pieri 4:17

U yogunu pundi ke ti buudi baa cili leni U Tienu diegu. Lanwani, li yaa tie ke ti buudi cili leni tinba, yaaba n yie kaa tuo ki tiendi U Tienu Laabaaliŋamo n yedi yaala mo yaa juodima baa yaa tie lede?

Mi Doagidima 1:6

ki go teni ke ti tua kopadicianba diema o Baa U Tienu po, n baa ti kpiagidi leni u paalu hali yaa yogunu kuli. Amina!

Mi Doagidima 20:6

Li pamanli ye leni yaa nigagidiŋanba n fii bi tinkpiba fiikpiama nni. Mi kuliedima naa go pia paalu bi yaa po, ama bi baa yaa tie U Tienu leni Kilisiti yaa kopadicianba, ki taani ki yaa die leni Kilisiti hali bina tudili.

Mi Doagidima 3:12

Yua n koani mi jama ki paadi kuli, n baa teni wan tua benjielu n Tienu diegu nni, ki kan go ña lienni. N go baa diani o po n Tienu yeli leni n Tienu dogu yeli, lani n tie Jerusalemi-paano, yuu n baa ña tanpoli po n Tienu kani ki jiidi. N go baa diani o po n yepanli.

Mi Doagidima 5:10

A teni ke bi tua diema leni kopadicianba U Tienu po. Bi baa yaa die ki tinga nni kuli.»