1 Pieri 2:22 - U TIENU MAAMA TILI 2013

²² Wani, waa den tieni tuonbiadiba kuli, Baa den gbadi boandiba kuli o ñoabu nni.

Gourmanchéma Bible

²² Wani yua n ki den tieni tuonbiadiba kuli, Ke baa den gbadi boandiba kuli o ñoabu nni.

1 Pieri 2:22 ပူးပေါင်းရင်းမြစ်များ

Pisomi 34:13

O laa nilo n bua li miali, Ki bua li miafoagili leni mi yemanma?

Esayi 53:9

Bi den gbini o takuli bi nibiadiba siiga. O takuli den ye a piada siiga. Ba ke waa den tieni biadimiba kuli, Ke boandiba mo ki den ñani o ñoabu nni,

Matie 27:19

Wan da den li kaa o bujiali kaanu, o pua den soani u tondu o kani ki yedi o: «Ŋan da kua o naa niteginka maama nni, kelima yaa ñiagu n pendi na, n laa fala boncianla ti dangidi nni kelima o po.»

Matie 27:4

ki yedi: «N tieni ti tuonbiadi ki janbi yua n ki pia tagili.» Bi den guani ki yedi o: «Lani mo nan ŋua ti? Li ŋua fine!»

Luki 23:41

Tinba yaa cuonu wani tiegi, kelima ti gaa ti tuona panpaani yo. Ama one wani naa tieni bonbiadiliba kuli.»

Luki 23:47

Minteela kobiga yudaano n den laa yaala n tieni, o den pagi U Tienu ki yedi: «Moamoani, o joa na den li tiege!»

Jan n diani U Tienu Laabaaliŋamo maama 1:47

Jesu n den laa Natanayeli ke o kpendi o kani, o den yedi: «Diidi, yua n kpendi na tie Isidayeli buolu yua moamoani, waa pia boandiba kuli o pali nni.»

Jan n diani U Tienu Laabaaliŋamo maama 8:46

Yi siiga nni, ŋme n baa fidi ki doagidi ke n pia ti tuonbiadi? N yaa maadi i moamoani, be yaa po ke yii dugi n maama po?

2 Korenti 5:21

Wani Kilisiti yua n ki den bani tuonbiadi, U Tienu den teni ke o tua ti tuonbiadi tinba po, ke timo n baa ki tua o yaa niinni U Tienu niteginkaaba.

Hebilunba 4:15

Tii pia yaa kopadicianba bado n kan fidi ki gbadi ti ninñima ti tadingu nni ka. Bi den tulini o li bonla kuli nni nani tinba, ama waa den tieni tuonbiadi.

Hebilunba 9:28

li tie yeni ke Kilisiti den padi o yuli ki kpe yenma, ki tugi bi nisaaliba boncianla tuonbiadi. O go baa cua mi liema ki doagidi o yuli ke li kan go yaa tie ti tuonbiadi ñanma po ka, ama yaaba n den guu o tindima po.

1 Jan 2:1

N bibuadimu, n diani yi po yaala n tie ne ke yin da tieni tuonbiadi. Yi siiga nilo yaa tieni tuonbiadi, ti pia o candanbaalo ti Baa U Tienu kani. Lani n tie Jesu Kilisiti o niteginka.

1 Jan 3:5

Yi bani ke wani o Diedo n den doagidi ki baa ñani ti yaa tuonbiadi. Tuonbiadiba kuli ki ye o niinni baa waamu.

Mi Doagidima 14:5

Faamiba kuli ki den ye bi ñoana nni, baa pia ban baa fidi ki kuli ba leni yaala.