1 Pieri 2:2 - U TIENU MAAMA TILI 2013

² Nani a canpanda n bua mi biima maama, yimo n yaa bua yaa naaŋanma n tie U Tienu maama yeni. Laa maama ŋani cain, ki baa teni yin kpedi mi tindima nni, kelima mi yaa po,

Gourmanchéma Bible

² Nani a canpanda n bua mi biima maama, yi mo n yaa bua mani yaa naaŋanma n tie U Tienu maama, yaama n ŋani cain ke yin kpedi mi *tindima nni kelima mi yaa po.

1 Pieri 2:2 ပူးပေါင်းရင်းမြစ်များ

2 Samueli 23:5

N diegu yaaba po li tie yene U Tienu nintuali, Kelima o niani nni yogunu kuli po, Yaa nianli n bogini ki ŋani cain ki kan lebidi, Ki kan bodi mo. U Tienu teni ke n paadi lan tie yaala kuli nni, O tiendi min bua yaala kuli,

Jobi 17:9

O niteginka wani n yaa li suagi liiga o tagu nni, Yua yaa nii n ki pia joagindi mo Yaa fidu n yaa pugidi!

Mi Kpanjama 4:18

Bi niteginkaaba n tagi yaa sanu Tie nani u tiŋaafaanu yenma yene. Mi baa yaa yendi, Ki yendi ki pugidi hali u yensiinu.

Ose Tili 14:5

O Diedo yedi: «N baa faabi ba leni bi yiema, Ki go yaa bua ba leni n pali kuli, Kelima min den pia bi po yaa pabienli gbeni.

Ose Tili 14:7

Bi benkpela baa landi landi, Bi baa yaa ŋani nani olivie tiidi yeni, Bi nuulu baa yaa mani nani Liban tiidi yeni.

Ose Tili 6:3

Tin moandi mani ki bandi o Diedo. Nani lan ki pia kuli tama ke u yienu baa faa Ki pudi ku tiŋaagu maama yeni, U Tienu cuama moko tie yene. O baa cua nani ki taludikaaga yeni, Ki kuugi ki tinga gbanu, Nani ki siakuantaaga n yen cua, Ki kuugi ki tinga maama yeni.»

Matie 18:3

«N waani yi i moamoani, yi yàá lebidi ki tua nani a biwaala yeni, yi kan kua tanpoli diema nni.

Matie 19:14

Ama Jesu den yedi: «Cedi mani a biwaala n cua n kani ki da deli ba, kelima tanpoli diema tie yaaba n tie nani a biwaala yene yaa po.»

Marki 10:15

N waani yi i moamoani ke yua n kaa tuo U Tienu diema nani ki biwaaga yeni, kan kua lienni.»

Luki 18:17

N waani yi i moamoani ke yua n kaa tuo U Tienu diema nani ki biga yeni, kan kua lienni.»

LOMA YAABA 6:4

Lanwani, tin den batisi yeni, bi den taani ki piini ti leni o o kuuma nni. Nani ti Baa U Tienu kpiagidi paalu n den teni ke Kilisiti fii bi tinkpiba siiga maama, o baa teni timoko n yaa ye leni li miapanli yene.

1 Korenti 14:20

N kpiiba, da kpaagi mani nani a biwaala yeni. Li bonbiadila yaa po, yin yaa tie nani a canpanda yeni, ama yi kpaagili nni, yin yaa tie nikpela.

Efesa 2:21

O yaa niinne ke laa dieli maa bonŋanla, ki kpedi ki tua U Tienu dieli yaali n gagidi ki ŋani o po.

Efesa 4:15

Ama ti yaa maadi i moamoani leni mi buama, ti baa yaa kpedi ki dagidi li bonla kuli po, Kilisiti nni, wani yua n tie li yuli.

2 Tesaloniki 1:3

Ti kpiiba, li pundi tin yaa tuondi U Tienu, kelima yi po yogunu kuli. Li dagidi tin yaa tiendi yeni, kelima yi dandanli yabidi ki pugidi boncianla, yi buama yiyaba po mo yabidi ki pugidi.

1 Pieri 1:23

Lani yaa po, yi pia li miapanli. Yii pia li ke li ŋua leni yaa bonbuoli n baa bedi ka. Ama li tie leni yaali n kan bede. Lani n tie U Tienu maama yaama n fo, ki baa yaa ye hali yaa yogunu kuli po.

2 Pieri 3:18

Ama yin yaa suagi liiga ti Diedo leni ti Candaano Jesu Kilisiti yaa ŋanbili nni leni o yaa bandima nni, ki pugidi. Wani n yaa baadi ti kpiagidi moala leni yaa yogunu kuli. Amina!