1 Pieri 2:15 - U TIENU MAAMA TILI 2013

¹⁵ Lanwani, U Tienu bua ke yin yaa tiendi yaala n ŋani yeni, ki fidi ki mubini bi yanboandanba leni bi yanpiidanba ñoana.

Gourmanchéma Bible

¹⁵ Lanwani U Tienu bua ke yin yaa tiendi yaala n ŋani yeni ki fidi ki mubini bi yanboandanba leni bi yanpiidanba ñoana.

1 Pieri 2:15 ပူးပေါင်းရင်းမြစ်များ

Jobi 2:10

Ama Jobi den guani ki yedi o: «A maadi nani yaa pua n ki pia yama yene! Be yaa po yo ke ti baa yaa gaani U Tienu kani yaala n ŋani, Ki nan kan gaa yaala n bia wani?» Ba laa bonla kuli yaa niinni, Jobi naa den tieni ti tuonbiadi o maama nni.

Jobi 5:16

Yeni, a tadima po mo mi suginma ye, Ama o baa luoni bi nibiadiba ñoana.

Pisomi 107:42

Bi niteginkaaba yen le la bi pala n mangi, Ama yaaba n ki tiegi wani, Li yen luoni bi ñoana.

Pisomi 5:5

Ŋaa tie yaa Tienu n bua mi biadima, Mi biadima ki ye a nintuali.

Mi Kpanjama 9:6

Ña mani mi yanpiima nni, Ki ŋoadi mani mi yanfuoma sanu, Yeni yi baa yaa ye.»

Jeremi 4:22

N niba ye leni mi yanpiima, Baa bani nni. Bi tie yanluodanbe, Baa pia yama. Ban li bani ki tieni yaala bebe n tie mi biadima. Ama baa bani ki tieni yaala n ŋani.

Matie 25:2

Bi siiga nni bonbimuu den tie yanpiidanba, bimuu mo n yaa tie yanfuodanba.

Matie 7:26

Ama yua n gbadi min maadi yaa maama na, ki naa tiendi man yedi yaala, o baa yaa tie nani yaa yanluodaano n maa o dieli mi tanbiima nni.

LOMA YAABA 1:21

Ba ke bi bani wani U Tienu, baa kpiagidi o ki go tuondi o nani lan pundi maama, ama bi yaadi bi yanluoma nni. Bi yanpiima teni ke bi kua li biigili nni.

Galati 3:1

Yinba Galati yaaba, bi yanluodanba, ŋme ŋmiagi yi yama? Yinba yaaba n den gbadi Jesu maama hali ke li naani ke yi den laa ban den joani o li dapoanpoanli po maama leni yi nuni.

Mi Tiadima 32:6

Naani yi tungi o Diedo yo yi tagili, Yinba yaa buolu n luo mi yama, kaa go pia yanfuoma yeni? Naani wani ka tie yi baa leni yi Tagido? Naani wani ka den tagi yi, ki den puni yi u fidu?

1 Tesaloniki 4:3

U Tienu n bua yaala lani n tie yi gagidiŋanma, ke yin kubi yi yula ki da tieni conconbuoluba kuli.

1 Tesaloniki 5:18

Yebuoli kuli nni, yin yaa tuondi U Tienu, kelima lani n tie U Tienu yanbuama yi po Jesu Kilisiti nni.

1 Timote 1:13

mini yua n den kpa sugidi o, ki wangi o fala, ki tiendi o yaala n bia. O den gbadi n po mi ninñima, kelima n den tiendi yeni n yanpiima leni n dandanluoma po.

Titi 2:8

Ŋan maadi yaa maama kuli n yaa ŋani, bi niba n kan fidi ki jaligi yaama. Lani n tie yibali n fiagi, ki da baa kuli, wan baa fidi ki maadi ti po yaa mabiadima.

Titi 3:3

Timoko den kpa tie yanluodanba, niyiekaaba leni bi niyaadikaaba. Ti gbanandi bonbuaka-biadila buoli kuli den die ti. Ti den pia ku tugutongu leni li nunponbiadili, ki tie lan pundi ban yaa nani yaaba, ki go nani ti lieba mo.

1 Pieri 2:12

Yin yaa pia u tagiŋamu bi nilanba siiga. Lanwani, ba bi yaa kuli yi ke yi tiendi yaala n bia, ban le yi tuonŋama, ki kpiagi U Tienu, o cuama daali.

1 Pieri 3:16

Ama lan yaa tie leni mi dingima leni li fangili. Yaa pia mani yaa pali siedi n ŋani, lani, ba bi yaa sugidi yi ki kuli yi ke yi tie i tagili danba, yaaba n sugidi yin pia yaa tagiŋami Kilisiti nni yeni, n le i fe.

1 Pieri 3:17

Li yaa tie ke U Tienu n bua yin le fala, kelima yi tiendi yaala n ŋani, li cie yin le o kelima yi tiendi yaala n bia.

1 Pieri 4:2

Lani yaa po, yaa dana n sieni yi po ki tinga ne niinni, yin da go ye ki ŋua ti gbanandi bonbuakaala ka, ama yin yaa ye ki tiendi U Tienu yanbuama.

2 Pieri 2:12

Ama laa niba tie nani ti yandi yeni, yaadi n ye ban cuo ki kodi po. Bi sugidi ban ki bani yaala. Bi baa kpa ba nani ti yandi yeni.

Jude 1:10

Ama laa niba sugidi ban kaa bani yaala. Ba ban bani yaala mo, bi ŋua la nani ti yandi yeni, ke li caani ba mi bodima po.