1 Pieri 1:6 - U TIENU MAAMA TILI 2013

⁶ Lanwani, mangi mani yi pala boncianla, ba li yaa tie tiladi, ke biigima buoli boncianla teni ke yi ye leni li pabiidili u yogunu waamu po moala.

Gourmanchéma Bible

⁶ Lanwani mangi mani yi pala boncianla, baa li yaa tie tiladi ke moala po biigima buoli boncianla teni ke yi ye leni li pabiidili u yogunu waamu po.

1 Pieri 1:6 ပူးပေါင်းရင်းမြစ်များ

Pisomi 119:28

N buudi kelima li paboanli po, Paagi n pali nani ŋan niani nni maama.

Pisomi 119:75

O Diedo, n bani ke a buudi tiegi, A pia moamoani mo leni ŋan faligi nni.

Pisomi 34:19

O Diedo ye leni yaaba yaa jigi n cie, O faabidi yaaba yaa yama n paagi.

Pisomi 35:10

N baa yedi leni n pali kuli: O Diedo, ŋme n baa fidi nani fini yeni, Ki faabi o ninñinnilo yua n paani o nuu nni? Ŋme n baa fidi ki faabi o ninñinnilo Leni o luodo yua n kpabidi ba nuu nni?

Pisomi 69:20

A bani ban sugidi nni, Ki yuandi nni ki fiagidi nni maama. N yibalinba kuli ye n nintuali.

Pisomi 9:14

Gbadi n po mi ninñima, fini o Diedo! Diidi ki le yaaba n nani nni, N wangi nni fala maama! Fini yua n faabi nni leni mi kuuma,

Pisomi 95:1

Cua mani tin yiini o Diedo po Leni li pamanli. Tin yigini mani ti Tanciangu, Yaagu n faabidi ti po.

Esayi 61:10

N baa mangi n pali o Diedo po, N pali baa mangi n Tienu po hali lan kandi, Kelima o lani nni mi faabima tiadi, Ki golini nni mi teginma kpalibu, Nani o puocaano calo n bobi, Bi nani o kopadiciamo n bobi, Bi nani o puocaano n yie o tiadi maama yeni.

Esayi 61:3

N baa lebidi Siyon yaaba paboanli maalima, Ki teni ba ti kpiagidi lan lebidi Mi fantanpienma kaanu. N baa teni li pamanli tulale n gaa Li paboanli kaanu, Ti kpiagidi tiayiekaadi mo n gaa Li pabiidili kaanu Ke ban yaa yi ba mi teginma ticiandi, O Diedo tiŋuuke, yii n baa doagidi o kpiagidi.

Matie 11:28

Cua mani n kani, yinba yaaba n tugi a tugikpiaga ki coagi kuli, n baa pa yi mi fuodima.

Matie 26:37

O den taa Pieli leni Sebede bijaliediba, ke bi yegi leni o. Li paboanli leni ti yanyagiciandi den cili ki cuo o.

Matie 5:12

Yin mangi mani yi pala ki yaa ye leni li pamancianli, kelima yi panpaani baa yaa yabi tanpoli po. Bi niba den wangi bi saawalipuaba yaaba n den ye ke yi daa ye, o falabiado yene.

Luki 1:47

N pali mani hali boncianla, Kelima wani U Tienu n Candaano po.

Luki 10:20

Ba yeni, yin da mangi mani yi pala kelima mu cicibiadimu tuo yi maama, ama yin mangi yi pala kelima bi diani yi yela tanpoli po.»

Luki 2:10

Maleki den yedi ba: «Da jie mani, kelima n cuani yi po o laabaaliŋamo, yua n baa tua bi niba kuli po pamancianli.

Jan n diani U Tienu Laabaaliŋamo maama 16:22

Li baa yaa tie yeni leni yinba moko. Moala li pabiidili cuo yi, ama n go baa le yi ke yi pala baa mangi. Oba kuli kan fie yi kani laa pamanli.

Jan n diani U Tienu Laabaaliŋamo maama 16:33

N waani yi lani ke yin yaa pia mi yanduanma n niinni. Ŋanduna nni, yi baa le o falabiado. Ama yin paagi mani yi pala. Mini, n paadi ŋanduna.»

Jesu Tondiba Tuona 14:22

I kaani kuli, bi den paagidi yaaba n daani pala, ki tundi ba ke ban yaa se bonŋanla li dandanli nni, ki tua ba: «Li tie tiladi tin kpa le fala boncianla, ki baa ki kua U Tienu diema nni.»

LOMA YAABA 12:12

Yin yaa mangidi yi pala yin pia yaa suginma nni. Yin yaa pia li juunli fala nni. Yin yaa jaandi ki da cedi.

LOMA YAABA 5:11

Laa tie lani bebe ka, ama ti pia li pamancianli U Tienu nintuali, kelima ti Diedo Jesu Kilisiti po, wani yua n teni ke ti mangi leni U Tienu.

LOMA YAABA 5:2

Jesu yaa po yo ke ti baa li dandanli, yaali n teni ke ti baa U Tienu ŋanbili, tin se yaali yaa niinni bonŋanla. Ti go pia li pamancianli, kelima ti daani ke ti baa taani leni U Tienu, o kpiagidi nni.

LOMA YAABA 9:2

N ye leni ti yanyagiciandi leni li paboanli yogunu kuli,

2 Korenti 4:17

Tin laadi yaa fala u naa yogunu po, naa tie puu leni wan bogindi ti yaa kpiagidi po. Laa kpiagidi yabi ki kan pendi hali abada.

2 Korenti 6:10

Bi nua ti nani li pabiidili danba, ama ti pia li pamanli yogunu kuli. Bi nua ti nani a luoda, ama ti teni ke niba boncianla tua piada. Bi nua ti nani tii pia puu, ama ti pia li bonla kuli.

Galati 5:22

Ama U Tienu Fuoma n baa cuani yaa bonluonkaala tie: mi buama, li pamanli, mi yanduanma, li juunli, mi ŋanma, ti bulicindi, ti dugidi, mi dingima leni li yukubili.

Filipi 2:26

O den bua hali bonŋanla ki le yikuli. Wan den bandi ke yi gbadi ke o yia, o yama den yagi li po boncianla.

Filipi 3:3

Tinba n tie a jungimoana, yaaba n kpiagidi U Tienu kelima o Fuoma po, ki jigini ti yula Jesu Kilisiti nni, ki naa bili ti dugidi ti gbanandi nni.

Filipi 4:4

Yaa mangidi mani yi pala o Diedo nni yogunu kuli. N go waani yi yeni, yaa mangidi mani yi pala!

1 Tesaloniki 1:6

Yi den ŋoadi tinba leni o Diedo fuuli ki gaa U Tienu Maama, ba o falaciamo siiga leni U Tienu Fuoma Yua n puuni yaa pamanli.

Jaki 1:2

N kpiiba, yin yaa nua ke yaa biigima buoli kuli n cua yi kani tie pamanli bonla,

Jaki 1:9

Ti kpiiba siiga yua n tie luodo, n yaa mangidi o pali boncianla leni U Tienu n jigini o maama.

Jaki 4:9

Yin bandi yi yebiadima, ki yaa ye leni li paboanli, ki yaa mua. Yin teni yi laadi n lebidi ki tua bubula, ki go teni yi pamanli n lebidi ki tua pabiidili.

1 Pieri 3:17

Li yaa tie ke U Tienu n bua yin le fala, kelima yi tiendi yaala n ŋani, li cie yin le o kelima yi tiendi yaala n bia.

1 Pieri 4:7

Li bonla kuli juodima nagini. Yin faami ki yaa kubi yi yula, lani n tie yin fidi ki yaa jaandi.

1 Pieri 5:10

U Tienu yua n die li ŋanbili kuli, yini yi Kilisiti nni, ke yin taani leni o ki baa yaa kpiagidi n kan gbeni, yi yaa tuo ki laa fala u yogunu waamu po. Wani o ba n baa ŋanbi yi cain, ki teni yin yaa se bonŋanla, ki paagi yi pala, ke liba kuli kan fidi ki lengi yi.

1 Samueli 2:1

Anna den jaandi ki yedi: «O Diedo teni ke n pali mangi. O Diedo teni ke n yuli yaadi. N yaadi n ñoabu ki ñuadi n yibalinba. N pali mangi kelima fini o Diedo faabi nni.