1 Pieri 1:4 - U TIENU MAAMA TILI 2013

⁴ Ti guu U Tienu n bili ti po yaa ŋalimano tanpoli po, yua n kan bodi, ki kan joagini, ke o ŋamu mo kan yindi.

Gourmanchéma Bible

⁴ Ti gu U Tienu n bili tipo yaa ŋalimani tanpoli po, yi n kan bodi ki kan *joagini, ke yi ŋamu mo kan yindi.

1 Pieri 1:4 ပူးပေါင်းရင်းမြစ်များ

Pisomi 31:19

Teni yaa ñoana n pua mi faama Yeni kuli n muu. Ŋani ya n maadi leni ti japaadi Ki sugidi o niteginka ki go fali o yeni.

Pisomi 47:4

O teni ke ti paadi i nilanbuoli, Ki guli ba ki teni ke ti ŋmaadi ba.

Esayi 66:22

Lanwani, nani min tieni Yaa tanpopaano leni yaa tinpanga Ke bi baa yaa ye n nintuali maama, Yi puoliŋuani leni yi yeli mo baa yaa ye yene. O Diedo n yedi yeni.

Esekieli 47:12

Tiluonkabuolu kuli baa pudi u kpenu yeni balinma. I tiidi yeni faadi kan mali, i bonluonkaala mo kan gbeni. I baa yaa luoni ŋmaalo kuli, kelima yaa ñima n ña u kaangagidiŋamu nni baa yaa kpidi yi. I bonluonkaala baa yaa tie mi jiema po, i faadi mo n yaa tie ñoagu.»

Matie 25:34

Lani, o bado baa yedi yaaba n ye o jienu: ‹Cua mani na, yinba n Baa n seligi yaaba! Gaa mani wan den ŋanbi yi po yaa diema hali ŋanduna cilima!

Marki 10:17

Jesu n den fii lankani ki baa suagi liiga, o joa den sani ki cua o kani ki gbaani o nintuali ki buali o: «O canbaanŋamo, n baa tieni lede ki baa yaa miali n kan gbeni?»

Jesu Tondiba Tuona 20:32

Moala, n taa yi ki piani U Tienu leni o ŋanbili maama, yaama n baa fidi ki teni yin yaa kpedi ki paagidi o sanŋoadima nni, ki go teni yin baa u biinu wan bili yaa ŋalimano o nigagidiŋanba kuli po.

Jesu Tondiba Tuona 26:18

N soani a bi kani ke ŋan ŋubidi bi nuni, ki ñani ba li biigili nni ban kua mi yenma nni, ki ñani ba Sutaani paalu nni, ban cua U Tienu kani. Lani, ban baa bi tuonbiadi sugili, ki baa bi u kaanu U Tienu gagidi ki ŋanbi yaaba kelima li dandanli po siiga.›

LOMA YAABA 8:17

Ti yaa tie U Tienu bila, ti go tie bi faajieba moko. Ti tie U Tienu faajieba, ki baa taani leni Kilisiti ki je li faali. Ti yaa taani leni Kilisiti o fala nni, ti go baa taani leni o o kpiagidi nni moko.

1 Korenti 9:25

Yua n bua ki tua liiga yua jelibuolu kuli nni, yen kubi li kuali o gbanandi po li bonla boncianla nni. O tiendi yeni, kelima o bua ki baa yaa panpaani n baa pendi. Ama tinba wani tiendi yeni, ki bua ki baa yaa panpaani n kan pendi abada.

Galati 3:18

Li yaa tie ke U Tienu ŋalimani baadi kelima li bali maama kubima yaa po, laa go tie u ñoanianu po. Ama li tie u ñoanianu yaa po yo ke U Tienu den puni Abalahama o ŋanbili.

Efesa 1:11

Li tie wani Kilisiti yaa niinne, ke U Tienu tieni li bonla kuli nani wan den kpa jagi ki bili maama. O den gandi ki gagidi ti, ke ti tua o yaaba.

Efesa 1:14

U Tienu Fuoma Yua yeni tie ti po i kpaaligi U Tienu diema ŋalimano po, yaala n doagidi ke U Tienu baa faabi ti cain, ke tin yaa pagi o kpiagidi.

Efesa 1:18

N go miadi o ke wan yendi yi yantiana nuni, ke yin fidi ki bandi yaa suginma n tuugi leni o yiinu leni wan bili o nigagidiŋanba po yaa ŋalimano, ke o pia ti kpiagidi.

Kolosi 1:12

Yaa tuondi mani Baa leni li pamanli, yua n teni ke yi dagidi ki baa yi biinu wani U Tienu n bili yaa ŋalimano mi yenma diema nni, o nigagidiŋanba po.

Kolosi 1:5

Yi baa la kelima U Tienu n bili yi po yaa suginma tanpoli po, i moamoani maama, yaama n tie o Laabaaliŋamo n den kpa cua yi kani, ki bangi yi yaama.

Kolosi 3:24

Yi bani ke yi baa taani leni o bila kuli, ki baa wan bili yi po yaa faali ke li tie yi panpaani, kelima yi tuuni o Diedo Kilisiti po.

2 Timote 4:8

Ba moala bi bili n po mi teginma badifogiliga, o Diedo yua n tie o bujiateginka n baa pa nni yaaga o guacuama daali. O kan pa mini nbebe ka, ama yaaba n den bua o guacuama kuli.

Hebilunba 10:34

Yi den gba a kpaada po mi ninñima, ki go tuo ki mangi yi pala bi niba n den fie yi bonpiakaala yaa yogunu, kelima yi bani ke yi pia yaa ŋalimano n cie, yua n baa yaa ye hali yaa yogunu kuli.

Hebilunba 9:15

Li tie lani yaa po ke Kilisiti tie o ŋantaadipaano candanbaalo, ke U Tienu n yini yaaba kuli n baa wan den niani ba yaa ŋalimano, yua n baa yaa ye hali yaa yogunu kuli. Lani kuli baa tieni kelima Kilisiti kpe, ke o kuuma faabi ba leni ban den tieni yaa tuonbiadi o ŋantaadikpialo n den die ba yaa yogunu.

Jaki 1:11

U yienu pudi ke u wulitonma teni ke ti muadi kuodi, ke ti puuma mo suodi, tin pia yaa jawaama mo bodi. O piado moko baa mali ki suodi yene, o bontienkaala nni.

1 Pieri 3:9

Yin da guani oba kuli o biadima, ki da sugi ki guani oba. Ama yin gaali, kelima U Tienu den yini yi lani yaa po, ke yimo n baa o kani li seli.

1 Pieri 5:4

Lanwani, o yankpaaciamo yaa doagidi o yuli yaa yogunu, yi baa baa yaa kpiagidi n kan yindi yaa badifogiliga.

Mi Doagidima 21:27

Joagindiba kuli kan baa ki kua u niinni. Yua n tiendi ti cagindi leni yua n pua mi faama kan kua u niinni, kali yaaba yaa yela n diani li miali tili nni, lini yaali n tie ki Pebiga tili. Bani bebe n baa baa ki kua u niinni.