1 Pieri 1:23 - U TIENU MAAMA TILI 2013

²³ Lani yaa po, yi pia li miapanli. Yii pia li ke li ŋua leni yaa bonbuoli n baa bedi ka. Ama li tie leni yaali n kan bede. Lani n tie U Tienu maama yaama n fo, ki baa yaa ye hali yaa yogunu kuli po.

Gourmanchéma Bible

²³ Lani yaa po yi pia li miapanli. Yii pia li ke li ŋua leni yaa bonbuoli n baa bedi ka. Ama leni yaali n kan bedi. Lan tie U Tienu maama yaama n fo ki baa ye hali yaa yogunu kuli po.

1 Pieri 1:23 ပူးပေါင်းရင်းမြစ်များ

Jeremi 23:28

Yaa saawalipualo n dangi ti dangidi, wan togidi o dangidi. Yaa saawalipualo n gbadi n maama mo, n caa ma bonŋanla. O Diedo yedi: «Naani ti kankagidi leni mi bima tie yenme?» O Diedo n yedi yeni.

Levi 11:37

Laa bonkpienla yaa baa bonbuoli nni, yi baa yaa ŋani.

Malaki 2:3

N baa waani yi puoliŋuani fala. N baa taa yin padi yaa yandi mi jaanma yogunu pobindi, ki madi yi nunmu nni. Bi baa taani ki tugi yinba leni tini kuli.

Matie 24:35

Tanpoli leni ki tinga kuli baa pendi, ama n maama kan pendi abada.

Luki 8:11

Cengi mani mi kpanjama yeni bundima. I bonbuoli tie U Tienu maama.

Jan n diani U Tienu Laabaaliŋamo maama 1:13

Ban tua U Tienu bila yeni, laa tie nani nisaalo n mali maama ka. Laa ŋoadi ti gbanandi yanbuama. Laa didi ŋoadi nisaalo yanbuama mo. Ama li tie U Tienu yaa yanbuama po yo.

Jan n diani U Tienu Laabaaliŋamo maama 1:3

Mi Maama yeni den tagi li bonla kuli. Liba kuli ki ye, kaa tie mi Maama n tagi yaala.

Jan n diani U Tienu Laabaaliŋamo maama 3:3

Jesu den guani ki yedi o: «N yedi a i moamoani, o nilo yàá mali milie, o kan fidi ki le U Tienu diema.»

Jan n diani U Tienu Laabaaliŋamo maama 3:5

Jesu den guani ki yedi o: «N yedi a i moamoani, o nilo yàá mali mi ñima leni U Tienu Fuoma Yua po, o kan kua U Tienu diema nni.

Jan n diani U Tienu Laabaaliŋamo maama 6:63

U Tienu Fuoma Yua n puuni li miali, ti gbanandi ki pia fuoma. Min maadi yi yaa maama tie mi Fuoma yaa maama leni li miali yaa maama.

LOMA YAABA 1:23

Bi lebidi U Tienu yua n kan kpe yaa kpiagidi, ki kpiagidi a nannana, ya n naani leni o nisaalo yua n baa kpe, ti bonyugiditi, ti yandi leni li bonbalinkaala.

Hebilunba 4:12

U Tienu maama fo ki tuuni leni u paalu. Mi mani ki cie jugisieñoaliedi, ki muu, ki paadi o naano leni li yantiali, ki go paadi a tuga leni o lonlogo. Mi biigidi o nilo yanmaalima leni o jaga.

Jaki 1:18

O yanbuama po, o den mali ti, kelima i moamoani maama po, ke tin yaa tie o tagima kuli siiga li bonkpiala.

1 Pieri 1:25

Ama o Diedo maama baa yaa ye hali yaa yogunu kuli.» Laa maama tie ban den wangi yi yaa Laabaaliŋamo.

1 Pieri 1:3

U Tienu ti Diedo Jesu Kilisiti yaa Baa n baa ti pagidi! O ninñingbadicianma po teni ke ti pia li miapanli leni yaa suginma n fo kelima Jesu Kilisiti fiima bi tinkpiba siiga yaa po.

1 Jan 3:9

U Tienu n mali yua kuli kaa tiendi tuonbiadi, kelima wani U Tienu miali buolu ye o niinni, o kan fidi ki yaa tiendi ti tuonbiadi kelima U Tienu mali o.

1 Jan 5:18

Ti bani ke U Tienu n mali yua, waa tiendi tuonbiadi, kelima U Tienu Bijua kubi o ke o Biado kan sii o.